कैन छींक ?

Best  Harmless Garhwali Humor   , Garhwali Comedy Skits  , Satire, Wit , Sarcasm  , Garhwali Skits  , Garhwali Vyangya  , Garhwali Hasya 

                                कैन छींक ?

                        चबोड़्या स्किट :::   भीष्म कुकरेती 

 (आम साधारण विधान सभा )

संसदीय कार्य मंत्री - सभी सदस्यों तै पता इ ह्वाल कि अचकाल नई नई बीमारी ऐ गेन।  अर अधिकतर बीमारी छिंकण से फैलणि छन। अतः अध्यक्ष की अनुमति से मि आपसे अनुरोध करदु कि कृपया विधानसभा मा नि छींको।  प्लीज ! प्लीज !

( इथगा मा पैथर कै विधायकन छींक दे ) 

संसदीय कार्यमंत्री (विरोधी पार्टी नेता तै देखिक  ) - आपन छीेंक ?

लीडर ऑफ ओपोजिसन - अध्यक्ष महोदय ! मंत्री द्वारा मी  पर अनावश्यक अभियोग लगै दे।  नियमावली XYZ/.BBB का तहत कामकाज ठप्प करे जाव अर यां पर बहस करे जाव। 

विधानसभा अध्यक्ष -एलओपी जी ! मंत्री जीन अभियोग नि लगाइ अपितु पूछ च कि "आपन छींक ?"
लीडर ऑफ ओपोजिसन - नहीं अधिनायकवाद सहन नही होगा।  मि अपण हाइ कमांड की कसम खांदु कि -मीन नि छींक !
संसदीय कार्यमंत्री ( अपण पैथर बैठ्याँ अपणी पार्टीक विधायक से ) - आपन छींक ?

विधायक - मंत्री जी ! यह घोर अपमान है।  मंत्री जी ! तुम हमेशा म्यार बारा मा झूट बुल्दां। मीन तुमर जगा मंत्री बणन छौ पर तुमन हाई कमांड से झूटी सिकैत कर दे कि सैंड माफिया दगड़ म्यार संबंध छन।  जब कि म्यार संबंध फारेस्ट माफिया से छन। मीन आपक शिकायत दिल्ली करण कि विधानसभा मा बि आप मी पर अभियोग लगाणा रौंदा। 

विधानसभा अध्यक्ष - सवालक जबाब द्यावो कि आपन छींक च कि ना ?

विधायक - नही।
संसदीय कार्यमंत्री ( एलओपी का पैथर चौथी पंक्ति का विधायिका से )- आपन छींक ?

विधायिका - मीन  आपक सिकैत विमेन वर्ल्ड फोरम मा करण।  आप एक महिला पर इथगा बड़ो अभियोग कनै लगै सकदां ? अध्यक्ष महोदय ! स्थगन प्रस्ताव लाया जाय।  स्त्री की बेज्जती नही सही जायेगी।

विधानसभा अध्यक्ष - सवालक जबाब द्यावो कि आपन छींक च कि ना ?

विधायका - नही। 

संसदीय कार्यमंत्री  ( सबसे पैथर बैठ्याँ एक विधायक से ) - आपन छींक क्या ?
सबसे पैथर बैठ्याँ  विधायक - हाँ छींक च।  आप मजदूरों की आवाज नही दबा सकते।   इस अपमान का बदला मजदूर लेंगे। मुझ जैसे मजदूर को छींकने से नही रोक सकते।
संसदीय कार्यमंत्री -  छिंकण   आपक अधिकार च पर छींक का बादक प्रबंधन  म्यार कर्तव्य च (मंत्री चपड़ासी जी तैं  संकेत करदन ) ।

चपड़ासी जी जांदन अर विधायक जी तै कुछ टिस्यू पेपर दींदन अर एक इनहेलर बि दींदन ।

30 /3/15 ,Copyright@ Bhishma Kukreti , Mumbai India 

*लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल व्यंग्य रचने  हेतु उपयोग किये गए हैं।

 Best of Garhwali Humor in Garhwali Language ; Best of Himalayan Satire in Garhwali Language ; Best of  Uttarakhandi Wit in Garhwali Language ; Best of  North Indian Spoof in Garhwali Language ; Best of  Regional Language Lampoon in Garhwali Language ; Best of  Ridicule in Garhwali Language  ; Best of  Mockery in Garhwali Language  ; Best of  Send-up in Garhwali Language  ; Best of  Disdain in Garhwali Language ; Best of  Hilarity in Garhwali Language  ; Best of  Cheerfulness in Garhwali Language  ;  Best of Garhwali Humor in Garhwali Language from Pauri Garhwal  ; Best of Himalayan Satire in Garhwali Language from Rudraprayag Garhwal  ; Best of Uttarakhandi Wit in Garhwali Language from Chamoli Garhwal  ; Best of North Indian Spoof in Garhwali Language from Tehri Garhwal  ; Best of Regional Language Lampoon in Garhwali Language from Uttarkashi Garhwal  ; Best of Ridicule in Garhwali Language from Bhabhar Garhwal  ; Best of Mockery  in Garhwali Language from Lansdowne Garhwal  ; Best of Hilarity in Garhwali Language from Kotdwara Garhwal  ; Best of Cheerfulness in Garhwali Language from Haridwar  ;

Garhwali Vyangya , Garhwali Hasya,  Garhwali skits; Garhwali short skits, Garhwali Comedy Skits, Humorous Skits in Garhwali, Wit Garhwali Skits