नै किस्मै क्रिकेट कमेंट्री (धर्मेंद्र पंत जी से क्षमा सहित )

(Best  of  Garhwali  Humor , Wits Jokes , गढ़वाली हास्य , व्यंग्य )
-
  चबोड़ , चखन्यौ , ककड़ाट  :::   भीष्म कुकरेती    

 अचकाल मीडिया की नजर क्रिकेटरुं  खेल पर कम क्रिकेटरुं आमद पर ज्यादा च। कुछ समौ परांत क्रिकेट कमेंटरी इन होली। 

   अर इना बिटेन कैप्टेन विराट कोहली जैन करोड़ों रुप्या कु विज्ञापन ठुकरै दे वैन बॉल उमेश यादव तै बॉल पकड़ै।  ये मैचै क्रिकेट बॉल का स्पॉन्सर प्रसिद्ध शराब ब्रैंड ब्लेंडर प्राइडन दस करोड़ रुप्या रोजाना मा स्पॉन्सरशिप कु ठेका पायी। उमेश यादव जु विज्ञापनों से ही हर साल पचास करोड़ रुपया कमांदु वै अरबपति बॉलरन  कैमरा तैं पैल अपण जुत दिखैन। उमेश यादव अर जूता कम्पनी बीच करार च कि हरेक ओवर मा उमेश यादव दर्शक अर टीवी कैमरा तैं जुत दिखालो।  जुत दिखाणो बाद उमेश यादवन बॉल अपण जंगड़ पर रगोड़न शुरू कार , जांग पर हम सब तै बीड़ी कम्पनी कु नाम दिखेणु च। यद्यपि उमेश यादव तै बॉल रगोड़नो जरूरत नि छे किन्तु बीड़ी कम्पनी दगड़ करारनामा का तहत हर दैं उमेश यादव तैं बॉल बीड़ी कम्पनी का स्लोगन का ऊपर रगोड़न आवश्यक च।  फिर उमेश यादवन अपण कॉलर पर हाथ लगाई।  कॉलर बि एक बिल्डिंग डेवलपर का स्पोंसर्ड  कॉलर च।  इन बुले जांद बल बिल्डर वास्तव मा आम्रपाली बिल्डर की ही शैडो कम्पनी च।  दर्शकों तै बताणम मि तै क्वी शरम नि आणि च कि स्पॉन्सरुं बर्णन करदा करदा उमेश यादव का ओवर ख़तम ह्वे गे अर ये ओवर मा यादवन अट्ठारा रन खर्च करिन।  अबि अबि NDTV का खेल समीक्षक स्पोंसर्ड बाई अमेजन डॉट कौम याने  लिटल मास्टर गवास्कर जीन खबर दे कि एक ओवर मा अट्ठरा रन दीण से यादव का तीन स्पॉन्सर नराज ह्वे गेन और ऊँन अपण करारनामा व्हट्सप से रद्द करणै सूचना यादव तै दे आल।  यादव तै अपण स्पोंसर्ड लत्ता कपड़ा बदलणो मैदान से भैर जाण पड़णु च. द ल्या खबर बीसीसीआई से आई बल इथगा देर मा उमेश यादवक मैनेजरन तीन कम्पन्युं दगड़ करारनामा कौर अर अब उमेश यादव नया स्पॉन्सरों कपड़ा पैरिक ही मैदान मा आला।  शेमलेसली मि सूचना दीणू छौं कि इथगा देर मा तीन ओवर कु खेल हौर ह्वै गे।  

    अर अब कैमरा अरबपति विकेटकीपर महेंद्र सिंग धोनी की पीठ पर च अर धोनी की पीठ पर बाइस स्पॉन्सरों स्टिकर लग्यां छन।  द ल्या कैमरा हरेक स्पॉन्सर का स्टिकर तै ज़ूम करिक दिखाणु च।  ये जूमिंग से बीसीसीआई तैं स्पॉन्सरों से तीन करोड़ , आईसीसीआई तै डेढ़ करोड़ अर कैमरा कम्पनी तै पचास लाख मीलल। छै ओवर कु खेल हौर ह्वे गे , यूं छै ओवरुं स्पॉन्सर एक सिगरेट कम्पनी च किन्तु स्पॉन्सरशिप म्यूजिक का नाम से लियुं च। 

       ये ल्यावो स्पॉन्सरों नव चेहता बुमरान गेंद इन ढंग से चुलाइ कि तीन स्पॉन्सरों नाम कैमरा समिण ऐ जावो।  स्मिथन स्क्वैरिस ह्वेका बैट घुमाई , गेंद रवींद्र  जडेजा  की  तरफ जाणी च , जडेजा एक टंगड़ मा खड़ ह्वेका घुमणु च जां से वैका बदन पर स्पॉन्सरों स्टिकर दिखे जावन।  गेंद जडेजा का हाथ मा आणि च अर जडेजा न गेंद पकड़नो जगा कैमरा समिण अपण घुंड करि जाँसे स्पॉन्सर का नाम कैमरा क समिण ऐ जावो अर इथगा मा कैच छुटि गे।  कैप्टेन विराट कोहली तै कत्तै बि गुस्सा नि आयी किलैकि जडेजा अर कोहली का घुन्डों स्पॉन्सर एकि  कम्पनी च। 

    अर अब कमेंट्री बॉक्स मा प्रसिद्ध वाइन कम्पनी का स्पोंसर्ड मिस्टर रॉकेट ऐ गेन जु अब कमेंट्री द्याला। 

    कोहलीन फील्डिंग की जमावट कार।  स्लिप मा सौ करोड़ कमाण वळ नया खिलाडी च , ऑफ साइड का कवर पर ढाई सौ करोड़ की आसामी च , लॉन्ग ऑन पर पोलिटिकल पार्टी का ब्रैंड अम्बेस्डर च जै तै पार्टी डेढ़ सौ करोड़ सालाना दींदी।  बॉलिंग ऐंड पर विज्ञापन दाताओं की पैली पसंद भुवनेश्वर कुमार च।  गेंद स्पोंसर्ड पैच से हून्दी हूंदी सीमारेखा पार करणी च अर सीमा रेखा पर मि तै बॉल त नी दिखेणी किन्तु गुटका कम्पनी का होर्डिंग दिख्याणु च। 

   अरे अरे स्पॉन्सरों बर्णन करदा करदा पता इ नि चौल कि इंडियान मैच जीती याल।  कपिल देव जीन खबर दे कि कोहली , भुवनेश्वर कुमार अर रोहित शर्मान अपण कीमत दुगण कौर दे पर तबि बि स्पॉन्सर जुआ खिलणो तैयार छन। 

   अब मि आप सबसे विदा लींदु।  आप तै याद दिलांण मि अपण कर्तव्य समजदो कि हम कमेंटेटरों स्पॉन्सर बैंकॉक पटाया की प्रसिद्ध जुआघर कम्पनी च।  जब बि आप बैंकॉक जावो तो गुरु घंटाल जुआघर अवश्य जैन।  

-

 -

15/9 / 2017, Copyright@ Bhishma Kukreti , Mumbai India

*लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल हौंस , हौंसारथ , खिकताट , व्यंग्य रचने  हेतु उपयोग किये गए हैं।
-
 Best of Garhwali Humor Literature in Garhwali Language , Jokes  ; Best of Himalayan Satire in Garhwali Language Literature , Jokes  ; Best of  Uttarakhand Wit in Garhwali Language Literature , Jokes  ; Best of  North Indian Spoof in Garhwali Language Literature ; Best of  Regional Language Lampoon in Garhwali Language  Literature , Jokes  ; Best of  Ridicule in Garhwali Language Literature , Jokes  ; Best of  Mockery in Garhwali Language Literature  , Jokes    ; Best of  Send-up in Garhwali Language Literature  ; Best of  Disdain in Garhwali Language Literature  , Jokes  ; Best of  Hilarity in Garhwali Language Literature , Jokes  ; Best of  Cheerfulness in Garhwali Language  Literature   ;  Best of Garhwali Humor in Garhwali Language Literature  from Pauri Garhwal , Jokes  ; Best of Himalayan Satire Literature in Garhwali Language from Rudraprayag Garhwal  ; Best of Uttarakhand Wit in Garhwali Language from Chamoli Garhwal  ; Best of North Indian Spoof in Garhwali Language from Tehri Garhwal  ; Best of Regional Language Lampoon in Garhwali Language from Uttarkashi Garhwal  ; Best of Ridicule in Garhwali Language from Bhabhar Garhwal   ;  Best of Mockery  in Garhwali Language from Lansdowne Garhwal  ; Best of Hilarity in Garhwali Language from Kotdwara Garhwal   ; Best of Cheerfulness in Garhwali Language from Haridwar    ;गढ़वाली हास्य -व्यंग्य ,  जसपुर से गढ़वाली हास्य व्यंग्य ; जसपुर से गढ़वाली हास्य व्यंग्य ; ढांगू से गढ़वाली हास्य व्यंग्य ; पौड़ी गढ़वाल से गढ़वाली हास्य व्यंग्य ;
Garhwali Vyangya, Jokes  ; Garhwali Hasya , Jokes ;  Garhwali skits , Jokes  ; Garhwali short Skits, Jokes , Garhwali Comedy Skits , Jokes , Humorous Skits in Garhwali , Jokes, Wit Garhwali Skits , Jokes