संसद में गढ़वाली -कुमाउनियों द्वारा विदेश पलायन पर चर्चा, चिंता और हंगामा !

(Best  of  Garhwali  Humor , Wits Jokes , गढ़वाली हास्य , व्यंग्य )
-
  चबोड़ , चखन्यौ , ककड़ाट  :::   भीष्म कुकरेती    

 13 सितंबर 2067 ,  नई दिल्ली 

संसदाध्यक्ष  - अब चर्चा कुण आखरी विषय च - उत्तराखंड्यूं कु विदेश पलायन पर चर्चा।  चूंकि सांसदुं तनख्वा बहस पर भौत समय खर्च ह्वे गे त ये विषय पर केवल 15 मिनट मा चर्चा ख़तम करण पोड़ल। 

जंगबहादुर गुरंग  (पिथौरागढ़ सांसद ) - अध्यक्ष जी ! गढ़वळि , कुमाउन्युं तै उत्तराखंडी बुलण पर हम उत्तराखंड का सांसदुं तैं सख्त आपत्ति च।  उत्तराखंड मा आज एक भी गढ़वळि या कुम्मैया नि रौंद। 

गुरमीत चड्ढा (नैनीताल सांसद ) जी अध्यक्ष जी ! कै बि गढ़वळि -कुमाउँनी तै उत्तराखंडी नि बुले जावो निथर हमन वाल मा ऐक घ्याळ करण। 

अब्दुल रहमान बंगाली (टिहरी सांसद ) - जी जनाब।   यूं तैं उत्तराखंडी नि बुले जावो। 

कालू यादव (पौड़ी सांसद ) - जु यूं  तैं उत्तराखंडी तो छवाड़ो गढ़वळि  -कुमाउँनी यूं तैं गढ़वळि -कुम्मया बि नि बुले जावो जनाब। गढ़वळि -कुमाउँनी जब अपण भाषा इ नि बुल्दन त क्यांक गढ़वळि -कुमाउँनी ? 

 ज्ञानदेव मुंडेपी (इंदौर सांसद ) - अजी तुम कु छंवां जु हम तै गैर उत्तराखंडी बुलण वाळ ?

रणवीर टम्टा (दिल्ली सांसद )-या त हमर कौमक सरासर बेज्जती  च। 

 महिपाल नेगी (उत्तर मुंबई सांसद )- हाँ जी हम उत्तराखंडी छंवां।  उत्तराखंडी छंवां।  हमर ददी -ददा जीन उत्तराखंड आंदोलन मा गोळी खै छे। 

धीरज कौशिक (हरिद्वार सांसद )- यदि संसद मा गढ़वळि -कुम्मयों तै उत्तराखंडी बुले जाव त हम ससंद नि चलण द्यौला। 

(संसद मा उत्तरखण्डी नि बुले जावो , उत्तराखंडी बुले जावो कु घ्याळ )

अध्यक्ष - संसद कार्यवाही पांच मिंटौ कुण स्थगित करे जांद

(पांच मिनट बाद संसद दुबर  शुरू हूंद )

मानव संसाधन मंत्री - माननीय अध्यक्ष  जी ! उत्तराखंड्यूं द्वारा क्षमा गढ़वळि -कुमाउन्युं द्वारा मास माइग्रेसन से भारत मा स्किल्ल्ड वर्क फ़ोर्स की भयंकर कमी ह्वै गे।  सरा देश मा सन 2057 मा 43 लाख कुमाउँनी गढ़वळी छा आज 2067 मा केवल 9 लाख 17 हजार 347 गढ़वळि -कुम्मया देश मा छन।  पोरुक साल करीब 3 लाख  कुम्मया गढ़वळयूंन विदेश पलायन कार।  अर सब स्किल्ल्ड फ़ोर्स छे।  जु बि कुमाउँनी -गढ़वाली भारत मा बच्यां छन वो या त अनस्किल्ल्ड छन या इख नौकरी पर छन।  यांसे देश मा स्किल्ल्ड फ़ोर्स की  भंयकर वैक्यूम ऐ गे। 

साकेत बहुगुणा (पंजाब  सांसद )- अजी मंत्री जी घड़ियाली अंसदरी नि बगावो।  यदि तुम तैं उत्तरखंड्यूं  ... 

उत्तराखंड का पंची सांसद -उत्तराखंडी नहीं गढ़वाली -कुमाउँनी ब्वालो   ... 

साकेत बहुगुणा - ओके ओके।  जु तुम तै गढ़वाली -कुमाउँन्युं इथगा इ चिंता छे तो ऊंकुण अच्छी सेलरी वळ रोजगारौ प्रबंध करण छौ। तुमन इख परीक्षित शिक्षकों  तै रोजगार नि दे तो चीन अर डेनमार्क वळुंन सब गढ़वाली -कुमाउँनी अध्यापकों तै अपण देश मा नौकरी दिलाई। 

पूना सांसद - अजी पूना मा त आई टी क्षेत्र मा भंयकर वैक्यूम आयुं च। 

हैदराबाद , बंगलौर अर गुरुग्राम सांसद - अजी हमर शहर मा बि गढ़वाली -कुमाउँनियों द्वारा विदेश पलायन से बड़ी मुसीबत आयीं च।  यी लोग दुनिया का सबसे बड़ा कठोर परिश्रमी कौम च  तो   .. 

हल्दीराम होटलवाला (राजस्थान सांसद )- होटल इंडस्ट्री इज फेसिंग बिगेस्ट प्रॉब्लम बिकॉज ऑफ माइग्रेसन बाइ उत्तराखंडीज। 

उत्तराखंडी सांसद - नो उत्तराखंडी प्लीज  ... निथर हमन संसद कार्यवाही ही ठप्प कर दीण 

अरविन्द भंगजीरवाल (दिल्ली सांसद ) - सबसे अधिक समस्या तो दिल्ली झेलणु च।  गढ़वाली -कुमाउँनी पलायन से दिल्ली मा कामगति वर्क फ़ोर्स इ नी बचीं च। 

लखनऊ सांसद - त कौनसा लखनऊ मा कामगति वर्क फ़ोर्स रइं च। 

रक्षा मंत्री - अध्यक्ष जी ! गढ़वाल राइफल मा एक बि गढ़वळि नी च त कुमाऊं रेजिमेंट कुमाउनी सिपाही मोहताज ह्वै गे।  इनि बुरा हाल नेवी , एयर फ़ोर्स , बीएसएफ , आईटीबी , एनआई आदि महत्वपूर्ण जगाओं को बि च। हम तै विदेशों से गढ़वाली -कुमाउन्युं तै भारत वापस बुलाणो वास्ता क्वी पॉलिसी बणान पोड़ल निथर आर्मी विल फेस बिग वैक्यूम फॉर कैपेबल ऐंड ऑनेस्ट ऑफिसर्स। 

वीरल सोमया (मुंबई सांसद ) प्राइवेट कंपनियों मा कामगति मैनेजरों , कोस्ट अकाउंटेंटों , चार्टेड अकाउंटेंटों , इंजीनियर्सों की भारी कमी ह्वै गे कुछ करण पोड़ल। 

भौत सा सांसद एक स्वर मा - जी हरेक प्रदेश वर्क फ़ोर्स समस्या से जुझणु च त आज ही गढ़वाली -कुमाउन्युं  द्वारा विदेश पलायन रुकणो अर विदेश बस्याँ उत्तराखंड्यूं तै वापस देशम  बसाणो प्रोग्रैम बणन चयेंद। 

सबि उत्तराखंडी सांसद - नो उत्तराखंडी वर्ड प्लीज  ... 

( देर तलक घ्याळ )

मानव संसाधन मंत्री - क्या एक कमेटी बणाये जाय ?

गुरंग - अध्यक्ष जी ! ये बेकार का विषय हेतु आपन पंदरा मिनट प्रस्तावित कार छौ अर एक घंटा अधिक समय बर्बाद ह्वै गे।  कृपया संसद की कार्यवाही आज बंद की जाय। 

कुछ आवाज - नै बहस चालु रखे जावो 

कुछ आवाज -देर ह्वे गे। 

कुछ आवाज - बहस बंद   .. 

कुछ आवाज - बहस चलण चयेंद   .. बहस  .. बहस केवल बहस .. 

(घ्याळ )

अध्यक्ष - संसद कारवाही भोळ 11 बजे सुबेर तक मुलतबी  करे जांद। 

-
 -

13/9 / 2017, Copyright@ Bhishma Kukreti , Mumbai India

*लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल हौंस , हौंसारथ , खिकताट , व्यंग्य रचने  हेतु उपयोग किये गए हैं।
-
 Best of Garhwali Humor Literature in Garhwali Language , Jokes  ; Best of Himalayan Satire in Garhwali Language Literature , Jokes  ; Best of  Uttarakhand Wit in Garhwali Language Literature , Jokes  ; Best of  North Indian Spoof in Garhwali Language Literature ; Best of  Regional Language Lampoon in Garhwali Language  Literature , Jokes  ; Best of  Ridicule in Garhwali Language Literature , Jokes  ; Best of  Mockery in Garhwali Language Literature  , Jokes    ; Best of  Send-up in Garhwali Language Literature  ; Best of  Disdain in Garhwali Language Literature  , Jokes  ; Best of  Hilarity in Garhwali Language Literature , Jokes  ; Best of  Cheerfulness in Garhwali Language  Literature   ;  Best of Garhwali Humor in Garhwali Language Literature  from Pauri Garhwal , Jokes  ; Best of Himalayan Satire Literature in Garhwali Language from Rudraprayag Garhwal  ; Best of Uttarakhand Wit in Garhwali Language from Chamoli Garhwal  ; Best of North Indian Spoof in Garhwali Language from Tehri Garhwal  ; Best of Regional Language Lampoon in Garhwali Language from Uttarkashi Garhwal  ; Best of Ridicule in Garhwali Language from Bhabhar Garhwal   ;  Best of Mockery  in Garhwali Language from Lansdowne Garhwal  ; Best of Hilarity in Garhwali Language from Kotdwara Garhwal   ; Best of Cheerfulness in Garhwali Language from Haridwar    ;गढ़वाली हास्य -व्यंग्य ,  जसपुर से गढ़वाली हास्य व्यंग्य ; जसपुर से गढ़वाली हास्य व्यंग्य ; ढांगू से गढ़वाली हास्य व्यंग्य ; पौड़ी गढ़वाल से गढ़वाली हास्य व्यंग्य ;
Garhwali Vyangya, Jokes  ; Garhwali Hasya , Jokes ;  Garhwali skits , Jokes  ; Garhwali short Skits, Jokes , Garhwali Comedy Skits , Jokes , Humorous Skits in Garhwali , Jokes, Wit Garhwali Skits , Jokes