क्या मुझे गढ़वाली में गजल लिखनी चाहिए ?

(Best  of  Garhwali  Humor , Wits Jokes , गढ़वाली हास्य , व्यंग्य )
-
  चबोड़ , चखन्यौ , ककड़ाट  :::   भीष्म कुकरेती    

घरवळि - मिंया ! तुम ना कबि बि  वक्तक  मुताबिक़ काम नि करदा। 

मि -क्या मतबल ?

घरवळि - या त बगत से पैल करदा या बगत बीतणो बाद काम उर्यांदा। 

मि - ह्यां ह्वाइ क्या च ? 

घरवळि - इन पूछो क्या नि ह्वाइ ? 

मि -क्या ? 

घरवळि - आज मुड़िन गढ़वळि जनान्युं बीच गढ़वळि गजलुं  छ्वीं लगणी छे। 

मि -गढ़वळि जनान्युं बीच गढ़वळि गजलुं  छ्वीं लगणी छे?

घरवळि -हाँ ! विमला , कमला ,  सगोरी ज्योर सब यूट्यूब मा गढ़वळि गजलुं धमाल की छ्वीं लगाणा छा।  कै पोखड़ा , लता सजवाण अर अमित सागर कु जिकर हूणु छौ। 

मि -या त अच्छी बात च बल यूट्यूब की मेहरबानी से गढ़वळि गजलुं लुफ्त उठाणा छन। 

घरवळि -हाँ पर तुमर जिकर त नि छौ हूणु। 

मि - मि जब गजल इ नि लिखदु त म्यार जिकर क्यांक ?

घरवळि - नै नै तुम बि गजल ल्याखो।  बस मी तै गजल चयेणि च। 

मि - गजल लिखण क्वी खाणो काम च कि गजल चयेणी च ?

घरवळि - छ क्या गजल मा ?

मि -क्या नी ?

घरवळि - क्या च।  बस 'बहर' अर 'वजन ' का हिसाबन लिख्यां शेरो कु समूह  तै गजल बुल्दन। गजलौ पैलो शेर ह्वै -मतला , अर आखिरी शेर ह्वै 

मि - और ? 

घरवळि - और तुकांत शब्दों तैं 'काफिया, बुल्दन ,  दोहरयां  शब्दुं तै 'रदीफ़' बुल्दन अर 'रदीफ़ '  त 'काफिया' का पैंथर ही आंदन। शेर की पंक्त्युं तै 'मिसरा ' बुल्दन। 

मि - बस ?

घरवळि - मुअद्दस  मा 'काफिया ' अर 'रदीफो' ध्यान रखे जांद  त 'मुकफ्फा' गजलुं मा केवल 'काफिया' कु ध्यान धरे जांद। 

मि - मतलब यांसे गजल लिखे सक्यांद। 

घरवळि - बकै क्या चयेंद ?

मि - गजलकार तै सबसे पैल कवि हूण चयेंद। 

घरवळि - त तुम कवि इ छंवां तो तुम तै लिखणम क्यांकि  परेशानी ?

मि - मि कवि छौं ? क्या मि कवि छौं ? ऐम आई पोएट ?

घरवळि - हाँ गढ़वळि कवि !

मि -मि गढ़वळि कवि छौं ?

घरवळि - क्या मतलब तुम गढ़वळि कवि नि छां ? त पिछ्ला पैंतीस सालुं  से तुम क्या लिखणा रौंदा ? इंटरनेट मा बि आँख फुडना रौंदा त क्या करदा ?

मि -कबि म्यार लिख्युं तै पड़दि तो पता चल्दु कि मि गढ़वळि गद्यकार छौं अर मीन आज  तक गद्य छोड़ि एक बि कविता नि ल्याख। 

घरवळि -ये मेरी ब्वे ! मि त सब्युं मा बुलणु रौंद कि तुम बड़ा गढ़वळि कवि छां। 

मि -ह्यां कबि त म्यार लिख्युं पौड़ी लींदी। 

घरवळि - गढ़वळि बि क्वी पड़णै भाषा च ? गढ़वळि त बुलणै अर सुणनै बोली च। 

 -

11/9 / 2017, Copyright@ Bhishma Kukreti , Mumbai India

*लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल हौंस , हौंसारथ , खिकताट , व्यंग्य रचने  हेतु उपयोग किये गए हैं।
-
 Best of Garhwali Humor Literature in Garhwali Language , Jokes  ; Best of Himalayan Satire in Garhwali Language Literature , Jokes  ; Best of  Uttarakhand Wit in Garhwali Language Literature , Jokes  ; Best of  North Indian Spoof in Garhwali Language Literature ; Best of  Regional Language Lampoon in Garhwali Language  Literature , Jokes  ; Best of  Ridicule in Garhwali Language Literature , Jokes  ; Best of  Mockery in Garhwali Language Literature  , Jokes    ; Best of  Send-up in Garhwali Language Literature  ; Best of  Disdain in Garhwali Language Literature  , Jokes  ; Best of  Hilarity in Garhwali Language Literature , Jokes  ; Best of  Cheerfulness in Garhwali Language  Literature   ;  Best of Garhwali Humor in Garhwali Language Literature  from Pauri Garhwal , Jokes  ; Best of Himalayan Satire Literature in Garhwali Language from Rudraprayag Garhwal  ; Best of Uttarakhand Wit in Garhwali Language from Chamoli Garhwal  ; Best of North Indian Spoof in Garhwali Language from Tehri Garhwal  ; Best of Regional Language Lampoon in Garhwali Language from Uttarkashi Garhwal  ; Best of Ridicule in Garhwali Language from Bhabhar Garhwal   ;  Best of Mockery  in Garhwali Language from Lansdowne Garhwal  ; Best of Hilarity in Garhwali Language from Kotdwara Garhwal   ; Best of Cheerfulness in Garhwali Language from Haridwar    ;गढ़वाली हास्य -व्यंग्य ,  जसपुर से गढ़वाली हास्य व्यंग्य ; जसपुर से गढ़वाली हास्य व्यंग्य ; ढांगू से गढ़वाली हास्य व्यंग्य ; पौड़ी गढ़वाल से गढ़वाली हास्य व्यंग्य ;
Garhwali Vyangya, Jokes  ; Garhwali Hasya , Jokes ;  Garhwali skits , Jokes  ; Garhwali short Skits, Jokes , Garhwali Comedy Skits , Jokes , Humorous Skits in Garhwali , Jokes, Wit Garhwali Skits , Jokes