उत्तराखंडी ई-पत्रिका की गतिविधियाँ ई-मेल पर

Enter your email address:

Delivered by FeedBurner

उत्तराखंडी ई-पत्रिका

उत्तराखंडी ई-पत्रिका

Thursday, August 21, 2014

भाजपा मा नया भर्ती हुयां अल्पसंख्यक नेताs दगड़ मुखाभेंट

घपरोळया , हंसोड्या , चुनगेर ,चबोड़्या -चखन्यौर्या -भीष्म कुकरेती      
                     
(s =आधी अ  = अ , क , का , की ,  आदि )


 भाजपा मा योग्य अल्पसंख्यक नेता खुज्याण माने बिरळौ औंरू  खुज्याण।  जु बीजेपी हाई कमांड कै नै अल्पसंख्यक नेता तैं न्यूत द्यावन बि त शहनाज हुसैन अर मुख्तार अब्बास नकबी ना नकुर करिक वै अल्पसंख्यक नेता तैं भाजपा भितर नि छिरण दींदन। 
अबि कुछ दिन पैल बड़ी मुस्किल से एक योग्य याने क्वालिफाइड लीडर भाजपा पुटुक छीरि ग्यायि अर शहनाज हुसैन अर मुख्तार अब्बास नकबीकुछ नि कौर सकिन। क्वालिफाइड माने जु अल्पसंख्यक नेता सेक्युलिरिज्म तैं चट्टेलिक गाळी दे साकु। 
परसि (15 /8/ 2014 ) भाजपा मा नया भर्ती हुयां क्वालिफाइड अल्सपसंख्यक नेता मै मिल गेन।  
मि - हैं ! अल्पसंख्यक नेता जी ! चार इ दिन मा गल्वड़  लाल अर लद्वड़ झकाझक ?
 अल्पसंख्यक नेता -हाँ इक भाजपा मा त पूछ हुणि च।  निथर कॉंग्रेस  पार्टी मा मि कथगा बि आरएसएस तैं मा -बैणि गाळी तक दे दींदु छौ तो बि ना तो राहुल गांधी तक बात पौंचद छे ना ही प्रेस वाळ मेरी बातुं पर न्यूज गंठ्यादा छा। 
मि -मतलब कॉंग्रेस मा सुणवाइ इ नि छे। 
 अल्पसंख्यक नेता -अब जब कॉंग्रेस मा हजारों की संख्या मा अल्पसंख्यक नेता छन तो कैक जि सुणवाइ ह्वे सकद। 
मि -अर अब भाजपा मा ?
अल्पसंख्यक नेता -पैल जख कॉंग्रेस की बैठ्कुं मा कखि दूर पैथराक पंगत मा जगा मिल्दी छे उख इख भाजपाs  बैठक मा मि तैं डायस मा अग्वाड़ी जगा इ नि मिल्दी बल्कण मा फूलूं माळा बि मिल्दी। जन तुम हिंदुऊँ पूजा मा चौकल मा सुपारीक महत्व च उनि भाजपा की बैठ्कुं मा हम तीन -चार अल्पसंख्यक नेताऊं अहमियत च। 
मि -करदा क्या छंवां तुम उख भाजपा मा ?
 अल्पसंख्यक नेता -अरे भौत  काम च।  सुबेर बिटेन रात बारा बजी तलक इथगा काम च कि पळेक (थक) बिसाणो समौ नि मिल्दो।  
मि -क्या बुलणा छंवां ?
 अल्पसंख्यक नेता -हाँ।  अब सि उत्तर प्रदेश मा धार्मिक उन्माद चलणु इ रौंद त मीडिया वाळु तैं बयान दीण पड़द कि धार्मिक दंगा राहुल गांधी अर मुलायम सिंह कराणा छन।  अर फिर  …
मि -फिर क्या ?
 अल्पसंख्यक नेता - फिर  क्वी ना क्वी अख़बार  टीवी चैनेल मदरसाओं बुरा हाल पर रिपोर्ट प्रकाशित करि लींदु तो मि तैं सोनिया गांधी , लालू प्रसाद यादव या अखिलेश प्रसाद यादव पर भगार , लांछन , अभियोग लगाण पोड़द कि युंक वजै से मदरसाओं बुरा हाल छन। 
मि -हाँ इन मा त आपम समौ इ नि होलु ?
अल्पसंख्यक नेता - फिर लालू प्रसाद सरीखा नेता सेक्युलरिज्म की बात करणा ही रौंदन दिन मा चार पांच दैं सेक्युलरिज्म की ऐसी तैसी बि करण लाजमी ह्वे इ जांद। 
मि -हाँ उन बि आज सेक्युलरिज्म शब्द ऐसी तैसी लैक  शब्द रै गे। 
 अल्पसंख्यक नेता - फिर जब बि बेटी -ब्वार्युं तैं बुर्का पैरण चयेंद जन विषय पर विवाद हो तो हरेक पेपर , हरेक टीवी चैनेल तैं गोलमाल बयान बि दीणी पड़दन।  
मि -अर आरएसएस का नेता बि रोज क्वी ना क्वी हिन्दू समर्थन मा उटपटांग बयान बि दीणा ही रौंदनअल्पसंख्यक नेता -हाँ इन मा रोज एक बयान तयार रखणी पोड़द कि आरएसएस वाळु इ मतबल च उ मतबल नी च या हैंक कनफणि सी मतलब गंठ्याण पोड़द।  
मि -त इन ब्वालद कि भाजपा मा पंची अंगुळ घी मा अर मुंड कड़ाई मा। 
 अल्पसंख्यक नेता -अर खुट गदगदा , जन्नत जन कालीनुं  मा। 
मि -बाइ द वे ! मुसलमानुं विकास पर आपकी क्या सोच च ?
अल्पसंख्यक नेता -ह्यां इ सेक्युलर -नॉन सेक्युलर की झंझट से फुरसत मीलो तो विकास -फिकास का बारा मा सोचुँ ना।  तुम बि बेकार की बातुं मा म्यार अमूल्य समौ बर्बाद करण चाणा छंवां।  


Copyright@  Bhishma Kukreti  17 /0/8/ 2014       
*लेख में  घटनाएँ , स्थान व नाम काल्पनिक हैं । 

  
Garhwali Humor in Garhwali Language, Himalayan Satire in Garhwali Language , Uttarakhandi Wit in Garhwali Language , North Indian Spoof in Garhwali Language , Regional Language Lampoon in Garhwali Language , Ridicule in Garhwali Language  , Mockery in Garhwali Language, Send-up in Garhwali Language, Disdain in Garhwali Language, Hilarity in Garhwali Language, Cheerfulness in Garhwali Language; Garhwali Humor in Garhwali Language from Pauri Garhwal; Himalayan Satire in Garhwali Language from Rudraprayag Garhwal; Uttarakhandi Wit in Garhwali Language from Chamoli Garhwal; North Indian Spoof in Garhwali Language from Tehri Garhwal; , Regional Language Lampoon in Garhwali Language from Uttarkashi Garhwal; Ridicule in Garhwali Language from Bhabhar Garhwal; Mockery  in Garhwali Language from Lansdowne Garhwal; Hilarity in Garhwali Language from Kotdwara Garhwal; Cheerfulness in Garhwali Language from Haridwar