गढ़वाळि व्यंग्यकोष -भाग -18

 Garhwali Satirical Dictionary part 18 

 

                          चबोड़्या  --- भीष्म कुकरेती 

पंडित /मौलवी - सोरग दिलाणो अधिकृत दलाल 

बलि वेदी - जखम बामणो कुण सिरणी अर बकै शिकार अलग करे जांद 

महत्वाकांक्षी  - ज़िंदा मा जैक पैथर दुसमन पड्यां रौंदन अर मर्यां मा दगड़्या मजाक उड़ान्दन 

सरकारी अधिकारी - जु अपण राजनैतिक आकाउं नीतियूं सम्पादन मा तब तलक लग्युं रौंद जब तलक न्यायालय इन नि बुलद कि यीं आज्ञाकारिता कुण भ्रष्टाचार बुल्दन 

अनुभव -जु वै रस्ता का बारा डरांद  जै बाटु  जैक वैन गलती करी 

फैशन - इन निरंकुश शासन जै तैं बुद्धिजीवी जोरों से गाळी बि दींदन अर आज्ञा पालन बि करदन 

गढ़वाल से पलायन - जै तैं कवि गाळी दींदन पर रिटाइयर हूणो बाद बि गढ़वाल बसण नि चांदन 

निर्देशिका अंगुळी - दुसरक गलती बताणै अंगुळी 

छबलाट कु उदाहरण - अजकाल (2014 ) मा भाजपायुं आचरण 

मुर्गी -मुर्गा  - पुरण जमन मा जौंक पंखर लिखणो काम आंद छौ। अचकाल दारु दगड़ चखणा मा काम आंदन  

जिमनास्ट - जु अपण दिमाग मांशपेशियों पुटुक पर धरुद 

शौलु (साही )- जानवरूं का सुरै या कैक्टस 

इतिहासकार - क्रमगत ढंग कु गपोड़ी 

आय  - आदर नापणो इकाई 

अप्रसिद्धि - दुसरो बारा मा सच बुलण 

बैंक मा जमा धन -बैंको तैं दियुं दान अर पुण्य मा एई जमानु मा व्याज बि मिल्द 

बातचीत - एक दूसरक गलती बताणो रस्ता 

बेईमानी - ब्यापार माँ सफलता वास्ता  एक मुख्य पुर्जा 

कर्तव्य - जु दुसरुं से ही अपेक्षित हूंद

उपन्यास - क्रेनुं से उच्च करीं एक छुट्टी कथा 

गंगा - पवित्र नदी जैंक पवित्रता  पछ्यण्यौ बान   या पवित्रता की सामर्थ्य /तागत अजमाणौ बान हम रोज हर पल प्रदूषित करणा रौंदा 

पर्यावरण - बीसवीं सदीको  फैशन

आर्थिक सुधार या रिफॉर्म - आज तक ऊंक समझ मा नि आई जु इकॉनोमिक रिफॉर्म का धुर विरोधी छन अर ऊंक बिंगण मा बि नि आयि जु रिफॉर्म का धड्वै छन

फिस्कल डेफिसिट - सुरसा कु मुख  जु कबि नि भर्याँद 

इंडियन कम्युनिस्ट - खंद्वार 

व्यंग्य शब्दकोश जारी रहेगा ……।

Copyright@ Bhishma Kukreti 22  /8 //2014 Garhwali Satire  Dictionary, Garhwali Satire  Dictionary collected and edited by born in village Jaspur ; Garhwali Satire  Dictionary collected and edited by born in Dhangu Patti ; Garhwali Satire  Dictionary collected and edited by born in Dwarikhal Block ; Garhwali Satire  Dictionary collected and edited by born in Gangasalan Pargana ; Garhwali Satire  Dictionary collected and edited by born in Lainsdowne Tehsil ; Garhwali Satire  Dictionary collected and edited by born in Pauri Garhwal ; Garhwali Satire  Dictionary collected and edited by born in Uttarakhand; Garhwali Satire  Dictionary collected and edited by born in Central Himalaya ;Garhwali Satire  Dictionary collected and edited by born in  North India;Garhwali Satire  Dictionary collected and edited by born in South Asia ;Garhwali Satire Dictionary; Garhwali send-up lexicon; Garhwali spoof vocabulary; Garhwali lampoon glossary; Garhwali Satire phrase book; word list; Garhwali Humor, Satire thesaurus;