नारायण दत्त तिवाड़ी ने ब्रह्मचर्य ब्रत धारण किया : ब्रेकिंग न्यूज

 जु न्यूज , ब्रेकिंग न्यूज नि बण सकिन 

                                              घपरोळया , हंसोड्या , चुनगेर ,चबोड़्या -चखन्यौर्या -भीष्म कुकरेती      
                     
(s =आधी अ  = अ , क , का , की ,  आदि )

                                             

  आज कु युग ब्रेकिंग न्यूज कु च।  बस अब त कुछ दिनों मा बोलचाल की भाषा इन होली ," ये भुलि !अच्छा सुणा ! क्या ब्रेकिंग न्यूज च ?" ; " ये कक्या सासु जी ! तुमन या ब्रेकिंग न्यूज बि सूण बल ग्राम प्रधानन बदमाशी का रेट कम करी आलीन !"; या " भैजि ! ब्रेकिंग न्यूज या च कि ब्वेन अबि पांच मिनट पैलि पलि ख्वाळक बोडिक खुकली मा दम तोड़ि देन।  मि तबारी छ्वारों दगड़ दारु पार्टी मा बैठ्युं छौ। "; आदि आदि।  "और सुणा क्या समाचार" वाक्य की जगा और "सुणा क्या ब्रेकिंग न्यूज छन" जन  वाक्य /जुमला प्रचलित ह्वे जाल। 

उन त हमर टीवी वाळ सबि तरांकि उलजलूल बासी -तिबासी न्यूज तैं ब्रेकिंग न्यूज बतैक अपण टीआरपी बढ़ाण मा लग्यां रौंदन , उन त सीधी -सादी न्यूज तैं ब्रेक कौरिक दिखाणा इ रौंदन किन्तु भौत सि न्यूज ब्रेक हूण से रै जांदन मतबल टीवी वाळ यूँ न्यूज तैं ब्रेकिंग न्यूज दिखाण मा पैथर रै जांदन। जरा आप बि द्याखो  कि क्या इ न्यूज ब्रेक लैक नि छया ?

ब्रेकिंग न्यूज - ग्रामीण टूरिज्म बढ़ाणो वास्ता पंजाब सरकारन ड्रग टूरिज्म कु बजट चौगुणा कर याल अर अब सरकारी कर्मचारी  हरेक टूरिस्ट तैं गांजा , चरस , हसीस पीण बि सिखाल। 

ब्रेकिंग न्यूज - 88 वर्सो बुड्या नारायण दत्त तिवाड़ीन मिस उज्वला शर्मा से शादी का फेरा लीणो बाद ब्रह्मचर्य धारण करणो शपथ ले , ब्रह्मचर्य शपथ समारोह मा हड़क सिंग रावत अर डा रमेश निशंक बि शामिल छा। 

ब्रेकिंग न्यूज - कॉंग्रेस की करारी हार से सबक लींद राहुल गांधीन अब दुधरी से दूध पीण बंद कार अर ब्याळी लोकसभा कैंटीन  मा राहुल गांधींन गिलास से दूध पे। हालांकि दिग्विजय सिंग यीं न्यूज तैं भाजपा की शैतानी चाल बताणा छन।  दिग्गी बाबुन सोनिया गांधी की सौं घटिक ब्वाल  कि राहुल गांधी अबि बि दुधिक नौनु छन अर दुधरी से ही दूध पिंदन। 

ब्रेकिंग न्यूज - तीन दिन पैल मौरिसिस मा उत्तराखंड का भूतपूर्व मुख्यमंत्री डा निशंक तैं सम्मानित करे गए - रमेश पोखरियाल तैं कुलप्रेमी , राजनीतिक भ्रातृ प्रेमी , लंगोट का पक्का किन्तु नारायण दत्त तिवारी का च्याला जन नाम दिए गेन ।  प्रशस्ति पत्र मा बताये गे कि सुपिन मा बि डा निशंक भ्रष्ट नि ह्वे सकदन।  ये विदेशी प्रशस्ति पत्र लेकि डा निशंक नरेंद्र मोदी मा गेन अर केंद्रीय मंत्रीपद पर अपण दावा ठोकिक ऐ गेन। 

ब्रेकिंग न्यूज -उत्तराखंड का नेता हड़क सिंग रावतन नारायण दत्त तिवाड़ी से दीक्षा ले अर तिवाड़ी जी  तैं अपण कुलगुरु घोषित कार। 

ब्रेकिंग न्यूज -श्रीमती रीता बहुगुणा जोशी तैं उत्तरप्रदेश मा  अति गंदी राजनीति से बिखळाण ऐ गे अर अब उत्तराखंड मा कम गंदी राजनीति कारलि अर राहुल गांधीन रीता बहुगुणा तैं उत्तराखंड भिजणो आदेश बि दे आलिन। 

ब्रेकिंग न्यूज -ग्रामीण उत्तराखंड मा देसी दारुक  ( कंट्री लिकर ) भारी  प्रचलन तैं रुकणो बान उत्तराखंड कैबिनेटन विदेशी शराब पर प्रादेशिक एक्साइज ड्यूटी खतम करी दे जांसे लोग देसी दारु छोड़िक विदेशी वाइन प्यावन।  

ब्रेकिंग न्यूज -मौनी बाबा याने मनमोहन सिंहन नटवर सिंग की किताब का खंडन कार।  किताब मा लिख्युं छौ कि मुखबिर  सोनिया गांधी का पास सरकारी फ़ाइल पौंचाद छा।  मनमोहन सिंह जीन ब्वाल कि मुखबिर ना वु खुद ही हरेक फ़ाइल सोनिया जी तैं दिखांदा छा। 

ब्रेकिंग न्यूज - विजय बहुगुणा न बयान दे कि राहुल गांधी की युवा व ऊर्जावान छवि का कारण ही उत्तराखंड का 2014 विधान सभा उपचुनाव मा कॉंग्रेस की जीत ह्वे अर  कॉंग्रेस मा मनमिटौ हूण से कॉंग्रेस लोकसभा का चुनाव हार। 

ब्रेकिंग न्यूज -पंजाब कॉंग्रेस का एक बेनामी नेता जगमीत ब्रारन लोकसभा हार हेतु सोनिया गांधी अर राहुल गांधी तैं द्वी मैना छुट्टी लीणो सलाह दे।  सोनिया गांधीक त पता नी च किंतु राहुल गांधी तैं या सलाह पसंद आई अर राहुल गांधी द्वी मैना छुट्टी बिताणो अपण ममाकोट जाणा छन। 

ब्रेकिंग न्यूज - ब्याळि शहर मा कच्ची दारु पेकी पचास लोग मोरिन किन्तु पुलिस कच्ची दारु निर्माता तैं कैद नि कौर साक किलैकि रसायनिक जांच से पता चौल कि लोगुं मृत्यु शराब से ना शराब मा विषैलो म्युनिस्पैलिटी पाणी मिलाण  से ह्वे। 

ब्रेकिंग न्यूज - आज राज्यसभा मा एक दैं बि घ्याळ -घपरोळ , ऐडजोर्न्मेंट नि ह्वे किलैकि सपा नेता नरेश अग्रवाल अर कॉंग्रेसी नेता सत्यव्रत चतुर्वेदी छुट्टी पर छा।  नरेश अग्रवाल उत्तरप्रदेश मा बलात्कार की घटनाओं मा आधा प्रतिशत कमी आणो उत्सव मा शामिल हूणों लखनऊ जयां छा तो सत्यव्रत चतुर्वेदी सोनिया गांधीक जन्म दिवस मनाणो तैयारी मा व्यस्त छा।

ब्रेकिंग न्यूज - भाजपा परेशान च कि सरकार भाजपा की च अर व्यंग्यकार अबि बि सोनिया गांधी अर राहुल गांधी पर व्यंग्य करणा रौंदन।

Copyright@  Bhishma Kukreti  3/8/ 2014       
*लेख में  घटनाएँ , स्थान व नाम काल्पनिक हैं । 

Garhwali Humor in Garhwali Language on TV Breaking News , Himalayan Satire in Garhwali Language on TV Breaking News, Uttarakhandi Wit in Garhwali Language on TV Breaking News , North Indian Spoof in Garhwali Language on TV Breaking News , Regional Language Lampoon in Garhwali Language on TV Breaking News , Ridicule in Garhwali Language on TV Breaking News , Mockery in Garhwali Language on TV Breaking News, Send-up in Garhwali Language on TV Breaking News, Disdain in Garhwali Language on TV Breaking News, Hilarity in Garhwali Language on TV Breaking News, Cheerfulness in Garhwali Language on TV Breaking News; Garhwali Humor in Garhwali Language from Pauri Garhwal on TV Breaking News; Himalayan Satire in Garhwali Language from Rudraprayag Garhwal on TV Breaking News; Uttarakhandi Wit in Garhwali Language from Chamoli Garhwal on TV Breaking News ; North Indian Spoof in Garhwali Language from Tehri Garhwal on TV Breaking News;  Regional Language Lampoon in Garhwali Language from Uttarkashi Garhwal on TV Breaking News ; Ridicule in Garhwali Language from Bhabhar Garhwal on TV Breaking News ; Mockery  in Garhwali Language from Lansdowne Garhwal on TV Breaking News; Hilarity in Garhwali Language from Kotdwara Garhwal on TV Breaking News; Cheerfulness in Garhwali Language from Haridwar on TV Breaking News;