उत्तराखंडी ई-पत्रिका की गतिविधियाँ ई-मेल पर

Enter your email address:

Delivered by FeedBurner

उत्तराखंडी ई-पत्रिका

उत्तराखंडी ई-पत्रिका

Friday, August 8, 2014

कब आला अच्छे दिन ?

घपरोळया , हंसोड्या , चुनगेर ,चबोड़्या -चखन्यौर्या -भीष्म कुकरेती      
                     
(s =आधी अ  = अ , क , का , की ,  आदि )

अचकाल जख जावो अच्छे दिन कु चकच्याट मच्युं रौंद। 
भाजपा का सांसदुं समज मा नि आंद कि यदि इनि नरेंद्र मोदी ऊंक क्लास लीणा राल अर स्कूल मास्टरुं तरां भरी सभा मा डांटणा राल तो इन अच्छे दिन से भला त तबि छा जब विरोधी दल का नाता इ नेता फुच्युं सांड जन इना ऊना डबखणा रौंद छा। 
भौत सा भाजपाई मंत्री परेसान छन कि इंटरनेट अर कम्प्यूटर जन यंत्रों से सुस्सजित मंत्री मंडल की बैठक मा जाण पडुद अर बिचारा हीन भावना से ग्रसित मंत्री आडवाणी अर डा जोशी से शिकैत बि नि कौर सकदन कि कम्प्यूटर प्रयोग ही तैं नरेंद्र मोदी अच्छे दिन किलै बुल्दन ?
आडवाणी त बिसर गेन कि दिन बि अच्छा हूंदन। 
डा मुरली मनोहर जोशिक समज मा त ऐ गे कि जब तलक बड़ा राज्यों का  कॉंग्रेस नियुक्त राज्यपाल इस्तीफा नि द्याल तब तलक ऊंक अच्छा दिन ऐइ नि  सकदन। 
उत्तराखंड का भाजपाई सांसद त हरीश रावत मा शिकैत लगाणा रौँदन कि दिल्ली से बढ़िया त देहरादून छौ।  क्वी त चमचा ऐ जांद छा चमचागिरी करणो।  फिर दिल्ली मा त रिक्शा वाळ बि जी साब नि बुल्द। उत्तराखंड का सांसदों वास्ता अच्छे दिन एक मृग मरीचिका ह्वे गे। 
सतपाल महाराज त ममळाट मा अपण कपड़ा फ़ाड़ना रौंदन कि अच्छे दिन की आस -तलास मा घरवाळीक मंत्री पद बि हाथ से गे। 
जै हिसाब से स्थानीय निकायुं चुनाव मा कॉंग्रेस तैं जनतान समर्थन दे त भाजपाइयुं जीब ताळु से चिपक गे अर वो बुल्दा तो 'अच्छे दिन' छन पर लोगुं तैं 'बुरे दिन ' सुण्यान्दु। 
 देहरादून रोजगार दफ्तर मा बेरोजगार पूछदन कि अच्छे दिन कब आणा छन तो अधिकारी जबाब दींदन कि जनि कुछ विभागुं मा छटनी ह्वेलि तो सैत च अच्छे दिन ऐ जावन। 
उपभोक्ता सब्जी मंडी मा सब्जी खरीदणो नि जांदन बस यी पता लगाणो जांदन कि हम सब्जी खरीदण लैक कब होलां ! सब्जी वाळ जबाब दींदन बल बस नरेंद्र मोदी अमेरिका अर जापान ग्याइ ना कि अच्छे दिन ऐ जाला। 
मी बि अच्छे दिन की जग्वाळम छौं कि कब मीम पैसा ह्वाल अर मि अपण व्यंग्य संग्रह छापी सकुं !

  


Copyright@  Bhishma Kukreti  8/8/ 2014       
*लेख में  घटनाएँ , स्थान व नाम काल्पनिक हैं । 

  
Garhwali Humor in Garhwali Language, Himalayan Satire in Garhwali Language , Uttarakhandi Wit in Garhwali Language , North Indian Spoof in Garhwali Language , Regional Language Lampoon in Garhwali Language , Ridicule in Garhwali Language  , Mockery in Garhwali Language, Send-up in Garhwali Language, Disdain in Garhwali Language, Hilarity in Garhwali Language, Cheerfulness in Garhwali Language; Garhwali Humor in Garhwali Language from Pauri Garhwal; Himalayan Satire in Garhwali Language from Rudraprayag Garhwal; Uttarakhandi Wit in Garhwali Language from Chamoli Garhwal; North Indian Spoof in Garhwali Language from Tehri Garhwal; , Regional Language Lampoon in Garhwali Language from Uttarkashi Garhwal; Ridicule in Garhwali Language from Bhabhar Garhwal; Mockery  in Garhwali Language from Lansdowne Garhwal; Hilarity in Garhwali Language from Kotdwara Garhwal; Cheerfulness in Garhwali Language from Haridwar