गढ़वाळि व्यंग्यकोष -भाग -17

Garhwali Satire Dictionary part 17 

 

                          चबोड़्या  --- भीष्म कुकरेती 

अहम - अफु तैं महानतम समझणो गलतफहमी

अंहकारी - जु  अफु ना म्यार पर विश्वास करद 

वकील - जु न्यायाधीश तैं चक्कर मा डाळद

धार्मिक विश्वास - जु दिख्युं नि हो,  ना ही जांक कुछ ज्ञान हो पर  बुबा बोलिक विश्वास करण पोदद

धर्म - आशा अर डौर की बेटी अर जु अज्ञानियुं तैं अजाण -अणदिख्युं पर विश्वास करांद 

धर्मग्रन्थ - जु ग्रन्थ दुसर धरम तैं कै बि तरां गलत अर अधार्मिक साबित करणो कोशिस करद 

धर्माचार्य व्यास -  बगैर ज्ञान का बि ज्ञान का  बखान करणो उस्ताद 

लद्वड़ -अंदड़  दिवताक मंदिर जख  नास्तिक अर आस्तिक समान रूप से चढ़ावा चढ़ैक /बलि देकि पूजा करदन

नौनी -नौनाs प्रेम - एक थ्वड़ा देरौक  पागलपन  ज्वा शादी की गोळी खैक ठीक ह्वे जांद 

प्रसिद्ध - प्रत्यक्ष रूप से रहस्यपूर्ण 

धीरज - लाचारिक नाम महात्मा गांधी 

धैर्य -निराशाक लघु रूप जखमा सुदी बुले जांद कि धैर्य एक पुण्य कर्म  च 

स्वार्थी  - जु दूसरों स्वार्थ तैं गाळी दींदु 

शिक्षा - जु होशियारूं तैं बतांद अर मूर्खों से छुपान्द कि ऊँ तैं कुछ नि आंद  (कि  तुम नासमझ छंवां ) 

उबाऊ आदिम - जब तुम्हारी इच्छा सुणाणो ह्वावो तो उबाऊ आदिम बुलण शुरू करद 

क्षमा - भविष्य मा अपराध करणो नींव /पौ 

भारत -पाक शान्ति वार्ता - एक दुसर तैं बेवकूफ बणाणो बगैर अम्पायरों  खेल

शान्ति - द्वी युद्धुं बीच का समय जब द्वी देश /दल एक दुसर तैं धोखा दीण मा संलग्न रौंदन 

अमानवीयता - मानवीयता का गुण अर पछ्याणक 

जुद्ध - शान्ति कला निर्माण मा बोनस मा निर्मित   उत्पादन 

हाथ - भुजा का अग्वाड़ी भाग जु दूसरों जेब मा जाणो आतुर्द रौंदन 

राजनीति - व्यक्तिगत स्वार्थ पूर्ति वास्ता सार्वजनिक कार्य 

भविष्य - जख हमर दोस्त सही दगड़्या हुन्दन , जख समृद्ध जीवन हूंद , अर ख़ुशी विश्वस्थ हूंद 

प्रशंसा - दुसरों   मा उपलब्ध अपण जन गुणों  बारा मा बखान

सुंदरता - जांसे प्रेमी तैं सुख मिलद अर पति तैं त्रास मिलद

स्वेटर - जब ब्वे तैं जड्डू लगद तो यु कपड़ा बच्चों तैं पैराये जांद 

उद्धरण - दुसरों शब्दुं  तैं गलत उच्चारण से   बार बार दुहराण 

सकारत्मक - अपण विचारुं  तैं सर्वोच्च समझणो गलतफहमी 

हिन्दू - जु रामायण तैं पड़ोसी का वास्ता सबसे पवित्र पुस्तक मानद

देसभक्त - जु रोज भगवान से प्रार्थना करद कि भगत सिंग पैदा अवश्य हो  किन्तु पडोसी  ड्यार 

मानव प्रेमी - जु  रोज सुबेर सुबेर इबादत करदो कि हे भगवान सब तैं धनवान बणै पर मे से कम 

गुरकुल - जख आचार -विचार सिखाये जांद छौ 

स्कूल - जख क्रिकेट खेल  साथ साथ खेल का बीच मा गाळी गलौज दीण बि सिखांदन 

दोस्ती /दगुड़ - सही समय पर एक नाव माँ द्वी मनिख ऐ जावन किन्तु बुरु बगत पर एकी आदिम लैक जगा 

जनम - सब दुखों जड़ 

मृत्यु -जैक नाम सुणिक दुःख बि डरद  

शब्दकोश - जु भाषा विकास का वास्ता एक आवश्यक बीमारी च ज्वा बीमारी भाषा तैं कठिन बणांद अर भाषाक लचीलापन खतम करद  

भुलमार - एक कारगार  हथ्यार जु  स्वामी या बॉस का समिण अवश्य प्रयोग हूंद 

गाळी -वाद विवाद का असली उद्येस्य या अंतिम पड़ाव 

गठबंधन - अंतर्देशीय या अंतर्राष्ट्रीय स्तर पर द्वी या अधिक चोरुं एकता /एका जौंक हथ एक हैंकाक खीसौंद जयां  रौंदन 

हैलमेट - लोहारक बणयूँ टुपला 

गधा -  मयळी भौण मा गाण वाळ बैरु /बैरी (बहरा /बहरी ) 

पीठ - दगड्याकु  एक अंग जु बुरु दिनूं मा तुमर काम आंद 

मस्तिष्क - एक यंत्र जैक बारा मा हम सुचदा कि यु यंत्र सुचणो काम करद 

राजधानी - अराजकता वास्ता आरक्षित जगा 

व्यंग्य शब्दकोश जारी रहेगा ……।

Copyright@ Bhishma Kukreti 20  /8 //2014 Garhwali Satire  Dictionary, Garhwali Satire  Dictionary collected and edited by born in village Jaspur ; Garhwali Satire  Dictionary collected and edited by born in Dhangu Patti ; Garhwali Satire  Dictionary collected and edited by born in Dwarikhal Block ; Garhwali Satire  Dictionary collected and edited by born in Gangasalan Pargana ; Garhwali Satire  Dictionary collected and edited by born in Lainsdowne Tehsil ; Garhwali Satire  Dictionary collected and edited by born in Pauri Garhwal ; Garhwali Satire  Dictionary collected and edited by born in Uttarakhand; Garhwali Satire  Dictionary collected and edited by born in Central Himalaya ;Garhwali Satire  Dictionary collected and edited by born in  North India;Garhwali Satire  Dictionary collected and edited by born in South Asia ;Garhwali Satire Dictionary; Garhwali send-up lexicon; Garhwali spoof vocabulary; Garhwali lampoon glossary; Garhwali Satire phrase book; word list; Garhwali Humor, Satire thesaurus;