अचकाल जिंदगी Fine , Good अर ब्यूटीफुल पर अटकीं च

Good, Fine , Beautiful  Comments and Best  Harmless Garhwali Humor  , Garhwali Comedy Skits , Satire, Wit, Sarcasm , Garhwali Skits , Garhwali Vyangya , Garhwali Hasya 

                               अचकाल जिंदगी Fine , Good अर ब्यूटीफुल पर अटकीं च 

                                              चबोड़्या ::: भीष्म कुकरेती 

 ब्याळि मीन दिल्ली मा एक भाजपाई रिस्तेदारौ कुण फोन कार ।

- क्या हाल छन जेठू जी ?

-फाइन जवाईं राजा !

-क्या बात बाच मा उ दम नी च जु तुममा छौ ?

-क्या बोलुं भाजपा हारि गे तो ठेकेदारी मिलणै सरा उम्मीद ही खतम ह्वे गे। 

-अच्छा देहरादून मा ससुर जीक हाल क्या छन ?

-फाइन छन। 

-लतमुड़ी आवाज मा जबाब दीणा छंवाँ ?

-उख बि भाजपा सरकार नी च त पेडूँ जड़  अर रेत खुदानो ठेका नी मिलणु च। 

फिर मीन स्याम दैं एक कॉंग्रेसी रिस्तेदार तैं फोन कार। 

-क्या हाल छन ?

-फाइन ! 

-क्या बात आवाज मा जोश नी च। 

-अरे क्या बुलण जब मि नगरपालिका चुनाव मा खड़ु ह्वे छौ त चार हजार वोट मिलिन अर अबै दै हमर उम्मीदवार सणि 420  वोट मिलेन। उम्मेदवार त पता नी पर मि तैं इ शरम लगणी च। 

अब देखि आल आपन बि कि पेट मा मरोड़ , खुट पर  मरोड़ ,  बच्चा फेल ह्वे गे पर जवान मा फाइन !

कै तैं अपण नै नया जुतुं   पर टिप्पणी  मांगो तो कमेंट हूंद ब्यूटीफुल , मोजा पर टिप्पणी  मांगो तो कमेंट्स हूंद -ब्यूटीफुल , बुड्या ह्वेक बि मि जब लाल टी शर्ट पैरदो त दगड्यों  कमेंट्स हून्दन -ब्यूटीफुल। 

पता नि क्या ह्वे गे धौं अजकाल हमारी जिंदगी फाइन , ब्यूटीफुल अर फेसबुक मा Like पर किलै अटक गे धौं। 

वाल पेंटिंग कलाकारुंक  त बुरा हाल छन।  मैनो तक कल्पना करदन , मैनो तक रंग मिश्रण करिक , धीमे धीमे वाल पेंटिंग पूरी करदन अर प्रदर्शनी से पैल कै सयाणा पेंटर से राय मांगद त राय नि मिलदी बस एक शब्द सुणणो मिल्द अर वु शब्द च -Fine . गैलरी मा बिचारो पेंटर तैं --

फाइन 

गुड 

ब्यूटीफुल -----------------शब्द ही सुणणो मिल्दन। 

छमक छल्लो अपण छलिया तैं छळणो बान नीली जींस अर लाल कलर का छाती दिखांद लाल अप्पर पैरदी अर छलिया तैं पुछदि मि कन लगणु छौं तो छलिया की सुई 'ब्यूटीफुल ' पर अटक जान्दि अर इन मा छमक छल्लो सुचदी कि यांसे बढ़िया तो छमिया बुड्या का कमेंट्स ही ठीक छा ---कि तू अपर याने अंगवस्त्रम पैर या ना ते रांड तैं छोड़ु  ना। 

हमर ददाक बगत  पर जब बुबा जी तैं अच्छ नंबर मिलदा छा तो टिप्पणीकार  बुल्दा छा - जरूर तुमर लड़िकन  पटवारी बणन।  ददा जी पुळे जांद छा। 

पिताजीक समय आई तो म्यार अच्छा नंबर आण पर टिप्पणी मिलदी छे बल ये भीष्मन अवश्य ही बढ़िया क्लर्क बणन। पिताजी क्लर्क का अर्थ आईएएस ऑफिसर समजदा छया। 

अब म्यार टाइम अयुं च मि कै तै बि अपण नौनाक रिजल्ट कार्ड दिखान्दु त गवास्कर , कपिलदेव , अरुण लाल , शोएब अख्तर जन कमेंटेटर का कमेंट्स हून्दन - फाइन !

बॉस तैं परमोसन बान खुश करणो बान इथगा काम करे जांद पर बॉस का मुखन फाइन शब्दुं अलावा दूसर शब्द नि झड़दन अर ज्यादा से जादा 'गुड'! 

पता नि क्या ह्वे गे धौं ! म्यार लेखुं पर बि कमेंट्स आंदन  - फाइन , गुड बस। 

जरा इन त बताओ म्यार यु लेख कन लग  ? हाँ फाइन , गुड छोड़िक कुछ हौर शब्द प्रयोग करिन हाँ किलै कि फाइन , गुड शब्दों से अब बिखळाण पोड़ी गे भै ! 

13/2/15, Copyright@ Bhishma Kukreti , Mumbai India 

*लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल व्यंग्य रचने  हेतु उपयोग किये गए हैं।

Good, Fine , Beautiful & Best of Garhwali Humor in Garhwali Language ; Good, Fine , Beautiful & Best of Himalayan Satire in Garhwali Language ; Good, Fine , Beautiful &Best of  Uttarakhandi Wit in Garhwali Language ; Good, Fine , Beautiful & Best of  North Indian Spoof in Garhwali Language ; Good, Fine , Beautiful & Best of  Regional Language Lampoon in Garhwali Language ; Good, Fine , Beautiful & Best of  Ridicule in Garhwali Language  ; Good, Fine , Beautiful & Best of  Mockery in Garhwali Language  ;Good, Fine , Beautiful &  Best of  Send-up in Garhwali Language  ;Good, Fine , Beautiful & Best of  Disdain in Garhwali Language ; Good, Fine , Beautiful & Best of  Hilarity in Garhwali Language  ; Good, Fine , Beautiful & Best of  Cheerfulness in Garhwali Language  ;  Good, Fine , Beautiful & Best of Garhwali Humor in Garhwali Language from Pauri Garhwal  ; Good, Fine , Beautiful & Best of Himalayan Satire in Garhwali Language from Rudraprayag Garhwal  ; Best of Uttarakhandi Wit in Garhwali Language from Chamoli Garhwal  ; Good, Fine , Beautiful & Best of North Indian Spoof in Garhwali Language from Tehri Garhwal  ;Good, Fine , Beautiful &  Best of Regional Language Lampoon in Garhwali Language from Uttarkashi Garhwal  ; Good, Fine , Beautiful & Best of Ridicule in Garhwali Language from Bhabhar Garhwal  ; Good, Fine , Beautiful & Best of Mockery  in Garhwali Language from Lansdowne Garhwal  ; Good, Fine , Beautiful & Best of Hilarity in Garhwali Language from Kotdwara Garhwal  ;Good, Fine , Beautiful &  Best of Cheerfulness in Garhwali Language from Haridwar  ;

Garhwali Vyangya , Garhwali Hasya,  Garhwali skits; Garhwali short skits, Garhwali Comedy Skits, Humorous Skits in Garhwali, Wit Garhwali Skits