उत्तराखंडी ई-पत्रिका की गतिविधियाँ ई-मेल पर

Enter your email address:

Delivered by FeedBurner

उत्तराखंडी ई-पत्रिका

उत्तराखंडी ई-पत्रिका

Tuesday, May 15, 2012

आंसू अर पीड़ा

- बृजेन्द्न् नेगी (सहारनपुर)


मैला-कुच्यला, फट्या  खुरदरा हाथ
मट्यण , म्वल्यणा, खरश्यणा  गात
खुचिली माँ सिर्फ आंशू अर पीड़ा
खैरी ही जीवन कु एक मात्र रस्ता
जरा    ईकी    निष्टा    त    देखा

गुढ्यार माँ बंध्या लैंदा-बैला गोर
द्वि पूली घास कु अट्क्द धार-धार
सासु की गाली अर पतरोल कु डौरल
जम्मा नि दयाख्दी  भ्याल अर पाखा
जरा   ईकी    हिम्मत    त   देखा

पुंगडी-पटल्यु  की   धाण-धंदा
वेक मथि नौना-बालों की घिम्साण
द्वि बक्ता की चूल्हा की हलंकार
निकज्जू आदिम की हालत खस्ता
फिर भी   इंकू  समर्पण  त   देखा