कौंग्रेसौ भाजपा वळुं कुण 'भक्त' बुलण मतबल छौंपा दौड़ से भैर हूण !

(Best  of  Garhwali  Humor , Wits Jokes , गढ़वाली हास्य , व्यंग्य )   
-
 चबोड़ , चखन्यौ , ककड़ाट  :::   भीष्म कुकरेती    

 भारत तै द्वी तागतवर राष्ट्रीय पार्टी चयेंद , पर जब कॉंग्रेस इ निबटण पर अयीं च त कम्युनिष्ट पार्टी कनै कॉंग्रेस तै बचाली। 

 जुमला राजनीति कु अभिन्न अंग च।  बगैर जुमला का हम राजनीति की कल्पना कौर नि सकदा अर भौत सालुं से कॉंग्रेस का सलाहकार मारक जुमला दीण अर विरोध्युं कुण नकारात्मक पदवी दीण बिसर गेन लगणु  च कि बिचारूं दिमागै  बत्ती गुल हुईं च।  यूंका सोच की बैटरी डाउन चलणी च। 

    कॉंग्रेस का रणनीतिकारुंन भाजपा तै चिरड़ाणो बान , जनता का मध्य भाजपा प्रति नकारात्मक छवि बणानो बान अर अपड़ि छवि जगमगाणो बान भाजपा कार्यकर्ता , भाजपा समर्थक अर दक्षिण पंथ्युं कुण भक्त बुलण शुरू कार।  आप फेसबुक या अन्य सोशल मीडिया मा कॉंग्रेस्यूं द्वारा भाजपा कार्यकर्ताओं तै भक्त बुलण दिखदा इ ह्वेल्या। जब मुर्गाक मरणो दिन आंद त वु जिबळ जिना जांद , जब मूसो मरणो दिन आंद त मुसदुंळ छोड़ि मूसदानी तरफ आंद अर जब कै राजनीतिक दल का बुरा दिन आंदन त विरोधी तै उत्साहवर्धक , उलारवर्धि अर सकारात्मक पदवी दींद। 

      युद्ध मा विरोधी   सदस्यों उत्साह मर्दन करे जांद , युद्ध मा विरोध्युं दिमागम कायरता  भरे जांद ना कि शत्रु सैनकों तै भक्त बुले जांद। शल्यन महाभारत मा कर्ण कु अंदर कायरता भरी छे।  कॉंग्रेस भक्त बोलिक भाजपा का कार्यकर्ताओं का उत्साह बढ़ानम लगीं च। 

  जब क्वी कॉंग्रेसी भाजपा कार्यकर्ताओं या समर्थक बुद्धिजीवी तै भक्त बुल्द त कौंग्रेसी सीधा स्वीकार करणु च बल भाजपा का पास समर्पित , त्यागी अर कट्टर कार्यकर्ता छन।  

   जब बि विरोधी तै पदवी दीण हो त विरोधी पर  बर्बराट मचण चयेंद , विरोधी पर वे शब्द से चिर्री पड़न चयेंद ना कि विरोधी प्रसन्नचित ह्वेका पदवी धारण करणो उतावला ह्वे जावो। कांग्रेस दत्त भक्त पदवी से भाजपा वळ बबराइ नीन , भाजपा वळुं पर भक्त पदवी से चिर्री त नि पौड़ी उल्टां सेळ पोड़ गे। विरोधी तै दर्द दिए जांद , विरोधी तै डौर दिए जांद अर कॉंग्रेस भाजपा तै रोज उत्साह की घुट्टी पिलाणी रौंद। युद्ध रणनीतिकार दुश्मनक कूड़ जळाणो कुण रणनीति बणांद, रणनीतिकार दुश्मनो आत्म बल घटाणो बान रणनीति तयार करद पर इख त अपड़ी कूड़ जळ गे।  

    जब शत्रु तै क्वी पदवी दिए जावो त शत्रु पक्ष मा वीं पदवी तै उत्तारणो बान आग लगण चयेंद , तिलबिलाट , कबलाट मचण चयेंद; ना कि शत्रु पक्ष मा वीं पदवी पाणो बाद जश्न मनाये जावो। भाजपा वळ त भक्त पदवी से रोज त्यौवार मनाणा छन अर पदवीदाता अपण कपाळ फुड़नु च। 

    एक हैंक नियम च विरोधी तै पदवी दीणो।  जब बि विरोधी तै मानमर्दनौ  वास्ता पदवी दिए जावो तो अफु तै  वीं पदवी का ठीक विरोधी सकारात्मक पदवी बि दिए जाण चयेंद।  जी हाँ ! अफु तै  ठीक विरोधी पदवी बि दिए जाण चयेंद।  जनकि बाबा रामदेव विदेशी कम्पन्युं तै विदेशी बुल्दो तो अफु तै देशरक्षक स्वदेशी कम्पनी बुलण नि बिसरदो। कॉंग्रेसन भाजपा वळुं तै भक्त पदवी त दे दे किन्तु कॉंग्रेसी कार्यकर्ताओं तै क्वी पदवी नि दे।  दीण कनकै छौ , कखन छौ किलैकि दुन्या मा सबसे बड़ी सकारात्मक पदवी त भाजपा तै दियाल त अफकुण क्या बचण छौ।  भक्ति से बड़ी सकारात्मक पदवी छैइं नी दुनिया मा। 

       भौत सा क्या अधिकाँश लोग दुर्योधन तै दुर्जन समजदन अर वेकी दुर्जनता तै युद्ध हार का वजै समजदन।  तो कौनसा पांडव दुर्जन नि छा।  दुर्योधन की हार का पैंथर वेका सेनापतियों बड़ी बड़ी गलती छे।   दुर्योधन का एक सेनापति कर्णन अपण कवच कुंडल इंद्र तै दान दे दे छा तो ख़ाक युद्ध जितदु दुर्योधन ? इनि कॉंग्रेस्युंन भक्त पदवी देकि भाजपा वळु तै अभय  दान दियाल। 

   उन अबि समय च कि कॉंग्रेस भाजपा तै क्वी हैंको नकारात्मक पदवी द्यावो अर दगड़म कॉंग्रेसी कार्यकर्ताओं तै सकारात्मक पदवी।  झूठी   भाजपा पदवी  कन राली  ?

  
 -

9/10  / 2017, Copyright@ Bhishma Kukreti , Mumbai India

*लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल हौंस , हौंसारथ , खिकताट , व्यंग्य रचने  हेतु उपयोग किये गए हैं।
-
 Best of Garhwali Humor Literature in Garhwali Language , Jokes  ; Best of Himalayan Satire in Garhwali Language Literature , Jokes  ; Best of  Uttarakhand Wit in Garhwali Language Literature , Jokes  ; Best of  North Indian Spoof in Garhwali Language Literature ; Best of  Regional Language Lampoon in Garhwali Language  Literature , Jokes  ; Best of  Ridicule in Garhwali Language Literature , Jokes  ; Best of  Mockery in Garhwali Language Literature  , Jokes    ; Best of  Send-up in Garhwali Language Literature  ; Best of  Disdain in Garhwali Language Literature  , Jokes  ; Best of  Hilarity in Garhwali Language Literature , Jokes  ; Best of  Cheerfulness in Garhwali Language  Literature   ;  Best of Garhwali Humor in Garhwali Language Literature  from Pauri Garhwal , Jokes  ; Best of Himalayan Satire Literature in Garhwali Language from Rudraprayag Garhwal  ; Best of Uttarakhand Wit in Garhwali Language from Chamoli Garhwal  ; Best of North Indian Spoof in Garhwali Language from Tehri Garhwal  ; Best of Regional Language Lampoon in Garhwali Language from Uttarkashi Garhwal  ; Best of Ridicule in Garhwali Language from Bhabhar Garhwal   ;  Best of Mockery  in Garhwali Language from Lansdowne Garhwal  ; Best of Hilarity in Garhwali Language from Kotdwara Garhwal   ; Best of Cheerfulness in Garhwali Language from Haridwar    ;गढ़वाली हास्य -व्यंग्य ,  जसपुर से गढ़वाली हास्य व्यंग्य ; जसपुर से गढ़वाली हास्य व्यंग्य ; ढांगू से गढ़वाली हास्य व्यंग्य ; पौड़ी गढ़वाल से गढ़वाली हास्य व्यंग्य ;
Garhwali Vyangya, Jokes  ; Garhwali Hasya , Jokes ;  Garhwali skits , Jokes  ; Garhwali short Skits, Jokes , Garhwali Comedy Skits , Jokes , Humorous Skits in Garhwali , Jokes, Wit Garhwali Skits , Jokes