विरोधी विरुद्ध गुवाण जन नेगेटिव विज्ञापन

(Best  of  Garhwali  Humor , Wits Jokes , गढ़वाली हास्य , व्यंग्य )
-
 चबोड़ , चखन्यौ , ककड़ाट  :::   भीष्म कुकरेती    

 " हैलो ! इज इट नेगेटिव एजेंसी ?" नेतान  पूछ। 

" यस ! नेगेटिव ऐडवर्टाइजमेंट ऐंड पब्लिक रिलेसन एजेंसी। वेलकम " जबाब छौ। "जी ! नाम अर काम ब्वालो ?"

नेतान जबाब दे ," जी मि एक खत्युं नेता छौं "

" जी अचकाल सब खत्यां इ नेता छन।  ठीक से परिचय द्यावो। " प्रश्न छौ। 

" जी मि जड़ कट्वा पार्टी कु पारिवारिक अर मरण तक महासचिव छौं अर विरोधी नेता का विरुद्ध नेगेटिविटी फैलाणो बान आपक जरूरत पोड़ी गे। " नेताक जबाब 

"जी इन बथाओ कि नेगेटिविटी सड़्याण कतुग तेज चयेंदी ? मतबल नेगेटिविटी डेनसिटी कथगा चयेंद ?" ' प्रश्न छौ। 

" जी ? मि नि बींग डेनसिटी ?" नेता जी 

एजेंसी - जी ठीक च।  जी आप तैं पदाणै गंध की तीब्रता त पता ही होली ?

नेता - ऊं उं हाँ पुर पुर मा कम गंद , ठुसकण म अधिक गंद अर भड़म पदणै गंद सर्वाधिक  ..

एजेंसी -नै नै आपन त पाद की आवाज का बारा म बोलि।  गंद गंद ? कथगा गंद चयेंद ? 

नेता - जी ?

एजेंसी -द्याखो ! एक गंद हूंद ज्वा उनि सये जांद , वे से तेज गंद तै नाक बूजीक सये सक्यांद अर एक गंद इन हूंदी ज्वा अति असह्य हूंदी अर पाद क्षेत्र से भागण इ विकल्प हूंद। 

नेता - औ ! विरोधी का विषय मा असह्य गंद फैलाण।

एजेंसी -मतलब विरोधी विरुद्ध गुदनड़ौ तीब्र सड़्याण फैलाण ?

नेता - हाँ हाँ गुदनड़ौ तीब्र सड़्याण।  

एजेंसी - विरोधी क्वा च ?

नेता - म्यार दिखण से छ त स्याळ जनि इ च ,  पर लोगुं मा वैन इन प्रभाव जमै याल कि लोग समजणा छन ऊंकुण वैन मोदी जी से बि 'अधिक अच्छे दिन ' लयाण।

एजेंसी - मतलब विज्ञापन व पब्लिक रिलेसन द्वारा जनता मा ये शरीफजादा तै धुर्या सिद्ध करण।  

नेता - हाँ जी हाँ।  बड़ी परेशानी खड़ कर दे ए भेड़ की खाल मा स्याळन।

एजेंसी - ओके।  एक मिनट ठैरो।   गूगल सर्च करदो। 

नेता - ठीक च।

एजेंसी - अरे एक विरुद्ध तो पगली इकोनॉमी , खुजली वाली योजनाएं , गू मूत जन सोच ,   आदि नेगेटिव अलंकारुँ से बि कुछ फरक नि पड़न।  उल्टां जथगा इ वै तैं गाळी देल्या एक पॉपुलरिटी ग्राफ बढ़द जालो। 

नेता - त एक विरुद्ध नेगिटिविट्याण नि फैलाण ? 

एजेंसी -बिलकुल ना।  वैक  विरुद्ध जथगा अधिक गुवाण  फ़ैलैल्या उथगा इ तुमन गटर का कीड़ा साबित हूण। 

नेता - त कुछ नि ह्वे सकुद ?

एजेंसी - किलै नि ह्वे सकुद।  सब कुछ ह्वे सकुद जब मार्केटिंग  से अमेरिकी कम्पनी ऎमवे , कोलगेट आदि आयुर्वेदिक कम्पनी सिद्ध ह्वे सकदन तो कुछ बि ह्वे सकद।  बढ़िया आइडिया ऐ गे 

नेता - क्या ?

एजेंसी - हम विज्ञापन अर पब्लिक रिलेसन द्वारा वैका  वोटरों तैं इ महामूर्ख , गधा अर पाजी सिद्ध कौर द्योला जी। फिर ये तैं क्वी वोट नि द्यालो 

नेता - वाह ! व्हट ए ग्रेट आइडिया सर जी ! तुम जनता ही मूर्ख, गधा , पाजी च वळ  कैम्पियन पर काम कारो।  कैम्पियन फीस का अलावा कैम्पियन सफल हूणो बाद तुमर मालिक तै पद्मश्री अर राज्य सभा सीट बि पक्की।-

 -

29 /9 / 2017, Copyright@ Bhishma Kukreti , Mumbai India

*लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल हौंस , हौंसारथ , खिकताट , व्यंग्य रचने  हेतु उपयोग किये गए हैं।
-
 Best of Garhwali Humor Literature in Garhwali Language , Jokes  ; Best of Himalayan Satire in Garhwali Language Literature , Jokes  ; Best of  Uttarakhand Wit in Garhwali Language Literature , Jokes  ; Best of  North Indian Spoof in Garhwali Language Literature ; Best of  Regional Language Lampoon in Garhwali Language  Literature , Jokes  ; Best of  Ridicule in Garhwali Language Literature , Jokes  ; Best of  Mockery in Garhwali Language Literature  , Jokes    ; Best of  Send-up in Garhwali Language Literature  ; Best of  Disdain in Garhwali Language Literature  , Jokes  ; Best of  Hilarity in Garhwali Language Literature , Jokes  ; Best of  Cheerfulness in Garhwali Language  Literature   ;  Best of Garhwali Humor in Garhwali Language Literature  from Pauri Garhwal , Jokes  ; Best of Himalayan Satire Literature in Garhwali Language from Rudraprayag Garhwal  ; Best of Uttarakhand Wit in Garhwali Language from Chamoli Garhwal  ; Best of North Indian Spoof in Garhwali Language from Tehri Garhwal  ; Best of Regional Language Lampoon in Garhwali Language from Uttarkashi Garhwal  ; Best of Ridicule in Garhwali Language from Bhabhar Garhwal   ;  Best of Mockery  in Garhwali Language from Lansdowne Garhwal  ; Best of Hilarity in Garhwali Language from Kotdwara Garhwal   ; Best of Cheerfulness in Garhwali Language from Haridwar    ;गढ़वाली हास्य -व्यंग्य ,  जसपुर से गढ़वाली हास्य व्यंग्य ; जसपुर से गढ़वाली हास्य व्यंग्य ; ढांगू से गढ़वाली हास्य व्यंग्य ; पौड़ी गढ़वाल से गढ़वाली हास्य व्यंग्य ;
Garhwali Vyangya, Jokes  ; Garhwali Hasya , Jokes ;  Garhwali skits , Jokes  ; Garhwali short Skits, Jokes , Garhwali Comedy Skits , Jokes , Humorous Skits in Garhwali , Jokes, Wit Garhwali Skits , Jokes