आपके हिसाब से पलायन समस्या है कि समाधान ?

(Best  of  Garhwali  Humor , Wits Jokes , गढ़वाली हास्य , व्यंग्य )
-
 चबोड़ , चखन्यौ , ककड़ाट  :::   भीष्म कुकरेती    

    वु बुल्दन बल पलायन एक अनुत्तरित पॉब्लम च । स्यु समझांदन बल पलायन एक खज्जी जन समस्या च ।  पर पलायन त जैविक जन्मजाति गुण च। 

    पलायन परिमार्गी गुण च। पलायन गढ़वळयुं कुण परमेष्ट च पर पलायन तै गाळी दीणो प्रचलन बि च।

   पलायन समाधान का  मुख बि पलयान च , मध्य बि पलायन च अर अंत बि पलायन ही च। 

 पलायन प्रगतिक  सुपिन च , पलायन प्रगति पथ च अर पलायन से पीड़ा युक्त खुदेड़ गीत पैदा हूंदन। 

  जु पलायन नि कौर सकदन ऊंकुण पलायन खटु  पळयो च , जौन पलायन कौर याल ऊंकुण पलायन मिट्ठी परळी च अर त्रिवेंद्र सिंह जीकुण पलायन पलायन आयोग गठित करणो जरिया च। पलायन आयोग एक खिल्वणि सिद्ध नि हो यी सबि पहाड़ी परमेश्वर से प्रार्थी छन।

 पलायन परचम लहराणो पथ च।  झूठ बुलणु हों त द्वी जुत्त।  पंवार बंश की स्थापना पलायन से ह्वे , अजीत डोभाल पलयान से ही अजीत डोभाल बणिन अर जनरल विपिन रावत जी का पिताजी पलायन नि करदा त देख लींदु जु विपिन जी जनरल बणदा। 

    पलायन नेतागिरी स्थापित करणो पुंगड़ च।  पलायन नेतागिरी चमकाणो पौलिस च।  पलायन वार्ता नेतागिरी पळयाणो पळयंथर च।  पलायनकार्युं तै भगाणो बान हड़ताल से कार्टूनिस्ट बाल ठाकरे हिन्दू हृदय सम्राट बाळा  साहेब ठाकरे बणदन , पलायनकार्युं तै पित्याण से राज ठाकरे राज ठाकरे बणद अर सन 2014 चुनाव मा उत्तर परदेस -बिहार से पलायन रुकणो आश्वासन से गुजरात का मुख्यमंत्री भारतक प्रधान मंत्री बण जांदन।  पर यु पलायन च कि प्रगति पर प्रगति करणु रौंद। पलायन तै भगवान बि नि रोक सकद। 

     पलायन गहन चिंतनौ  विषय च। पलायन बाछी कांध च जब कुछ काम नि हो त बाछिक कांध मलासणो जगा पलायन पर छ्वीं बथ कर ल्यावो।  जब लिख्वारुंम विषय की कमी हो , कुछ नि सुजणु हो त पलायन पर ही कविता कर ल्यावो।  पलायन कलम पळयाणो शार्पनर च। अखबार वळु तै जैदिन खाज -खुजली -भगंदर का विज्ञापन नि मिल्दन त पलायन विषय ही कौलम भरणो काम आंद। 

  पलायन वास्तव मा समाधान च , पुटुक पळणो जरिया च , पलायन प्रोस्पिरिटी लाणो उपाय च।  अर गढ़वळयूंन ये तै प्रॉब्लम बणैक अफकुण प्रॉब्लम खड़ी कर दे।  जैदिन गढ़वळि पलायन तै प्रॉब्लम ना सोल्यूसन मानिक चलण शुरू कौर द्याला वैदिन से समाधान मिलण शुरू ह्वे जाला। 

    

6/10  / 2017, Copyright@ Bhishma Kukreti , Mumbai India

*लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल हौंस , हौंसारथ , खिकताट , व्यंग्य रचने  हेतु उपयोग किये गए हैं।
-
 Best of Garhwali Humor Literature in Garhwali Language , Jokes  ; Best of Himalayan Satire in Garhwali Language Literature , Jokes  ; Best of  Uttarakhand Wit in Garhwali Language Literature , Jokes  ; Best of  North Indian Spoof in Garhwali Language Literature ; Best of  Regional Language Lampoon in Garhwali Language  Literature , Jokes  ; Best of  Ridicule in Garhwali Language Literature , Jokes  ; Best of  Mockery in Garhwali Language Literature  , Jokes    ; Best of  Send-up in Garhwali Language Literature  ; Best of  Disdain in Garhwali Language Literature  , Jokes  ; Best of  Hilarity in Garhwali Language Literature , Jokes  ; Best of  Cheerfulness in Garhwali Language  Literature   ;  Best of Garhwali Humor in Garhwali Language Literature  from Pauri Garhwal , Jokes  ; Best of Himalayan Satire Literature in Garhwali Language from Rudraprayag Garhwal  ; Best of Uttarakhand Wit in Garhwali Language from Chamoli Garhwal  ; Best of North Indian Spoof in Garhwali Language from Tehri Garhwal  ; Best of Regional Language Lampoon in Garhwali Language from Uttarkashi Garhwal  ; Best of Ridicule in Garhwali Language from Bhabhar Garhwal   ;  Best of Mockery  in Garhwali Language from Lansdowne Garhwal  ; Best of Hilarity in Garhwali Language from Kotdwara Garhwal   ; Best of Cheerfulness in Garhwali Language from Haridwar    ;गढ़वाली हास्य -व्यंग्य ,  जसपुर से गढ़वाली हास्य व्यंग्य ; जसपुर से गढ़वाली हास्य व्यंग्य ; ढांगू से गढ़वाली हास्य व्यंग्य ; पौड़ी गढ़वाल से गढ़वाली हास्य व्यंग्य ;
Garhwali Vyangya, Jokes  ; Garhwali Hasya , Jokes ;  Garhwali skits , Jokes  ; Garhwali short Skits, Jokes , Garhwali Comedy Skits , Jokes , Humorous Skits in Garhwali , Jokes, Wit Garhwali Skits , Jokes