फेंकू अर भक्त सकारात्मक शब्द छन त पप्पू निखालिश नकारात्मक

(Best  of  Garhwali  Humor , Wits Jokes , गढ़वाली हास्य , व्यंग्य )
-
 चबोड़ , चखन्यौ , ककड़ाट  :::   भीष्म कुकरेती     
-

                  सोशल मीडिया वजै से अजकाल फेंकू , भक्त अर पप्पू शब्द पंतजलि प्रोडक्ट जन पॉपुलर शब्द ह्वे गेन।  भग्यान खुशवंत सिंग जी सोरग मा लमलेटी नाच करणा होला बल फेंकू , भक्त अर पप्पू पर करोड़ों जोक्स , हंसुड़ी बण गेन। मार्केटिंग मा बुले जांद बल जब गौळ काटु छौंपादौड़ (प्रतियोगिता ) ह्वाओ त व्यक्तिगत भगार मुखर ह्वे जांद।   फेंकू , भक्त अर पप्पू विशेषण राजनीति मा बंशनास कारो, जड़काटो दुसरौ लगायां डाळौ फल खै जावो जन  प्रतियोगिता का इ परिणाम च। 

       कॉंग्रेस दत्त शब्द च फेंकू।  दिग्गी बाबू सणि यु शब्द अपण दुसरि बीबी से बि बिंडी प्यारो लगद । अब त महान साहित्यकार मंगलेश डबराल बि रोज सुबेर स्याम फेंकू शब्द जपदन।    भजापौ शीर्षस्थ नेतृत्व तै कॉंग्रेस्यूंन या पदवी दे।  जब खज्यात आंदि त दशरथ जन मर्द कैकयी जन जनानिक  सुणदु, स्याळौ मौत आंदि त मनिखों बीच आंद अर कॉंग्रेसौ जाणो दिन छन तो कॉंग्रेसी मोदी तै सकारात्मक पदवी दीण लगदन।   

    जरा द्याखौ त सै अपण न्याड़ -ध्वार।  हम सबसे अधिक प्यार फेंकऊं तै हि करदां। बीमार खटला मा ना भीम धर्युं रौंद , गंगाजल दीणो तयारी हूणी रौंद किन्तु फेंकू बीमार से मुखातिब ह्वेक जब बुल्दो कि बाडा ! तीन त अपण झड़नाती ब्यौ देखिक जाण तो बीमार पर बि ज्यान ऐ जांदि अर बीमार कुतकी मारणो तयार ह्वे जांद । फेंकू अतिरंजना से सुपिन दिखांद , फेंकू अतिश्योक्ति से दिवासुपिन दिखांद, फेंकू आशायुक्ति से मुर्दा मा जान डाळदु। 

   हमर गां जसपुरम एक छन बिरजु दा।  अस्सी सालु बिरजु दा ल्वार च किंतु बामण -बमण्यूं आज बि चेहता च। पीठ पैथर हरेक बुल्दु बल ले ऐ ग्यायी गपास्टी किंतु हरेक बिरजु दा की सुणण चांदो।  पचास साल पैल बिरजु दा जनान्युं तै सुपिन दिखांदु छौ बल जसपुरम रेल आली , घर घर नळ आला अर शिल्पकार बि शिक्षक होला।  आसा दिलाण इ बिरजु गपास्टी कु महान गुण च। अब बिरजु दा जसपुरम हवाई अड्डा की छ्वीं लगान्दु। 

    भारतीय शास्त्रुं सबसे बड़ी फेंकु  विचारधारा च सांख्य।  दुनिया की सबसे पुराणी द्वी फेंकू आधारित पुस्तक छन अष्टावक्र की 'महागीता' अर कृष्ण संभाषित 'श्रीमद भगवत गीता '. जी हाँ यी द्वी सांख्यकी पुस्तक फेंकू सिद्धांत आधारित दर्शन छन।  यी द्वी क्वी धार्मिक पुस्तक नि छन अपितु सिद्ध करदन  बल फेंकू विचारधारा  से कन मनुष्य असंभव तै संभव कर दीन्दु।  

   12 वीं सदी की जैन धर्मी एक पुस्तक च 'कर्मविसर्जन' . इखमा बि फेंकू दर्शन याने दिवास्वप्न दर्शन से असम्भव तै सम्भव करणो गुरु मंत्र दियां छन।    

      अर हम सेल्स वळा बगैर दिवास्वप्न दिखैक एक तुरांक शुद्ध दूध नि बेच सकदां।  आज विजय सेल्स इथगा बड़ो रिटेलर च किंतु यांक पैथर वीडिओकोन का एक सेल्स ऑफिसर कु बड़ो हाथ च जैन गुप्ता जी तै बत्त  बत्तुं मा दिवास्वप्न दिखै छौ। 

    मीन बि कत्ती दुकानदारुं तै दिवास्वप्न दिखैन अर भौत सा बड़ ट्रेडर बण गेन अर गुरु जी बुल्दन। हम सब दिवास्वप्न पसंद करदां।  दिवास्वप्न हम तै आसा दींद। 

     इंदिरा गांधी भग्यान हूणो परांत कॉंग्रेस की समस्या या राइ कि विरोध्युं तै क्या नाम दिए जावो अर जब आप अपण विरोध्युं तैं सकारात्मक उपाधि देल्या तो मृत्यु तो तुम्हारी ही होली ना कि विरोधी की।  फेंकू उपाधि बि इनि सकारात्मक शब्द च। 

  घ्वाड़ा चड़नो लिए जांद ना कि घ्वाड़ा तै बुकणो बान  . विरोधी तै उपाधि इलै दिए जांद कि विरोधी धराशाही हो ना कि वीं उपाधि से तुमि घैल ह्वै जावो। झूठ बुलणु हों तो 'मौत का सौदागर ' उपाधि दीण वळि से पूछि ल्यावो। 

     

 -

भोळ - भक्तुं  पर !
8/10  / 2017, Copyright@ Bhishma Kukreti , Mumbai India

*लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल हौंस , हौंसारथ , खिकताट , व्यंग्य रचने  हेतु उपयोग किये गए हैं।
-
 Best of Garhwali Humor Literature in Garhwali Language , Jokes  ; Best of Himalayan Satire in Garhwali Language Literature , Jokes  ; Best of  Uttarakhand Wit in Garhwali Language Literature , Jokes  ; Best of  North Indian Spoof in Garhwali Language Literature ; Best of  Regional Language Lampoon in Garhwali Language  Literature , Jokes  ; Best of  Ridicule in Garhwali Language Literature , Jokes  ; Best of  Mockery in Garhwali Language Literature  , Jokes    ; Best of  Send-up in Garhwali Language Literature  ; Best of  Disdain in Garhwali Language Literature  , Jokes  ; Best of  Hilarity in Garhwali Language Literature , Jokes  ; Best of  Cheerfulness in Garhwali Language  Literature   ;  Best of Garhwali Humor in Garhwali Language Literature  from Pauri Garhwal , Jokes  ; Best of Himalayan Satire Literature in Garhwali Language from Rudraprayag Garhwal  ; Best of Uttarakhand Wit in Garhwali Language from Chamoli Garhwal  ; Best of North Indian Spoof in Garhwali Language from Tehri Garhwal  ; Best of Regional Language Lampoon in Garhwali Language from Uttarkashi Garhwal  ; Best of Ridicule in Garhwali Language from Bhabhar Garhwal   ;  Best of Mockery  in Garhwali Language from Lansdowne Garhwal  ; Best of Hilarity in Garhwali Language from Kotdwara Garhwal   ; Best of Cheerfulness in Garhwali Language from Haridwar    ;गढ़वाली हास्य -व्यंग्य ,  जसपुर से गढ़वाली हास्य व्यंग्य ; जसपुर से गढ़वाली हास्य व्यंग्य ; ढांगू से गढ़वाली हास्य व्यंग्य ; पौड़ी गढ़वाल से गढ़वाली हास्य व्यंग्य ;
Garhwali Vyangya, Jokes  ; Garhwali Hasya , Jokes ;  Garhwali skits , Jokes  ; Garhwali short Skits, Jokes , Garhwali Comedy Skits , Jokes , Humorous Skits in Garhwali , Jokes, Wit Garhwali Skits , Jokes