उत्तराखंडी ई-पत्रिका की गतिविधियाँ ई-मेल पर

Enter your email address:

Delivered by FeedBurner

उत्तराखंडी ई-पत्रिका

उत्तराखंडी ई-पत्रिका

Tuesday, July 4, 2017

Interview with Garhwali Poet Dharmendra Negi by Bhishma Kukreti

गढ़वाली कवि श्री धर्मेंद्र नेगी के अपने  बारे में  कुछ विचार (लिखाभेंट /इंटरव्यू द्वारा )
-
(Critical and Chronological History of Garhwali Poetry, part - 165)
गढ़वाली कविता  क्रमगत इतिहास  भाग -  165 )

-
नामधर्मेन्द्रसिंह नेगी
गाँवचुराणीरिखणीखाळ

-
पट्टीइड़ियाकोट मल्ला
जिलापौड़ी गढ़वाल
वर्तमान पता.., रा.पू.मा.वि.- जगदेईपत्रालयगौलीखाळनैनीडांडा पौड़ी गढ़वाल
जन्मतिथि- 19-06-1975
जन्मस्थान -ग्राम चुराणी, Rithakhal Pauri Garhwal 
[     साहित्यिक ब्योरामेरी अज्यूं तक एक बाल उपयोगी पुस्तक कथाचित्रगीत "सिकासेरीप्रकाशित ह्वेयीं  अर कथा -चित्र -गीत  "तीलू बाखरी " अर "वीर बाळातीलू रौतेळी "  छ्वट्टी छ्वट्टी बाल कविताओं की बाल पोथी प्रकाशनाधीन छन / 
यांका अलावा कविताकहानीनाटक ,एकांकी आदि भी लिखीं छन / कुछ नाटकों को मंचन विद्यार्थियों द्वारा स्कूल का समारोह मा करेगे / कई पत्र पत्रिकाओं मा लेख अर कविता छपेणी रौन्दन /
सौभाग्य से उत्तराखण्ड का प्रतिष्ठित साहित्यकारों का दगड़ी मंचों मा कविता पाठ को सुअवसर भी मिलणूं रैन्द /                        
      : समीक्षकों की रायमेरा लेख अर कविताओं तैं जौं भी पाठकौं  पैढ़ी अर सूणी सब्यूंन भली भली सलाह देनी अर पीठ भी थपथपैइ / जब भी क्वी वरिष्ठ साहित्यकार अपणी सौसलाह देन्दन ता भौत भलु लगद अर भौत कुछ सिखणा को भी मिलद / नै छ्वाळी का लिख्वारों कावास्ता अड़ंदरौं का रूप मा वरिष्ठ साहित्यकारों को होणू भौत जरूरी  /                        
             : कविता क्षेत्र मा आणौ कारण -  स्कुल्या दिनौ मा ही पिताजी का दगड़ा गढ़वाली साहित्य पढ़णौ चस्का लगिगे छौ | आकाशवाणी नजीवाबाद अर लखनऊ बिटि प्रसारित होण वला गढ़वाली अर कुमाऊंनी कार्यक्रमों का हम नियमित श्रोता छया | स्कुल्या दिनों मा हीलिखणौ  शौक लगिगे छौ | कौप्यूं का पिछनै का पेज मा लेखिकी दगड़्यों तैं सुणाई वाहवाई लूटी अर फिर फाड़िकी फेंकी दे |  नौकरी पर आणा बाद ब्यो ह्वेगे अपणी नै -नै ब्योली तैं भी अपणी कविता सुणैनी |वीन बोली जब तुम लिखदा छयॉ ता यूंको संकलन किलै नि करदा | मिनबोली संकलन कौरि मिन क्या करण ? कौन से मिन क्वी किताब छपवाण | वीन स्वयं मेरी रचनाओं तैं संकलन करणौ जिम्मा ले | एक बार विभागीय प्रशिक्षणा दौरान डायट चड़ीगाँव मा भैजी गिरीश सुन्दरियाल जी अर हरीश जुयाल जी से भेंट ह्वे साहित्यिक चर्चा परिचर्चा  दौरानमिन भी अपणी रचना वूंतैं सुणैनी | वून रचनाओं की तारीफ कैरी अर लिखदा रैणा की अर रचनाओं तैं संकलित करणै सलाह दे | बस वी मेरो जीवनौ टर्निंग प्वाइन्ट छयो | आज अपणी रचनाओं तैं जब सोशियल मीडिया पर पोस्ट करदू ता पाठकों द्वारा भौत भला भला सुझाव ,  कमेन्ट्स अर लाइक मिलदन  औरि लिखणै हिकमत मिलदा |                        
                  रचनाओं पर कव्यूं को प्रभावमेरी रचनाओं पर कौं कव्यूं को प्रभाव  यु  मि नि बतै सकदू हाँ मेरी रचनाओं का पाठक अर श्रोता जरूर यीं बात तैं बींगि सकदन अर  बतै सकदन | 
  जख तक गढ़वाली साहित्यकारों का साहित्यै बात  मितैं कन्हैयालाल डंडरियाल जी , निर्मोही जीगोविन्द चातक जी , सायर साहबअयाळ जी,ललित केसवान जी ,नरेन्द्रसिंह नेगी जीदेवेन्द्र जोशी जीछिपड़ु दा ,नेत्रसिंह असवाल जीभीष्म कुकरेती जी(सोशियल मीडियापर), मदनमोहन डुकलाण जीनरेन्द्र कठैत जी,वीरेन्द्र पंवार जी , गणी भैजी,  गिरीश सुन्दरियाल जीहरीश जुयाल जी , जगमोहन बिष्ट जी को गढ़वाली मा लिख्यूं साहित्य भौत उत्कृष्ट अर  प्रेरक लगदा | कती बार पैढ़ी की भी ज्यू नि भुरेन्दो | यूंका साहित्य की जरा भी लसाकमैमा ऐजाव ता मी अपणो धनभाग  समझुलु  |                         भौतिक संसाधनों को महत्व - टेबल,  खुर्सी को  मैं ज्यादा महत्व नी समझदो | हाँ  पेन , नोटबुक अर इकुलांसौ  साहित्यकारा जीवन मा भौत महत्व  |
परिस्थिति का अनुसार लिखणा का वास्ता पेनपेन्सिल , मोबाइल या कम्प्यूटरौ इस्तेमाल करदो |
कागज कनी भी मिलजो लेखिदिन्दो | हाँ रफ कॉपी मा लिखणमा भौत आनन्द औन्द | लेखा अर पसन्द नी   कागज चीरीकी  फुन्ड धोलिद्यो  |
शिक्षक होणा कारण अब पेन अर पॉकेट डायरी जेब मा रखणै आदत सी ह्वेगे |

कैबेरी क्वी विचार मन मा  जाव अर नोट करणा को ज्यू नी ब्वनों ता मोबाइल मा वूं पंगत्यों तैं रिकॉर्ड कैरी देन्दो अर घौर मा ऐकी फुरसत से फिर फेयर कैरी देन्दो / 
हाँ कतगै दौं भौत ज्यादा अलगस ह्वे जान्द अर मन मा अयॉ विचारों तैं ना ता नोट करेन्दो अर ना रिकॉर्ड / मन बोद कनु नी रालु घौर पौंछद पौंछद तक  याद अर घौर मा ऐकी जब पंगती याद नी औन्दी ता अफु फरै भौत गुस्सा औन्द तब /                        
      : अपणी रचनाओं तैं रिवाइज करणै जखतक बात  मैं तैं अपणी  कविता याद ता ह्वे जान्द पर  ज्यादा दिनों तक याद नी रौन्दी | यां मामला मा मिन गिरीश सुन्दरियाल भैजी से ज्यादा याद रखण वलो क्वी नी देखी वूंतैं अपणी  ह्वे ह्वे वांका अलावा सब्बि प्रसिद्ध गढ़वालीसाहित्यकारों की रचना भी याद रैन्दन |                        
    कविता की वर्कशॉप - मेरो मनणो यो  की कविता जिकुड़ा बिटि उपजद , पर हाँ जु भी हम लिखदा छां वु अगर एक फौरमेट मा हो ता औरि भी दमदार अर मजेदार ह्वे जान्द | इलैई नै छ्वाळी  लिख्वारों  वास्ता कविता ही ना साहित्यै  हर विधा की वर्कशॉप आयोजित करे जाणचैन्दी | जैमा वरिष्ठ साहित्यकारो तैं ऐक्सपर्ट अर मास्टर ट्रेनर का रूप मा आमन्त्रित करे जाण चैन्द |  अब तक लिख्यूं सब्बी उत्तराखण्डी भाषाओं साहित्य वख उपलब्ध होण चयेन्द |
 मैंतै भी अज्यूं तक यनि वर्कशॉप मा शामिल हूणौ सुअवसर नि मिली अगर भविष्य मा कभी  मिललो ता मी जरूर शामिल होणौ प्रयास करलो |
=
=
Copyright@ Bhishma Kukreti, 2017
-
चमोली गढ़वाल , उत्तराखंड , उत्तरी भारत कविता , लोकगीत  इतिहास ; रुद्रप्रयाग गढ़वाल , उत्तराखंड , उत्तरी भारत कविता , लोकगीत  इतिहास ; टिहरी गढ़वाल , उत्तराखंड , उत्तरी भारत कविता , लोकगीत  इतिहास ;उत्तरकाशी गढ़वाल , उत्तराखंड , उत्तरी भारत कविता , लोकगीत  इतिहास ; देहरादून गढ़वाल , उत्तराखंड , उत्तरी भारत कविता , लोकगीत  इतिहास ; हरिद्वार गढ़वाल , उत्तराखंड , उत्तरी भारत कविता ,लोकगीत  इतिहास ; 
-
History and review of Garhwali Poems, Folk Song from Uttarkashi Garhwal, Uttarakhand, South Asia; History and review of Garhwali Poems, Folk Song from Tehri Garhwal, Uttarakhand, South Asia; History and review of Garhwali Poems, Folk Song from Dehradun Garhwal, Uttarakhand, South Asia; History and review of Garhwali Poems, Folk Song from Rudraprayag Garhwal, Uttarakhand, South Asia; History and review of Garhwali Poems, Folk Song from Chamoli Garhwal, Uttarakhand, South Asia; History and review of Garhwali Poems, Folk Song from Pauri Garhwal, Uttarakhand, South Asia; History  Garhwali poems from Haridwar ;

-- 



With Kind Regards

Dhangu, Gangasalan Ka Kukreti 

No comments:

Post a Comment

आपका बहुत बहुत धन्यवाद
Thanks for your comments