गढ़वाली हास्य -व्यंग्य
सौज सौज मा गंभीर चर्चा ,छ्वीं
यूपीए सरकारौ रिपोर्ट कार्ड याने दाग अच्छे लगते हैं'
कोंग्रेस पार्टी मा एक भौत हि बढ़िया गुण च बल आत्महत्या करण लैक अपमानजनक स्थिति मा बि कौंग्रेस बदतमीजी से खित खित हँसणि रौन्दि। जख मुक लुकाण छौ उख सरकारौ रिपोर्ट प्रसारित करणा छन।
कौंग्रेस को कुर्सी प्रेम देखिक गोंद बि शरमाणु रौंद।
कौंग्रेस त भ्रष्टाचार मिटाण चाणि च पण विचारि तैं मनमोहन छोडि क्वी हौर इमानदार नेता इ नि मिलणा छन। म्यरो आकलन च बल जैदिन कौंग्रेस तैं दसेक बि इमानदार नेता मिलि गे वैदिन ही देश से भ्रष्टाचार की डंडेलि सज्याण (चिता सजना ) शुरू ह्वे जालि। यद्यपि राहुल गांधी इमानदार अर कर्मठ नेताओं की खोज माँ गे छैं छया पण सबि नेताओंन बोलि बल जब इमानदार ही रौण तो बाम पंथी पार्टी क्या बुरा छन?
बिचरा राहुल गांधी क इथगा भटकणो बाद बि इन नेता नि मिलणा छन जो लोक सभा या विधान सभा को चुनाव लड़णो तैयार ह्वावन सबि राहुल गांधी का आस पास इलै छन कि राज्य सभा या विधान परिषद को टिकेट मिल जावो।
यूँ चार सालोंम सरकार हमेशा निम्न से निम्न स्तर को लक्ष्य समणि धरदी अर मि घमंड से , गर्व से . जंगड़ ठोकिक, कंटर बजै बोलि सकुद बल या सरकार हर बार छ्वटो से छ्वटो लक्ष्य प्राप्ति मा नाकामयाब , असफल राइ। हर बार असफल हूण माँ सरकार तैं पूरा सौ नम्बर दियी जाणा छन।
गरीबी उन्मूलन जन काम मा त ना पण गरीबी रेखा को मापतोल की इकाइ तै ही कम करणो मामला मा योजना आयोग को उपाध्यक्ष भारत को वित्त मंत्री बणन लैक ह्वै गेन।
सरकार मा पसलियों अर हडकों कमि नी च जैदिन कौंग्रेस तैं रीढ़ की हड्डी मील जालि वैदिन कौंग्रेस ही ना भारत का बि भाग जागि जाला। उन कॉंग्रेसी ल्हतमोड्याँ फौंट याने राहुल गांधी तैं रीढ़ की हड्डी बणाण मा लग्याँ त छैं छन पण कुज्याण भैरों कुज्याण .....
राबर्ट बड्रा पर जब भ्रष्टाचार अभियोग, ,लांछन दाग, काळो धब्बा लग तब बचाव मा जै हिसाब से केन्द्रीय मंत्री अग्वाड़ि ऐन तो यूपीए सरकार का सबि कॉंग्रेसी मंत्र्युं तैं 'धृतराष्ट्र' की उपाधि दिये जांद। धृतराष्ट्र अर दुर्योधनन अपण जंवै जयद्रथ को अनाचारी काम , करतबों इनि बचाव करी छौ।
स्कैम का मामला मा यूपीए सरकार तैं नोबल पुरुष्कार से सम्मानित करण चयेंद। कॉंग्रेसी नेता जन कि दिग्विजय सिंघ द्वारा भ्रष्ट नेताओंक बचाण वळ बयानुं से त इन लगद कि कौंग्रेस को 'दाग अच्छे लगते हैं'। इलै यूपीए सरकार तैं एक काजल की कोठड़ि इनाम मा दिये जांद अर अगला पन्द्रह अगस्त कुण 'दाग अच्छे लगते हैं ' स्लोगन /नारा तैं राष्ट्रीय स्लोगन/नारा घोषित करे जालो।
आत्मचिंतन की जगा कौंग्रेस अचकाल 'बीजीपी चिंतन' माँ जादा समय लगाणि च।
संसद माँ बिल पास नि कराणम यूपीए सरकार तै डिसटिंकसन दिए जांदो।
सीबीआई को दुरप्रयोग मामला मा यूपीए सरकार का नया तकनीक , अभिनव व रचनात्मक प्रयोग का वास्ता पूरा सौ नम्बर दिए जांदन।
विदेशों से काळोधन वापसी को मामला माँ यूपीए सरकार को स्वांग देखिक, घड़ियाली आंसू देखिक यूपीए सरकार तैं 'नट सम्राट' की उपाधि दिए जांद।
अन्ना हजारे पकड़िक जेल लिजाण पर यूपीए सरकार तैं 'मूर्खाधिराज 'की पदवी दियी जाणि च।
बाबा रामदेव को आन्दोलन तै ध्वस्त करणों बान रात मा पुलिस फ़ोर्स को इस्तेमाल को पारितोषिक का रूप मा यूपीए सरकार का हरेक मंत्री तैं हिटलर की मूर्ति प्रदान करे जाँद।
श्री लंका मामला मा लचर विदेश नीति का मामला मा यूपीए सरकार तैं 'केंचुवा' को तगमा दिये जाणु च।
मंहगाई रुकणम नाकामयाबी बान यूपीए सरकार तै 'द्वी खाली गैस सिलिंडर' की महानतम पदवी प्रदान करे जांदो।
आतंकवाद नि रुकणो बान यूपीए सरकार तैं 'खिलौना रूपी पिस्तौल' इनाम दियाणु च।
बुरी साख , विश्वासहीनता , प्रतिष्ठाहीनता का मामला मा यूपीए सरकार का वास्ता सौ नम्बर बि कम छन।
आज कौंग्रेस इथगा तौळ चलिगे कि अब कौंग्रेसम अपण खाड अफिक खणनो अलावा क्वी हौर दुसर पर्याय नि बच्युं च।
मि नि चांदो इन सरकार दुबर कबि जनम ल्यावो। इन कोख पर बज्जर पोड़ी जैन ज्वा इन सरकार पैदा करदी
Copyright @ Bhishma Kukreti 23/05/2013
(लेख सर्वथा काल्पनिक है )
सौज सौज मा मजाक मसखरी
हौंस,चबोड़,चखन्यौ सौज सौज मा गंभीर चर्चा ,छ्वीं
यूपीए सरकारौ रिपोर्ट कार्ड याने दाग अच्छे लगते हैं'
कोंग्रेस पार्टी मा एक भौत हि बढ़िया गुण च बल आत्महत्या करण लैक अपमानजनक स्थिति मा बि कौंग्रेस बदतमीजी से खित खित हँसणि रौन्दि। जख मुक लुकाण छौ उख सरकारौ रिपोर्ट प्रसारित करणा छन।
कौंग्रेस को कुर्सी प्रेम देखिक गोंद बि शरमाणु रौंद।
कौंग्रेस त भ्रष्टाचार मिटाण चाणि च पण विचारि तैं मनमोहन छोडि क्वी हौर इमानदार नेता इ नि मिलणा छन। म्यरो आकलन च बल जैदिन कौंग्रेस तैं दसेक बि इमानदार नेता मिलि गे वैदिन ही देश से भ्रष्टाचार की डंडेलि सज्याण (चिता सजना ) शुरू ह्वे जालि। यद्यपि राहुल गांधी इमानदार अर कर्मठ नेताओं की खोज माँ गे छैं छया पण सबि नेताओंन बोलि बल जब इमानदार ही रौण तो बाम पंथी पार्टी क्या बुरा छन?
बिचरा राहुल गांधी क इथगा भटकणो बाद बि इन नेता नि मिलणा छन जो लोक सभा या विधान सभा को चुनाव लड़णो तैयार ह्वावन सबि राहुल गांधी का आस पास इलै छन कि राज्य सभा या विधान परिषद को टिकेट मिल जावो।
यूँ चार सालोंम सरकार हमेशा निम्न से निम्न स्तर को लक्ष्य समणि धरदी अर मि घमंड से , गर्व से . जंगड़ ठोकिक, कंटर बजै बोलि सकुद बल या सरकार हर बार छ्वटो से छ्वटो लक्ष्य प्राप्ति मा नाकामयाब , असफल राइ। हर बार असफल हूण माँ सरकार तैं पूरा सौ नम्बर दियी जाणा छन।
गरीबी उन्मूलन जन काम मा त ना पण गरीबी रेखा को मापतोल की इकाइ तै ही कम करणो मामला मा योजना आयोग को उपाध्यक्ष भारत को वित्त मंत्री बणन लैक ह्वै गेन।
सरकार मा पसलियों अर हडकों कमि नी च जैदिन कौंग्रेस तैं रीढ़ की हड्डी मील जालि वैदिन कौंग्रेस ही ना भारत का बि भाग जागि जाला। उन कॉंग्रेसी ल्हतमोड्याँ फौंट याने राहुल गांधी तैं रीढ़ की हड्डी बणाण मा लग्याँ त छैं छन पण कुज्याण भैरों कुज्याण .....
राबर्ट बड्रा पर जब भ्रष्टाचार अभियोग, ,लांछन दाग, काळो धब्बा लग तब बचाव मा जै हिसाब से केन्द्रीय मंत्री अग्वाड़ि ऐन तो यूपीए सरकार का सबि कॉंग्रेसी मंत्र्युं तैं 'धृतराष्ट्र' की उपाधि दिये जांद। धृतराष्ट्र अर दुर्योधनन अपण जंवै जयद्रथ को अनाचारी काम , करतबों इनि बचाव करी छौ।
स्कैम का मामला मा यूपीए सरकार तैं नोबल पुरुष्कार से सम्मानित करण चयेंद। कॉंग्रेसी नेता जन कि दिग्विजय सिंघ द्वारा भ्रष्ट नेताओंक बचाण वळ बयानुं से त इन लगद कि कौंग्रेस को 'दाग अच्छे लगते हैं'। इलै यूपीए सरकार तैं एक काजल की कोठड़ि इनाम मा दिये जांद अर अगला पन्द्रह अगस्त कुण 'दाग अच्छे लगते हैं ' स्लोगन /नारा तैं राष्ट्रीय स्लोगन/नारा घोषित करे जालो।
आत्मचिंतन की जगा कौंग्रेस अचकाल 'बीजीपी चिंतन' माँ जादा समय लगाणि च।
संसद माँ बिल पास नि कराणम यूपीए सरकार तै डिसटिंकसन दिए जांदो।
सीबीआई को दुरप्रयोग मामला मा यूपीए सरकार का नया तकनीक , अभिनव व रचनात्मक प्रयोग का वास्ता पूरा सौ नम्बर दिए जांदन।
विदेशों से काळोधन वापसी को मामला माँ यूपीए सरकार को स्वांग देखिक, घड़ियाली आंसू देखिक यूपीए सरकार तैं 'नट सम्राट' की उपाधि दिए जांद।
अन्ना हजारे पकड़िक जेल लिजाण पर यूपीए सरकार तैं 'मूर्खाधिराज 'की पदवी दियी जाणि च।
बाबा रामदेव को आन्दोलन तै ध्वस्त करणों बान रात मा पुलिस फ़ोर्स को इस्तेमाल को पारितोषिक का रूप मा यूपीए सरकार का हरेक मंत्री तैं हिटलर की मूर्ति प्रदान करे जाँद।
श्री लंका मामला मा लचर विदेश नीति का मामला मा यूपीए सरकार तैं 'केंचुवा' को तगमा दिये जाणु च।
मंहगाई रुकणम नाकामयाबी बान यूपीए सरकार तै 'द्वी खाली गैस सिलिंडर' की महानतम पदवी प्रदान करे जांदो।
आतंकवाद नि रुकणो बान यूपीए सरकार तैं 'खिलौना रूपी पिस्तौल' इनाम दियाणु च।
बुरी साख , विश्वासहीनता , प्रतिष्ठाहीनता का मामला मा यूपीए सरकार का वास्ता सौ नम्बर बि कम छन।
आज कौंग्रेस इथगा तौळ चलिगे कि अब कौंग्रेसम अपण खाड अफिक खणनो अलावा क्वी हौर दुसर पर्याय नि बच्युं च।
मि नि चांदो इन सरकार दुबर कबि जनम ल्यावो। इन कोख पर बज्जर पोड़ी जैन ज्वा इन सरकार पैदा करदी
Copyright @ Bhishma Kukreti 23/05/2013
(लेख सर्वथा काल्पनिक है )
No comments:
Post a Comment
आपका बहुत बहुत धन्यवाद
Thanks for your comments