समाजिक दियु जन बल्द करै जु दिन राति
ग्यान भंडार छन म्यालु वूंक व्योहार
नौ कमौण भूख न तीस लगदी गज़ब चा या बात
लिखदन अच्छू लेख अफु लालसा नि कैं बथों की
वूंक हूंद उद्देश्य बस इतगा ,लोगों तैं अग्ने बढ़ान
ऊंच थान मा ऊंतैं दिखणु बस इ चा आस
उत्तराखंडे विकास पण सब्भि मनखी ऐक ह्वे जाव
अपरि कलम मा सब्बि लिख्वार इन हुंगरा द्यावा
मान बढदु तब वूंका भि त जब सब्बि वूंक मान करदा
जसपुर बटि छन गुर्जि भीष्म जी जौं मा इनि चा खूबी
दीणा छन भौत बरसो बटि जु
सोसियल मीडिया फर बणि-बणि ग्यान
ऊँका टाइमलाइन पर रोज दिखेंदी छन
साग-पात ,खबर-सार अर आखर ग्यान
जख बटि सब्बि लिख्वार भौत प्रसिद्ध ह्वे गें
पैली छ्यायी बल पोथी की माया पण
अब सब्बि ब्लॉग अर यू ट्यूब मा सर्वसुलभ ह्वे गें
अफु नौ जनि भीष्म सौं करार करियूं
हरेक मनखी बस्स सच्चू बाट द्याखौ
युंकि परयोग कब्बि मनभेद नि करदू
माधो को माटो जन छन लिख्वार यख
सब्यूँ कुण वूम छन बणि -बणि खुसी दवै
खुस हूंदन हैंका से जब उ नौ कमौन्दन
जुगराज रयाँ गुर्जि जी सुफल ह्वा ऊँका मनोकामना
इंटरनेटै युग मा वूंका खूब नौ सब्ब्यूँ दगड़ी प्रसिद्ध ह्वा।
सुनीता शर्मा
No comments:
Post a Comment
आपका बहुत बहुत धन्यवाद
Thanks for your comments