कजीरवाळ जी ! भला हुआ मैं प्रधानमंत्री नहीं चुना गया

Best  Harmless Garhwali Literature Humor , Jokes  ;  Garhwali Literature Comedy Skits  , Jokes  ; Garhwali Literature  Satire , Jokes ;  Garhwali Wit Literature  , Jokes  ;  Garhwali Sarcasm Literature , Jokes  ;  Garhwali Skits Literature  , Jokes  ;  Garhwali Vyangya   , Jokes   ;  Garhwali Hasya , Jokes   ; गढ़वाली हास्य , व्यंग्य,  गढ़वाली जोक्स

कजीरवाळ जी ! भला हुआ मैं प्रधानमंत्री नहीं चुना गया 

 चबोड़ , चखन्यौ , चचराट :::   भीष्म कुकरेती   

 हरेक भारतीय चांदो एक घंटा कु वास्ता ही सै वु /वा प्रधानमंत्री बण जावो।  पर परसि बिटेन मि चाणु छौं बल मि प्रधानमंत्री नि हों त ठीक च।  

हाँ जब बिटेन कजीरवाळ कम्पनीन पत्रकार सम्मलेन बुलैका सब देशवासियों तै बथाइ कि भारत की सब सम्या खतम ह्वे गेन अर भारत की एकमात्र समस्या च कि भारतीय प्रधानमंत्री  नरेंद्र मोदी ग्रेजुएट नी च। अर तैदिन बटें मेरी प्रधानमंत्री हूणै इच्छा गायब ह्वे गे , प्रधानमंत्री हूणै स्याणी -गाणी खत्ताउंद चली  गै , प्राइम मिनिस्टर हूणै आकांक्षा बैकुंठ   जोग ह्वे गे। 

हाँ जी जु मि प्रधानमंत्री हूंद अर कजीरवाळ पार्टी का सबसे बड़ो कजीर फिंक्वा अरबिंद कजीरवाळ मैं पर तोहमत लगांदु बल भीष्मा कुकरेती की सब सर्टिफिकेट जाळी छन त सचकि मि तै प्रधानमंत्री पद से इस्तीफा दीण पड़द अर सोनिया बौका समझाण पर बि मीन इस्तीफा वापस नि लीण छौ। 

जी हाँ मि त कखि जोग बि नि छौं। 

मि जै दिन स्कूलम भर्ती ह्वे छौ , म्यार मास्टर जीन मेरी जन्म तिथि 2 -4 -1952 - पांच पासक सर्टिफिकेट मा लेखी दे अर कसम से आज बि मेरी ब्वे धै लगै लगैक बुल्दी बल म्यार भीषम तो 24 गते भादों का  हुयुं च , मेरी घरवळि पंडित तै फोन या व्हट्सअप करिक खुलेआम सूचना दींदि कि द बर्थ डेट ऑफ माई  हजबैंड इज ऑन 10 थ सेप्टेंबर।  मतलब कजीरवाळ तो मेफर जोर से कजीर चुलै दींदु कि मीन बर्थडेट बि झूठी लिखवाई।  चूँकि सन 52 मा ग्राम प्रधान का यु कर्तव्य नि छौ कि जन्मतिथि रजिस्टरड करो तो मीम अपण जन्म 

तिथि 2 -4 -1952 करणो क्वी साधन नि रौण छौ अर कजीरवाळ सरा भारतीय टीवी चैनलों तै म्यरा जनमपतड़ी दिखाणु रौंद कि मीन देश तै धोखा दे। 

 इथगा ही हूंद तो मेरी पार्टी का अध्यक्ष क्वी बि शाह अर वित्त मंत्री सब महत्वपूर्ण काम छोड़िक पत्रकार सम्मेलन मा खोज्खाजिक म्यार जन्म तिथि 2 -4 -1952 सिद्ध कर  ही दींदा।  निथर अर्णब गोस्वामी , जी न्यूज , इंडिया टीवी , न्यूज X वळ बि सिद्ध करी ही लींदा बल मि 2 अप्रैलाकुण ही पैदा हूँ।  यदयपि इंडिया टुडे का राजदीप सरदेसाई सरा दिन भर ब्रेकिंग न्यूज मा मेरी जनमपतड़ी ही दिखाणु   रौंद। 

 पर कजीरवाळ तो कजीर फिंकण ही जाणदु त वु फिर पत्रकार सम्मेलन मा घोषणा करदु कि Bhishma Kukreti वु भीष्म कुकरेती नी च जु प्रधान मंत्री बताणा छन।  

अर नाम का मुत्तलिक कुछ हौर बि घचपच हुईं च म्यार सर्टिफिकिटों  मा। 

छै मा ग्यों त म्यार अंग्रेजी मा नाम धरे गे Bhishm Chandra Kukrety . तब जसपुर -ग्वील ही ना मल्ला ढांगू का कुकरेती की स्पेलिंग Kukrety लिखदा छ तो दर्जा आठ का सर्टिफिकेट मा म्यार नाम च -Bhishm Chand Kukrety शयद सिलोगी स्कूल का कलर्क तैं चंद शब्द मा छन्द आये और द्र की जगा केवल द लिखे गे। 

मि देहरादून औं तो हिंदी मा MA वळ अंग्रेजी विद्वानुंन सला दे बल कुकरेती की  सही स्पेलिंग Kukreti हूंद अर जन Ashoka या Yoga मा a लिखे जांद तनि Bhishm की जगा Bhishma सही स्पेलिंग च । त  मीन दस का फॉर्म भरण मा ल्याख Bhishma  Chandra Kukreti  किन्तु बारवीं का सर्टिफिकेट से Bhishma  Chand Kukreti  छौं।  हाँ BSc . MSc  सर्टिफिकेट का हिसाब से मि   Bhishma  Chandra  Kukreti  ही छौं। 

मुंबई आण का बाद म्यार नाम मा अजीब सि बदलाव आई।  महाराष्ट्र -गुजरात मा कै नाम मा दुसर नाम बुबा जी या पति का हूंद।  तो भौत क्या म्यार राशन कार्ड अर इलेक्सन कार्ड मा म्यार नाम च - भिष्म कुक्रेति अर पिता का नाम च - चन्द्र कुक्रेति। 

पैन कार्ड मा म्यार नाम च -भिष्म कुक्रेति अर पिता का नाम चन्द्र के आर कुकरेती।  असल मा मीन तो Name -Bhishma  Chandra Kukreti अर Father's  Name  - K . R Kukreti ही लेखी छौ पर मराठी भाषी कलर्कान म्यार नाम छापी दे - भिष्म कुक्रेति अर पिता का नाम -  चन्द्र के आर कुक्रेति।  

मेरी घरवळि का दगड़ बि कुछ इनि ह्वे।  कोटद्वार याने गढ़वाल विष्वविद्यालय का सर्टिफिकेट मा मेरी घरवळि क नाम छौ  उमा कुमारी कुकरेती।  तो मुंबई मा भौत सा सरकारी कागजों मा  मेरी घरवळि का पति का नाम च 'कुमारी कुक्रेति'।   

  इन मा यदि मि प्रधान मंत्री हूंद तो अरबिंद कजीरवाळ न खाली मेरी डिग्री तै हि जाळी नि बथाण छौ अपितु वैन सिद्ध कर  दीण छौ कि मि कै कुमारी कुक्रेति की घरवळि तै जबरदस्ती उठैक लौं। 

इलै भलो ह्वे मि प्रधान मंत्री नि हों निथर मीन सब काम काज छोड़िक अपण नाम तै सही सिद्ध करणम व्यस्त रौण छौ।  

10/5/2016 ,Copyright@ Bhishma Kukreti , Mumbai India 

*लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल व्यंग्य रचने  हेतु उपयोग किये गए हैं।

 Best of Garhwali Humor Literature in Garhwal

i Language , Jokes  ; Best of Himalayan Satire in Garhwali Language Literature , Jokes  ; Best of  Uttarakhand Wit in Garhwali Language Literature , Jokes  ; Best of  North Indian Spoof in Garhwali Language Literature ; Best of  Regional Language Lampoon in Garhwali Language  Literature , Jokes  ; Best of  Ridicule in Garhwali Language Literature , Jokes  ; Best of  Mockery in Garhwali Language Literature  , Jokes    ; Best of  Send-up in Garhwali Language Literature  ; Best of  Disdain in Garhwali Language Literature  , Jokes  ; Best of  Hilarity in Garhwali Language Literature , Jokes  ; Best of  Cheerfulness in Garhwali Language  Literature   ;  Best of Garhwali Humor in Garhwali Language Literature  from Pauri Garhwal , Jokes  ; Best of Himalayan Satire Literature in Garhwali Language from Rudraprayag Garhwal  ; Best of Uttarakhand Wit in Garhwali Language from Chamoli Garhwal  ; Best of North Indian Spoof in Garhwali Language from Tehri Garhwal  ; Best of Regional Language Lampoon in Garhwali Language from Uttarkashi Garhwal  ; Best of Ridicule in Garhwali Language from Bhabhar Garhwal   ;  Best of Mockery  in Garhwali Language from Lansdowne Garhwal  ; Best of Hilarity in Garhwali Language from Kotdwara Garhwal   ; Best of Cheerfulness in Garhwali Language from Haridwar    ;

Garhwali Vyangya, Jokes  ; Garhwali Hasya , Jokes ;  Garhwali skits , Jokes  ; Garhwali short Skits, Jokes , Garhwali Comedy Skits , Jokes , Humorous Skits in Garhwali , Jokes, Wit Garhwali Skits , Jokes 
गढ़वाली हास्य , व्यंग्य ; गढ़वाली हास्य , व्यंग्य ; गढ़वाली  हास्य , व्यंग्य,  गढ़वाली जोक्स , उत्तराखंडी जोक्स , गढ़वाली हास्य मुहावरे