उत्तराखंडी ई-पत्रिका की गतिविधियाँ ई-मेल पर

Enter your email address:

Delivered by FeedBurner

उत्तराखंडी ई-पत्रिका

उत्तराखंडी ई-पत्रिका

Monday, January 5, 2015

स्वीट पेट्रोल लेलो ! मीठा पेट्रोल लेलो ! ब्लैक में भी मिलेगा

Best  Harmless Garhwali Humor  , Satire, Wit, Sarcasm Garhwali Vyangya , Garhwali Hasya


                      स्वीट पेट्रोल लेलो ! मीठा पेट्रोल लेलो ! ब्लैक में भी मिलेगा 
                  
                       चबोड़्या , चखन्यौर्या, घपरोळया ::: भीष्म कुकरेती 

जब तलक तुम पेट्रोल बजार नि जैल्या तुम जाणि नि सकदा बल पेट्रोल प्रोड्यूसिंग देसुं की कथगा बुरी  हालात च।  मि ब्याळि  अपण दगड्या वास्ता बर्थ डे गिफ्ट खरीदणो पेट्रोल बजार जयुँ छौ। 
एक कुवैती शेख गाणा गैक ग्राहकुं तैं भट्याणु छौ, " पेट्रोल खरीद लो , पेट्रोल खरीद लो , स्वीट स्वीट पेट्रोल ले लो। "
मीन पूछ - क्या भाव चलणु च पेट्रोल ?
शेखौ जबाब छौ - उन त मि 53 डॉलर प्रति बैरल बिचणु छौं पर चूँकि आप बर्थ डे गिफ्टक वास्ता पेट्रोल खरीदणा छंवां तो आपकुण 51 डॉलर ह्वे जाल। 
मि पेट्रोल चखण इ वाळ छौ कि एक मनिख मि तैं खेंचिक अपण टेंटम  लीग्ये अर बुलण बिस्याई , " स्यु चोर च।  म्यार पेट्रोल ज्यादा मिठु च। ल्या लीबियन पेट्रोल चाखो ".। वैन मि तैं टीनो कप मा लीबियानी पेट्रोल चखणो दे। 
मीन पूछ ," पेट्रोल बड़ो सवादी च।  क्या भाव च ?"
" उन त पचास डॉॅलर प्रति बैरल च पर चूँकि अबि बि हम "फ्री फ्रॉम गद्दाफी " इयर मनाणा छंवां तो डिस्काउंट काटिक ह्वाइ 49 डॉलर। " वैक उत्तर छौ 
मि बजार भाव पता लगाणौ अग्वाड़ी बढ़ ग्यों। भीड़ वळि गळी मा नाइजीरियन , सऊदी अरब , कातर आदि का व्यापारी जोर जोर से चिल्लाणा छया , हमर पेट्रोल खरीदो , हमर पेट्रोल खरीदो , तैक पेट्रोल मा रस्सियन गंध च। 
 टॉम ब्यॉय हैट मा एक मनिख मि तैं खैंचिक अपण दुकानिम लीगे अर बुलण बिस्यायि ," 2015 कु ताजा पेट्रोल खरीदो। बिलकुल अबि बेन्जुएला बिटेन अयुं च। "
मीन पूछ ," सन 2014 पेट्रौला वास्ता कन राइ ?"
बेन्ज़ुएला वाळौ जबाब छौ ," हाँ ए साल मौसम ठीकि छौ।  पेट्रोल निकाळण मा पैल जन झंझट नि राइ। "
मीन बोल ," क्या भाव चलणु च पेट्रोलॉ भाव ?"
वैन ब्वाल ," कैमा नि बुलणो कसम खैल्या तो मि 45 डॉलर मा एक बैरल पेट्रोल दे देलु। "
"पर यी त ओपेक प्राइस से आठ रुपया कम भाव च ?" मीन पूछ 
बेन्ज़ुएला व्यापारिन ब्वाल ," म्यार चुसणा से ओपेक ! यि सब बेन्ज़ुएला से खार खांदन।  अरे हम तैं हर बेन्ज़ुएलाइ  नौनी तैं ब्यूटी क्वीन बणाणो बान पैसा नि चयेंदन ? हाँ त कथगा बैरल बांधि द्यूं ?"
मि अग्नै बढ़ ग्यों कि एक ब्यापारी मि तैं खैंचिक अपण ऑफिस लीग अर पेट्रोला फोटो दिखान्द बुलण बिस्याई ," देखो मैक्सिकन  बिगरैल पेट्रोल। बेन्ज़ुएला से द्वी डॉलर कम अर ट्रांस्पोर्टसन फ्री "
मीन ब्वाल ," दिख्यांण मा त बिगरैल च पर क्या गारंटी कि असली पेट्रोल बि इथगा इ सुंदर होलु ?"
मेक्सिको वाळन जबाब दे ," ये थॉमस तू बोल। "
थॉमसन उत्तर दे ," हाँ मि एक बैंक कु अधिकारी छौं।  एक पेट्रोल सुंदर ही हूंद। म्यार बैंकक  ये पर भौत उधार च तो हमी एक तेल बिचदाँ। आप स्विस बैंकक अनऑथोराइज्ड अकाउंट से बि पेट्रोल खरीद सकदा "
इथगा मा सूट -बूट मा एक ग्वारो मि तैं ठेलिक अपण दुकानिम लीगे ," तौं लैटिन अमेरिक्यूँ भकलौण मा नि आण।  सि फोटो मा दिखांद कुछ हौर छन अर डिलिवरी कुछ हौर की करदन। "
"आप ?" मीन पूछ 
"मि यूरोपियन यूनियन कु अधिकारी छौं।  तुमकुण  40 डॉलर प्रति बैरल। "
"35 रुप्या मा दीणाइ त एक बैरल भर दे। "
" 39 डॉलर। "
"35 डॉलर। "
"ठीक च 36 डॉलर मा लीजा। "
मीन ब्वाल ," हाँ 36 डॉलर से तौळ त पेट्रोल क्या जालु " 
एक आवाज आई ," अजी 36 डॉलर से तौळ बि मिल जालु " अर वु म्यार कंधा मा हाथ डाळिक अपण झुपड़ा मा लीग। 
वैन ब्वाल ," मि 32 डॉलर प्रति बैरल दीणो तयार छौं।  अर डॉलर दीणै बि जरूरत नी च। पेट्रोल का बदला खाणो समान जनकि ग्युँ -चौंळ भेजी देन बस। "
मीन पूछ , " आप कखक पेट्रोल व्यापारी छंवां ?"
वैक उत्तर छौ ," मि ईरानी व्यापारी छौं। "


2 /1 /15 ,  Bhishma Kukreti , Mumbai India 
   *लेख की   घटनाएँ ,  स्थान व नाम काल्पनिक हैं । लेख में  कथाएँ चरित्र , स्थान केवल व्यंग्य रचने  हेतु उपयोग किये गए हैं।

Best of Garhwali Humor in Garhwali Language ; Best of Himalayan Satire in Garhwali Language ; Best of  Uttarakhandi Wit in Garhwali Language ; Best of  North Indian Spoof in Garhwali Language ; Best of  Regional Language Lampoon in Garhwali Language ; Best of  Ridicule in Garhwali Language  ; Best of  Mockery in Garhwali Language  ; Best of  Send-up in Garhwali Language  ; Best of  Disdain in Garhwali Language ; Best of  Hilarity in Garhwali Language  ; Best of  Cheerfulness in Garhwali Language  ;  Best of Garhwali Humor in Garhwali Language from Pauri Garhwal  ; Best ofHimalayan Satire in Garhwali Language from Rudraprayag Garhwal  ; Best ofUttarakhandi Wit in Garhwali Language from Chamoli Garhwal  ; Best of North Indian Spoof in Garhwali Language from Tehri Garhwal  ; Best of Regional Language Lampoon in Garhwali Language from Uttarkashi Garhwal  ; Best of Ridicule in Garhwali Language from Bhabhar Garhwal  ; Best of Mockery  in Garhwali Language from Lansdowne Garhwal  ; Best of Hilarity in Garhwali Language from Kotdwara Garhwal  ;Best of Cheerfulness in Garhwali Language from Haridwar  ;
Garhwali Vyangya , Garhwali Hasya,