भैरों ! मुख्यमंत्री पद पर मीन बि दावा ठोकि याल !

चुनगेर ,चबोड़्या -चखन्यौर्या -भीष्म कुकरेती        

(s =आधी अ  = अ , क , का , की ,  आदि )

घरवळि - इ राम दा ! तुम से त वी ठीक छौ जु अबि बी दावा ठुकणु रौंद। 

मि - ह्याँ क्वा च वु जु ब्यावो चालीस  मकरैणी बरतणो बाद बि त्वै याद आणु च। 

नौनु -अरे पापा वो नही हैँ देहरादून में दावाठोकु अंकल जिन्होंने पार साल घंटा घर पर दावा ठोक  दिया था कि कत्यूरी युग में यह जमीन हमारी थी तो घंटाघर भी हमारा है। 

मि -वो जु हर साल कै ना कै बहाना से दावा ठोक द्यून्द।  परार वैन खुड़बुड़ा मुहल्ला  पर दावा ठ्वाक कि यीं जमीन तैं   मोरद दैं प्रद्युम्न शाहन म्यार पड़दादा तैं दे छौ। 

नौनु - हाँ वही दावाठोकु अंकल !

मि - तो क्या ?

नौनु - ममी के  साथ उन्ही दावाठोकु अंकल की शादी की बात चली थी। 

मि - फिर रुक किलै च ?

नौनु - बात चल ही रही थी कि दावाठोकु अंकल ने नाना जी के चौक पर दावा ठोक  दिया कि मुग़ल काल में यह जमीन उनके झड़दादा के पड़दादा के नाना के पास थी। 

घरवळि -हां पर बिचारु अपण अधिकारुं चिंताकार त छ। एक तुम छंवां कि अयूं अवसर तैं बि नि पछ्याँणना छंवां ! 

मि - अवसर ? क्या अयुं च ? 

घरवळि -सरा दुनिया तैं पता च कि विजय जिठा जीन मुख्यमंत्री कुर्सी छोड़ याल। 

मि - अरे इखम क्यांक अवसर ?

घरवळि -किलै तुम मुख्यमंत्री दावा नि ठोक सकदवां क्या ?

मि - मि ?

घरवळि -हां ! वु जरा सोनिया जिठाण मा अर राहुल भतीजो मा रैबार त भ्याजो कि तुम बि लैन मा छंवां। ,

मि - अरे मि  महाराष्ट्र मा रौंद अर म्यार गढ़वाल से क्वी लीण दीण बि नि रै गे त मि कनकै उत्तराखंड कु मुख्यमंत्री बौण सकुद ?

घरवळि -कनो नित्यानंद स्वामी त हरियाणा कु छया कि ना ?

मि - हां पण उंक पढ़ै लिखै सब देहरादून मा ह्वे अर वू पक्का देहरादुन्या छा। जब कि मि पुरो मुम्बईकर छौं। 

घरवळि -तो अपण भुवन चन्द्र खंडूड़ी ज्योर बि त पक्का नॉन उत्तराखंडी ह्वे गे छा फिर बि सांसद बणिन कि ना अर फिर मुख्यमंत्री बणिन कि ना ? 

मि - ऊंक बात अलग च वो आर्मी मा छा तो  ....... 

घरवळि -तो क्या ? जु पक्का नॉन उत्तराखंडी बणणो बाद बि  सांसद बणये जै  सकदन अर मुख्यमंत्री बणये जै सकदन तो तुम किलै ना ?

मि - ह्यां खंडूड़ी जी बड़ा खानदान से तालुकात रखदन।  श्रीनगर गढ़वाल राजाका मंत्री खानदान का अलावा टिहरी रियासत का बड़ा ठेकेदार घना नंद खंडूरी परिवार से तालुकात रखदन भुवन खंडूड़ी जी। 

घरवळि -त क्या ह्वाई जब ऊं  बिमुख प्रवासी तैं उत्तराखंड कु सांसद अर मुख्यमंत्री बणये जै सकदन तो तुम सरीखा प्रवासी बि मुख्यमंत्री बौण सकदन। 

मि - ह्यां पण इथगा सालुं से म्यार त गढ़वाल त छोड़ो देहरादून बि जाण नि ह्वे तो मि कनकै उत्तराखंड कु मुख्यमंत्री ह्वे सकुद ?

घरवळि -त विजय बहुगुणा जिठा जी गढ़वाल आंद जांद छा क्या जु वूं तैं टिहरी क्षेत्र से सांसद कु टिकेट मील ?

मि - वूंक बात अलग छे। 

घरवळि -क्या अलग छे ? जब वु इख मुंबई मा जज छा तो कै उत्तराखंडी तैं कबि मिलदा छा क्या ?

मि - अरे भै जज तैं हमेशा जाती -कुल -क्षेत्रवाद से दूर रौण पड़द।  

घरवळि -हाँ चलो वीं बात तैं मि मानी लींदु पण या बात सै च कि विजय बहुगुणा तैं गढ़वाल का बारा मा इथगा ही जानकारी छे जथगा हमर नौनु तैं।  फिर बि वूं जिठा जी तैं टिहरी क्षेत्र से सांसद कु टिकेट मील च कि ना ? फिर तुम मुख्यमंत्री किलै नि बौण सकदां ?

मि - ह्यां विजय भैजी हेमवती नंदन जीक नौनु छन तो पिता का नाम कु कुछ ना कुछ फायदा मिलण ही चयांद कि ना ?

घरवळि -हाँ जन जै तैं टिहरी की स्पेलिंग बि नि पता वै साकेत बहुगुणा तैं बि सांसद कु टिकेट मील च कि ना ? फिर तुमर त जनम , शिक्षा दीक्षा गढ़वाल मा ह्वे तो तुम बि सोनिया जिठाण अर राहुल भतीजो मा रैबार भ्याजो याने दावा ठोंक द्यावो कि तुम बि मुख्यमंत्री का रेस मा छंवां। 

मि - ओहो मुख्यमंत्री कु चुनाव विधायक करदन ना कि सोनिया गांधी या राहुल गांधी। 

घरवळि -सूणो तुम बि ना नेताओं तरां मि तैं बेवकूफ बणाणा छंवां कि मुख्यमंत्रीक चुनाव विधायक करदन। 

मि - क्या मतबल ?

घरवळि -मतबल या च कि यदि कॉंग्रेसी विधायक ही मुख्यमंत्री का चुनाव करदा तो विजय बहुगुणा जेठ जी या महाराष्ट्र मा पृथ्वी राज चौहाण  ये जनम तो छ्वाड़ो सात जनम मा बि मुख्यमंत्री नि बौण सकद छा। 

मि - बात त सै च।  पण ?

घरवळि -पण कुछ ना  तुम अब दिल्ली जावो अर कै बि तरां से राहुल गांधी का चमचों का चमचा बौण जावो 

मि - अरे एक दिन मा यु काम कनकै होलु ?

घरवळि -मि आजौ कुण थुका बुलणु छौं। 

मि - तो ?

घरवळि -अब जु बि कॉंग्रेसी उत्तराखंड कु मुख्यमंत्री बौणल वै तैं विधायकोंन चैन से त रौण नि दीण तो फिर साल भर मा मुख्यमंत्री पद खाली ह्वेइ जाल तो तुम फिर दौड़ मा शामिल ह्वै जैन। 

मि - पण अबि क्या करण ?
घरवळि - अबि दिल्ली का अखबारूं मा समाचार फैलावा कि राहुल गांधी का खसम ख़ास  भीष्म कुकरेती बि मुख्यमंत्री की दौड़ मा शामिल च।  

Copyright@ Bhishma Kukreti  1/2/2014 

[गढ़वाली हास्य -व्यंग्य, सौज सौज मा मजाक  से, हौंस,चबोड़,चखन्यौ, सौज सौज मा गंभीर चर्चा ,छ्वीं;- जसपुर निवासी  द्वारा  जाती असहिष्णुता सम्बंधी गढ़वाली हास्य व्यंग्य; ढांगू वालेद्वारा   पृथक वादी  मानसिकता सम्बन्धी गढ़वाली हास्य व्यंग्य;गंगासलाण  वाले द्वारा   भ्रष्टाचार, अनाचार, अत्याचार पर गढ़वाली हास्य व्यंग्य; लैंसडाउन तहसील वाले द्वारा   धर्म सम्बन्धी गढ़वाली हास्य व्यंग्य;पौड़ी गढ़वाल वाले द्वारा  वर्ग संघर्ष सम्बंधी गढ़वाली हास्य व्यंग्य; उत्तराखंडी  द्वारा  पर्यावरण संबंधी गढ़वाली हास्य व्यंग्य;मध्य हिमालयी लेखक द्वारा  विकास संबंधी गढ़वाली हास्य व्यंग्य;उत्तरभारतीय लेखक द्वारा  पलायन सम्बंधी गढ़वाली हास्य व्यंग्य; मुंबई प्रवासी लेखक द्वारा  सांस्कृतिक विषयों पर गढ़वाली हास्य व्यंग्य; महाराष्ट्रीय प्रवासी लेखकद्वारा  सरकारी प्रशासन संबंधी गढ़वाली हास्य व्यंग्य; भारतीय लेखक द्वारा  राजनीति विषयक गढ़वाली हास्य व्यंग्य; सांस्कृतिक मुल्य ह्रास पर व्यंग्य , गरीबी समस्या पर व्यंग्य, आम आदमी की परेशानी विषय के व्यंग्य, जातीय  भेदभाव विषयक गढ़वाली हास्य व्यंग्य; एशियाई लेखक द्वारा सामाजिक  बिडम्बनाओं, पर्यावरण विषयों   पर  गढ़वाली हास्य व्यंग्य, राजनीति में परिवार वाद -वंशवाद   पर गढ़वाली हास्य व्यंग्य; ग्रामीण सिंचाई   विषयक  गढ़वाली हास्य व्यंग्य, विज्ञान की अवहेलना संबंधी गढ़वाली हास्य व्यंग्य  ; ढोंगी धर्म निरपरेक्ष राजनेताओं पर आक्षेप , व्यंग्य , अन्धविश्वास  पर चोट करते गढ़वाली हास्य व्यंग्य    श्रृंखला जारी  ]