उत्तराखंडी ई-पत्रिका की गतिविधियाँ ई-मेल पर

Enter your email address:

Delivered by FeedBurner

उत्तराखंडी ई-पत्रिका

उत्तराखंडी ई-पत्रिका

Sunday, September 4, 2016

भलु मनिख बंणा - a Garhwali Story

(शिक्षक दिवस की हार्दिक शुभकामनाएं)
        Garhwali Story by Mahesha Nand
-
  (Collection and Critical Review of Garhwali Short stories series)  
     
          Collected and Presented by :  Bhishma Kukreti

जन्नि गुर्जि इसकुलुम् ऐनि तन्नि वूं कु सरेल फट्ट फटगर्ये ग्या।वूं कइसकूला ऐथर डाळा लगंया छा। उतरंया छ्वरौंन् सौब डाळा चड़ाचड़ि उपाड़ी फुंड चुलै द्येनि। गुर्जि भिंगरे ग्येनि। वून नौना बरंडा मा निड़ैनी अर वूं थैं पूछी-- "सकळि ब्वालाकैन कैरि यु उफर्याद ?"जु नौना एक-हैंकद्येखी पिलसेंदा छावून फकाफक नौ गिंणै द्येनि। किबलाटम गुर्जि थैं नौ सुंण्येनि-- कळ्याअमरुल्यळतुसुक्ड़ि,अंक्कु अर देबु। गुर्जि धंधे ग्येनि। यि सौब पंण्णम् फरजंट छा। गुर्जिन् यूं कु बोलि-- "तुम सौब अपड़ि-अपड़ि बौक्स फैल दिखा।"
यूं नौनौं कजिकुड़ा हिदरांणा छा। गुर्जि पंण्ण-ल्यखंणम् नि चटकांदा छा। पंण उतरयां नौनौ कु वु बुग्चा बंणै दींदा छा। वु हौर नौनौं थैं अढ़ांणा -- "ब्यट्टौं गणितविग्यानअंगरेजी तुम थैं बिंगंणम् नि आंणी चक्वी बात नी। अंमणि नि आ त भोळ आली। भोळ नि आ त परस्यौं आली। जै दिन तुम सयंणा ह्वे जैल्यावे दिन तुम सौब बींगि जैल्या। पंण बुरै जु सरेलम् यीं उमर मा भ्वरे जाली त व सगळि उमर भर सप्पा नि छिछौण्य(नष्ट) ।"
उतरंया नौनौ बौक्स फैलू ल्ये कि ऐनि। गुर्जिन कळ्ये बौक्स फैल द्येखी बोलि-- "टक्क लगैकि सूंणा रै ! कळ्यौ अपड़ि बौक्स फैलम् ल्यख्यूं च कि येन डीएम बंण। अमरू ल्यख्यूं च--- इंजिनेरल्यळतु टीचर अर अंक्कु ठ्यकादार। सुक्ड़ु बंण चांSद डौगडरदेबू नेता। ब्वाला रै नौनौं क्य यि डौगटरइंजिनेरनेता य डीएम बंणि सकदन ?"
सौब नौनौन् हां बोलि। किलैकि वु जंणदा छा कि गुर्जीकि डिक्सनरी मा ना सब्द त छैंयी नी च। पंण गुर्जिन अंमणि चबट्ट कै ना बोलि द्या। सौब नौना झम्म झिंवरे ग्येनि। 
गुर्जिन नौनौ थै अढ़ै-- "जु फरजंट(होशियार) नौना हुंदन वु ब्वलदन बल वून बड़ु ह्वेकि डौगडरइंजिनेर बंण। मि त ब्वल्दु ब्यट्टौं पैलि मनिख बंणि जा। जु भलु मनिख ह्वलु वी भलु डौगडरभलु इंजिनेर अर भलु डीएम ह्वे सक्द।"
गुर्जिन् उपड़्यां डाळा फेर रोपि द्येनि।
Copyright @ Mahesha Nand
Garhwali Fiction  ; Garhwali , Uttarakhandi short story  ; Garhwali, Himalayan short story  ; Garhwali, North Indian  short story  ; Garhwali, Indian short story   ; Garhwali, South Asian short story   ; Garhwali, Asian short story
गढवाली कथाएं , गढवाल  से  कथाएं , आधुनिक गढ़वाली  कहानियां , हिमालयी  कहानियां, उत्तर भारतीय  कहानियां ; एशियाई   कहानियां