वरिष्ठ नागरिक सर्टिफिकेट हेतु प्रार्थना पत्र

Best  Harmless Garhwali Literature Humor , Jokes ;  Garhwali Literature Comedy Skits  , Jokes ; Garhwali Literature  Satire , Jokes ;  Garhwali Wit Literature  , Jokes;  Garhwali Sarcasm Literature , Jokes ;  Garhwali Skits Literature  , Jokes;  Garhwali Vyangya   , Jokes;  Garhwali Hasya , Jokes; गढ़वाली हास्य , व्यंग्य,  गढ़वाली जोक्स

                          वरिष्ठ नागरिक सर्टिफिकेट हेतु प्रार्थना पत्र 

 -                   

                        चबोड़ , चखन्यौ , चचराट   :::   भीष्म कुकरेती    

-

जब बिटेन मि इकसठ सालौ हूँ , ब्वे  पैथर पड़ गे छे कि वरिष्ठ नागरिको साटिफिकट   लया अर मांक  समर्थन मा बच्चों की मौम बि रोज दनकांदि छै बल अब मि तैं सीनियर सिटीजन सर्टिफिकेट की अर्जेंट जरूरत। च  कुछ दिन त गयेळि  कार पर बिल्डिंग का  वरिष्ठ सदस्यों से नि सयाणु छौ कि मि आम नागरिक की सूची मा रौं।  तो अन्य वरिष्ठ नागरिकों का भारी दबाब पड़न से मी बि वरिष्ठ नागरिक का सर्टिफिकेट लाणो बान  प्रार्थना पत्र लौं।  मीन फॉर्म इन भार। 

नाम - मि शेक्सपियर भक्त छौं।  शेक्स्पियरौ बुलण छौ नाम मा क्या धर्युं च । 

 पता - आजकल पता च चोर उचक्का वरिष्ठ नागरिकों पैथर पड्यां छन तो मि पता बताणम असमर्थ छौं। 

लिंग - कनो इख हैंक ब्यौ कराणै बि इंतजाम च ? फिर मि सरकारी या गैर सरकारी संस्थानों , संस्था अर समाज मा लिंग भेदौ विरुद्ध छौं। 

कै पद का खातिर प्रार्थना पत्र च - लाल कृष्ण अडवाणी या मुरलीमनोहर जोशी जन क्वी पद।  कृपया संज्ञान लें - भगत सिंह कोशियारी जन पद नि चयेणु च। 

शिक्षा - साठ साल से अधिक गरीबी हटावो , अच्छी शिक्षा लावो , अच्छे दिन लाणो  संघंर्षमय  अनुभव। मेरी पुस्तक 'अच्छे दिन कब आएंगे ? ' संलग्न च। 

आखरी पद - बताणम शरम आंद। 

तनखा इच्छा - अब इच्छा त छवाड़ो  सुपिन दिखण बि बंद ह्वे गेन। 

अंतिम कार्य छुड़णो कारण - घुण्ड , मुंड , आंत , दांत , उत्साह , द्वारा असहयोग। 

उपलब्ध  समय - निंद पर निर्भर करद।  जैदिन निंद ऐ जावो तो बीस घंटा उपलब्ध छन निथर चौबीस घंटा उपलब्ध छन। 

ख़ास कौशल कुशलता - अपण जंग्या मि अबि बि अफिक पैर सकदु। बाइफोकल चश्मा से साफ़ देख सकुद; नकली दंतुंन अच्छी तरां से खाणक खै सकुद ; अपण बीस किसमों  दवै टैम पर खै सकुद ; आज बि कैक काम पर नुक्श निकाळ सकुद  निकाळणु रौंद ; टीवी सीरियलूं जन कौन बनेगा करोड़पति का सब जबाब प्रतियोगियूं  से पैल दे सकुद। 

विशेष  रूचि - पीठ पैथर परनिंदा। 

मौज मस्ती का मुख्य साधन - एक हैंकाकी छ्वीं इना ऊना लगाण।
पसंदीदा खेल - मुर्गा खेल की जगा द्वी दोस्तुं लड़ै पसंद च। 

कैं जगा रिशेटल हूण पसंद करिल्या - पसंद तो न्यूआर्क च पर सरकारी मदद मीललि  त  देहरादून बि बुरु नी च। 

स्वास्थ्य कन च - मेडिकल बिल दिखौं या लड़कों की पर्सनल डायरी दिखौं ?

जीवन मा क्वी विशेष उपलब्धि - यीं पंक्ति पढ़न मा दिक्क्त आणि च। 

रिटायरमेंट का उद्येस्य - पता लगदि बतै द्योलु। 

कै अपराध मा बि पकड़े गे छ ? मजाक नि कारो।  म्यार एकी अपराच च कि मि बुडे ग्यों। 

क्वी ख़ास बात जु बताण चैल्या - म्यार लड़िकौंक सख्त हिदैत च कि यदि मीन घर परिवार की बात भैर बताइ तो रातक दारु ,  लिकर बंद। 

कसम खाओ कि  मथ्याकि सब सूचना सै छन - अब यीं उमर मा झूठ बोलिक क्या पाण ? अर उनि बि लाखों झूट बोलिक बि क्या पाई ? 

  8 /9  /15 ,Copyright@ Bhishma Kukreti , Mumbai India 

*लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल व्यंग्य रचने  हेतु उपयोग किये गए हैं।

 Best of Garhwali Humor Literature in Garhwali Language , Jokes  ; Best of Himalayan Satire in Garhwali Language Literature , Jokes  ; Best of  Uttarakhand Wit in Garhwali Language Literature , Jokes  ; Best of  North Indian Spoof in Garhwali LanguageLiterature ; Best of  Regional Language Lampoon in Garhwali Language  Literature , Jokes  ; Best of  Ridicule in Garhwali Language Literature , Jokes  ; Best of  Mockery in Garhwali Language Literature  , Jokes    ; Best of  Send-up in Garhwali LanguageLiterature  ; Best of  Disdain in Garhwali Language Literature  , Jokes  ; Best of  Hilarity in Garhwali Language Literature , Jokes  ; Best of  Cheerfulness in Garhwali Language Literature   ;  Best of Garhwali Humor in Garhwali Language Literature  from Pauri Garhwal , Jokes  ; Best of Himalayan Satire Literature in Garhwali Language from Rudraprayag Garhwal  ; Best of Uttarakhand Wit in Garhwali Language from Chamoli Garhwal  ; Best of North Indian Spoof in Garhwali Language from Tehri Garhwal  ; Best of Regional Language Lampoon in Garhwali Language from Uttarkashi Garhwal  ; Best of Ridicule in Garhwali Language from Bhabhar Garhwal   ;  Best of Mockery  in Garhwali Language from Lansdowne Garhwal  ; Best of Hilarity in Garhwali Language from Kotdwara Garhwal  ; Best of Cheerfulness in Garhwali Language from Haridwar    ;

Garhwali Vyangya, Jokes  ; Garhwali Hasya , Jokes ;  Garhwali skits , Jokes  ; Garhwali short Skits, Jokes , Garhwali Comedy Skits , Jokes , Humorous Skits in Garhwali , Jokes, Wit Garhwali Skits , Jokes 
गढ़वाली हास्य , व्यंग्य ; गढ़वाली हास्य, जोक्स  , व्यंग्य ; गढ़वाली हास्य , जोक्स , व्यंग्य,  गढ़वाली जोक्स , उत्तराखंडी जोक्स , गढ़वाली हास्य मुहावरे ,