मच्छरुं जीमण , प्रीतिभोज , बैंक्वैट

Best  Harmless Garhwali Literature Humor , Jokes ;  Garhwali Literature Comedy Skits  , Jokes ; Garhwali Literature  Satire , Jokes ;  Garhwali Wit Literature  , Jokes;  Garhwali Sarcasm Literature , Jokes ;  Garhwali Skits Literature  , Jokes;  Garhwali Vyangya   , Jokes;  Garhwali Hasya , Jokes; मच्छर पर गढ़वाली  हास्य , मच्छर पर व्यंग्य,  मच्छर , गढ़वाली जोक्स

                         मच्छरुं जीमण , प्रीतिभोज , बैंक्वैट 

 -                   

                        चबोड़ , चखन्यौ , चचराट   :::   भीष्म कुकरेती    

-

              अचकाल म्यार घरम क्या मुंबई मा सब्युं घौरम मच्छर घूं घूं करिक घुमणा रौंदन अर एक दुसर तै घूं घूं करिक धै लगाणा रौंदन बल - भैरों फौड़म  जीमण तयार च पूरी तयारी कारो अर मनिखौ ल्वै से तर बतर ह्वे जावो। मच्छर हमर शरीर का पास इनि आंदन जन अठ्वाड़म लोग बुगठ्या , ढिबर मारणो खुंकरि , बसूला , फरसा , चक्कू -छुर्रा लेक आंदन, कुछ खूनै केक बणाणो तजबिजु करणो आंदन अर हौर लोग शिकार खाणो थाळी -लुट्या ल्हेक आंदन।  मच्छर बि अपण जीमण मा पूरो तजबिज करिक आंदन।
 

                   इन बुल्दन बल मनिखों मा 20 % लोग प्रोटीन चुस्वा मच्छरुं तै आकर्षित करदन।  मी बि मच्छरुं तै आकर्षित करणो खून भरी थाळी छौं।  जरा म्यार क्वी अंग ढिकाण से भैर आवो ना कि मच्छर भयात सहित म्यार शरीर रूपी फोड़म काँटा -छुर्री लेक ऐ जांदन। वैज्ञानिक बुल्दन बल इन मनिखौं खून O टाइप हूंद अर मच्छर O टाइप तै पसंद करदन।  

             कुछ वैज्ञानिक बुल्दन बल चूँकि मनिख कार्बन डाइ ऐक्साइड छुड़द , या पसीना मा लैक्टिक एसिड रौंद या पसीना की गंध ही मच्छरुं तै आकर्षित करद।  यु मच्छरुं आकर्षण वास्तव लैंड बिल ह्वे गे जैपर वैज्ञानिकों मा एका नी हूणु च। 

  कुछ बुल्दन बल शरीर पर ल्यासण घूसो या ओडोमस घूसो तो मच्छर आस पास नि आंद।  मीन ल्यासण बि घूस अर ओडोमस बि घूस अर मच्छर आण त बंद नि ह्वेन पर मेरी घरवळिन म्यार बैडरूम मा सीणी ना घुसण इ बंद कर दे।  

  अज्काल एक मॉस्क्विटो बैट मिल्द।  मीन बि मॉस्क्विटो भगाणो बान सचिन तेंडुलकरौ वीडिओ टेप से बैटिंग सीख।  किन्तु मच्छर समाज युद्ध का नियम पूरी तरह से अपनांदु , बैट से एक मारो तो दस मच्छर रिजर्व मा रौंदन।  अर फिर बैटिंग दिन मा या सीण से पैल तो करे सक्यांद पर सुपिन मा करीं एंटी मॉस्क्विटो बैटिंग से मच्छर थुड़ा धराशाही हूंदन।  

    उन कुछ केमिकल छन जु मच्छरुं तै बिलकुल न्याड़ -ध्वार नि आण दींदन।  किन्तु यूँ केमिकल का छिड़काव का बाद मनिख बि वीं जगा आस पास द्वी दिन तक खड़ु बि नि रै सकदु। 

  मच्छर अर माख इन कौम छन तुम कुछ बि करो , यी आपक आस पास आइ जांदन। मीन कथगा हौर मॉस्क्विटो रिपेलेंट अपणैंन पर मच्छर हम से अधिक वैज्ञानिक छन ऊंकी दुसरी साखी (जनरेसन ) ये रपेलैंट का रेिजसटेंट वळि साखी ह्वे जांदी।  मच्छर सौ फ़ीट की दूरी से अपण फौड़ (मनिखौ शरीर ) की गंध सूंघ लींदु , पछ्याण जांद कि  फौड़ कख च , कन च तो इनमा मच्छरों से कख तक बचलु मि या आप ? 

         जीमण पाणै उम्मीद मा मच्छर नरेंद्र नेगी की भौण मा लोक गीत , गजेन्द्र राणा की ढौळ मा छुरकी  बांद का गीत , हिमेश रेशमिया की भौण मा जाज -फाज गीत गाण लग जांदन।   मनिख तै मच्छरुं यी संगीत इनि बुरु लगद जन असली , ईमानदार भारतीय महात्मों तै जैक्सन का चिंघाड़ो गीत बुरा लगदन। मि आशाराम बापू ,  बाबा रामपाल , माँ राधा की बात नि करणु छौं जौं तै जैक्सन का गीत ही जादा पसंद छन।  

              फिर हम मनुष्य  खासकर हिन्दुस्तानी बड़ा दयावान छंवां।  हमर गमला मा मनी प्लांट या क्वी बि छुट मुट फूल ह्वावो अर वै फूल तै चार चमच पाणी जरूरत ह्वावो तो हम वै गमला मा एक तामौ लुट्या पाणी अखणै दींदा अर मच्छरुं पौध लगाणो सुंदर व्यवस्थित व्यवस्था करदवां।  हम कीट प्रेमी छंवां अर अपण आस पास कीड़ -मक्वड़ अर मच्छर पालन केंद्र खुलणो बान जगा जगा पाणी जमा करणो भरपूर इंतजाम करदवां।  इनि हम बड़ा बड़ा डाळ कटण तै पाप नि समझदां पर घर का आस पास कचरा , खर पतवारुं  पौधा जमाण तै पुण्य  समजदवां।  मच्छरुं तै और चयेंद इन खर पतवारुं मध्य मा मच्छरुं तै आराम करणो भरपूर मौका मिल जांद।  उन भारत का हरेक प्रधान मंत्री हर पंदरा अगस्तौ दिन घोषणा करदन कि हम मच्छरों को भगाने के लिए कड़े कदम उठा रहे हैं।  पर मच्छर सरकारी कदमों से हमेशा द्वी कदम अगनै रौंदन।  सरकारी कदम कड़ा (कडकड़ो )  हूणो कारण उथगा तेजी से नि दौड़ सकदन जथगा तेजी से मच्छरुं कदम दौड़ लगांदन। कदमुं दौड़ मा हमेशा मच्छर ही जीतदन।  बिचारा सरकारी कदम ! 

            हाँ एक बढ़िया बात च  कि हम तै केवल जननी मच्छरी ही काटदी।  किलैकि जननी मच्छरी तै अपण अण्डों बान मनुष्यो प्रोटीन जि चयेंद। अब जनानी मच्छर काटो तो कुछ तो सुखलाभ हूंदी च।   इलै इ भारत मा फेमिनिस्ट ऐक्टिविस्ट मच्छर भगाओ आंदोलन तै स्पोर्ट नि करदन।  वीमेन राइट एक्टिविस्ट्स , फेमिनिस्ट ऐक्टिविस्ट का हिसाब से मच्छर भगाओ का मतलब हूंद नारी जाती तै भगावो। तो हम बि जनानी मच्छरुं तै नि भगौन्दा। 

  बस एक हथियार हम हर समय प्रयोग करदां अर वु हथियार छन  हमर नंग।  जब बि मच्छर काटदन तो हम बार अपण शरीर तै कन्याणा रौंदा।   

 यद्यपि हिंदी फिलम वाळ बुल्दा बि छन कि एक मच्छर मनुष्य को हिजड़ा बना देता है पर हम हिंदी फिलम क्वी उपदेश लीणो बान थुका  दिखदाँ।  इनि जि हूंद तो भारत से भ्रष्टाचार कब का खतम नि ह्वे जांद ? 

  2 /9  /15 ,Copyright@ Bhishma Kukreti , Mumbai India 

*लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल व्यंग्य रचने  हेतु उपयोग किये गए हैं।

 Best of Garhwali Humor Literature in Garhwali Language , Jokes  ; Best of Himalayan Satire in Garhwali Language Literature , Jokes  ; Best of  Uttarakhand Wit in Garhwali Language Literature , Jokes  ; Best of  North Indian Spoof in Garhwali LanguageLiterature ; Best of  Regional Language Lampoon in Garhwali Language  Literature , Jokes  ; Best of  Ridicule in Garhwali Language Literature , Jokes  ; Best of  Mockery in Garhwali Language Literature  , Jokes    ; Best of  Send-up in Garhwali LanguageLiterature  ; Best of  Disdain in Garhwali Language Literature  , Jokes  ; Best of  Hilarity in Garhwali Language Literature , Jokes  ; Best of  Cheerfulness in Garhwali Language Literature   ;  Best of Garhwali Humor in Garhwali Language Literature  from Pauri Garhwal , Jokes  ; Best of Himalayan Satire Literature in Garhwali Language from Rudraprayag Garhwal  ; Best of Uttarakhand Wit in Garhwali Language from Chamoli Garhwal  ; Best of North Indian Spoof in Garhwali Language from Tehri Garhwal  ; Best of Regional Language Lampoon in Garhwali Language from Uttarkashi Garhwal  ; Best of Ridicule in Garhwali Language from Bhabhar Garhwal   ;  Best of Mockery  in Garhwali Language from Lansdowne Garhwal  ; Best of Hilarity in Garhwali Language from Kotdwara Garhwal  ; Best of Cheerfulness in Garhwali Language from Haridwar    ;

Garhwali Vyangya, Jokes  ; Garhwali Hasya , Jokes ;  Garhwali skits , Jokes  ; Garhwali short Skits, Jokes , Garhwali Comedy Skits , Jokes , Humorous Skits in Garhwali , Jokes, Wit Garhwali Skits , Jokes 
गढ़वाली हास्य , व्यंग्य ; गढ़वाली हास्य , व्यंग्य ; गढ़वाली हास्य , व्यंग्य,  गढ़वाली जोक्स , उत्तराखंडी जोक्स , गढ़वाली हास्य मुहावरे