टमाटर मंहगा हूणो पैथर भौत बड़ी साजिश

घपरोळया , हंसोड्या , चुनगेर ,चबोड़्या -चखन्यौर्या -भीष्म कुकरेती      
                     
(s =आधी अ  = अ , क , का , की ,  आदि )

                                              

            पैल मैंगु प्याज नेताओं तैं बगैर उनका सगा संबंधी मर्यां बि रुलांद छौ।  फिर अलु की बढ़ीं कीमतुंन भाजपा सॉरी नरेंद्र मोदीक सरा घमंड चूर चूर कार अर अब  मंहगा टमाटर,  भाजपा सॉरी !  व्हेरी सॉरी नरेंद्र मोदीक स्वास्थ्य खराब करणि च।  डाक़्टरूं न रिपोर्ट भेजी कि मंहगा टमाटर खाण से भाजपायुं तैं दस्त लगिन जांसे भाजपा कार्यकर्ता काम नि कर सकिन अर भारतीय जनता पार्टी उत्तराखंड का स्थानीय निकायुं चुनाव ही ना उप चुनाव बि हार। यद्यपि मुख धुवाइ वास्ता भाजपा का प्रवक्ता उत्तराखंड मा अंदरुनी कलह तैं अपण हार का कारण बताणा छन किन्तु अंदर की असली स्टिंगयुक्त खबर च कि टमाटर मंहगा हूण से शराब्यूं तैं चखणा मैंगु पड़णु थौ तो ऊंन भाजपा हरवै दे। 

उत्तराखंड चुनावुं शर्मनाक हार से बल नरेंद्र मोदी तक विचलित ह्वे गेन त अफिक अमित शाह बि बेहोश ह्वेन तो देखादेखी राजनाथ सिंग की बि नींद हर्ची गे। 

गृह मंत्रीन सबि जासूसी विभागुं तैं टमाटर मैंगा हूणों कारण खुज्याणो आदेश दे। 

इना गृह मंत्री राजनाथ सिंगन टमाटर मैंगा हूणों आदेश दे अर उना  केवल तीन  मिनट मा कुछ  खुजनेरी संस्थाऊं टाइप्ड रिपोर्ट गृह मन्त्रीक टेबल मा पौंछि  गे। असल मा मध्य प्रदेश , राजस्थान , दिल्ली की हार का कारणु विवेचना का बाद राहुल गांधी तैं पता चौल कि कॉंग्रेस प्याज , अलु अर टमाटर मंहगा हूण से हार तो राहुल गांधीन सीधा तत्कालीन गृह मंत्री तैं आदेश दे छौ कि टमाटर मंहगा किलै हूणा छन की छानबीन कारो।  मार्च 2014 कुण विभिन्न खोजी संस्थाओं रिपोर्ट ऐ गे छे कि टमाटर मंहगा किलै ह्वेन।  चूँकि तब तलक राहुल गांधी चुनावी मूड मा ऐ गे छा तो राहुल गांधी यूं रिपोर्टुं तैं नि पौढ़ साक। 

अब जब राजनाथ सिंगन टमाटर मंहगा किलै हूणा छन का बाबत रिपोर्ट मांग तो फटाफट सबि संस्थाउंन राहुल गांधी का वास्ता बणयीं रिपोर्ट राजनाथ सिंग तैं पेश करि दे। 

एक इन्नर रिसर्च का अनुसार , गरीब लोग प्याज की मंहगाई से परेशान ह्वेक  टमाटर की चटनी का साथ खाण लगि गेन तो प्याज तैं बुरु लग अर प्याजन एक साजिस रची अर टमाटर मंहगा ह्वे गेन। 

प्याज का साथ लूण बि छौ।  लूण टमाटर से चिरड़ेक बैठ्युं छौ।  देसी दारुक अड्डों पर पैल दरोड्या चखणा मा  द्वी चार गारी लूण बुकांद छा किंतु टमाटर सस्ता हूण से अब दरोड्या टमाटर बि खाण मिसे गे छा तो नमक कु एकाधिकार पर ठेस पौंछ अर नमकन प्याज का साथ साजिस कार कि टमाटर मैंगा ह्वे जैन।  लूण चांदु कि गरीब लोग केवल लूण मा रुट्टी खैन अर देसी दारु का साथ लूण का हि चखणा  खाणा रैन। 

एक खोज से पता चौल कि सेव अर अन्य फल बि टमाटर से बदला लीणो आतुर छया।  फलुं कीमत आसमान पौंछण से टमाटर ही इन फल छौ जु आम लोगुं विटामिन्स , मिनरल आदि की पूर्ति करण मा सक्षम छौ तो आम आदिम फलुं जगा टमाटर पर निर्भर हूण लगि गेन अर आम आदिम फलुं तैं पुछण ही भूलि गे तो सबि देसी -विदेशी फलुंन कालाबजारियुं दगड़ मीलिक इन साजिस कार कि टमाटर सेव , अनार , अन्नास से बि मैंगा ह्वे गेन।  यद्यपि फलुं तैं टमाटर मैंगा हूण से कुछ फायदा नि ह्वे किलैकि आम आदिम उन बि मंहगा फल खाण लैक नी च किन्तु फल खुस छन कि मी बि कोढ़ी त स्यु बि कोढ़ी ! मतलब फल खुस छन अब लोग विटामिन्स आदि का वास्ता टमाटर नि खाणा छन। 

खोजी रिपोर्ट मा सरकार तैं सलाह छे कि फलुं पर नजर रखे जाव यूंक बदौलत हौर बि सब्ज्यूं दाम बढ़ सकदन। 

एक ख़ास विभाग की रिपोर्ट छे कि चूँकि पाकिस्तान की समज मा ऐ गे कि आतंकवादी गतिविधियुं से भारत का नुकसान नि ह्वे सकद तो अब पाकिस्तान भारत मा मंहगाई बढ़ाणो बान साजिस रचणु च।  

एक रिपोर्टन चुनावुं तैं टमाटर मंहगा हूणों कारण बताई अर सलाह दे कि भारत मा चुनाव ही नि ह्वावन तो टमाटर का दाम इ नि बढ़ल। 

खैर अबि राजनाथ सिंग एक द्वी हौर रिपोर्टुं जग्वाळ मा छन।  तब तक टमाटर का दाम इनि बढ़ना राला। 

Copyright@  Bhishma Kukreti  31  /7 2014       
*लेख में  घटनाएँ , स्थान व नाम काल्पनिक हैं । 

Garhwali Humor in Garhwali Language about Tomato Price Rise, Himalayan Satire in Garhwali Language about Tomato Price Rise , Uttarakhandi Wit in Garhwali Language about Tomato Price Rise, North Indian Spoof in Garhwali Language about Tomato Price Rise, Regional Language Lampoon in Garhwali Language about Tomato Price Rise, Ridicule in Garhwali Language about Tomato Price Rise  , Mockery in Garhwali Language about Tomato Price Rise, Send-up in Garhwali Language about Tomato Price Rise, Disdain in Garhwali Language about Tomato Price Rise, Hilarity in Garhwali Language about Tomato Price Rise, Cheerfulness in Garhwali Language; Garhwali Humor about Tomato Price Rise in Garhwali Language from Pauri Garhwal; Himalayan Satire about Tomato Price Rise in Garhwali Language from Rudraprayag Garhwal; Uttarakhandi Wit about Tomato Price Rise in Garhwali Language from Chamoli Garhwal; North Indian Spoof about Tomato Price Rise in Garhwali Language from Tehri Garhwal; , Regional Language Lampoon about Tomato Price Rise in Garhwali Language from Uttarkashi Garhwal; Ridicule about Tomato Price Rise in Garhwali Language from Bhabhar Garhwal; Mockery about Tomato Price Rise  in Garhwali Language from Lansdowne Garhwal; Hilarity about Tomato Price Rise in Garhwali Language from Kotdwara Garhwal; Cheerfulness about Tomato Price Rise in Garhwali Language from Haridwar;