चला गोरखपुर चला , बड़ी जीमण (महाभोज ) खाणो चला !

(Best  of  Garhwali  Humor , Wits Jokes , गढ़वाली हास्य , व्यंग्य )
-
  चबोड़ , चखन्यौ , ककड़ाट  :::   भीष्म कुकरेती    

कबूतर - खुस खबर ! खुस खबर ! ब्रेकिंग न्यूज - गोरखपुर मा पांच दिन मा 60 बच्चा अस्पताल मा मोरी गेन। खुस खबर ... सबसे पैल मीन हौर कबूतरों से पैल खबर दे हाँ।  मि नंबर वन खबरची छौं।  खुस खबर  ... ब्रेकिंग न्यूज  ...

 घिंडुड़ी - ये नरबै खबरची ! तू त इन खुस ह्वेक खबर दीणि छे कि जन बुल्यां राहुल गाँधी मोदी सरकार मा शामिल ह्वे गे हो। 

कबूतर - अरे मानव संसार मा टीवी चैनल तै टीआरपी बढाण जब मुख्य उद्देश्य ह्वे जावो तो हम कबूतर किलै पैथर रौंवां भै ? खुस खबर ! गोरखपुर मा 60  बच्चों की मौत  ... खुस खबर  ... 

चौंर्या स्याळ  (शेर जन दहाड़ ) - अछेकि खुस खबर , सच्चेकि खुस खबर ! बुरी खबर शेर सिंगौ कुण।  आज तीन साल मा पैलि बार हम स्याळ , कुरस्यळी  , छिपड़ुं कुण अच्छे दिन ऐन कि हम शेर सिंग तै नंगा करला।अछेकि खुस खबर !  सच्चेकि खुस खबर !   शेर सिंग ! अब देख तेरी कन धज्जी उड़ौंदा धौं।  अब  हम 'लाशों मा खड़ ह्वेका रॉक ऐंड रॉकल डांस करला '  हहा ! हहा ! ब्वा !
कुरस्यळी - पर सात साल पैल तो म्यार राज छौ अर तब ही   ... 

छिपड़ु - हाँ चार मैना पैल तक मी त    ... 

पद्या स्याळ - हे मूर्ख मनुष्यों च्याला ! भूली जावो कि बच्चों की मृत्यु की नींव तुमर बगत धरे गे छे।  अबारी तो शेर सिंग को भतिया भंद करणो माकूल समय आयुं च।  चला गोरखपुर , चला उख बड़ी जीमण खैक आंदा। 

घिंडुड़ी - अरे थ्वरदन्यो ! उख 60 बच्चों की मौत हुयीं च अर तुम तैं महाभोज खाणै पड़ीं च ?

कव्वा - अरे जब द्वी  साल पैल जब बंगाल मा इनि बच्चों मौत ह्वे छे तो सिद्धार्थ सिंग जु आज उत्तर प्रदेशौ स्वास्थ्य मंत्री च वैन ममता बनर्जी को इस्तीफा नि मांगी छौ ? बंगाल मा शेर सिंग वळुंन महाभोज की खुसी नि मनै छे ? बच्चों का लाशों मथि डौंड्या नर्सिंग, कैंतुरा  नाच  अर पिशाच नाच नि नाची छा इ शेर सिंग वळ ?

चौंर्या स्याळ - या घिंडुड़ी आत्मा आवाज सुणदी हम जघन्य मानव भक्षी जानवरों तै ईंक बात कत्तै नि सुणण।  चला गोरखपुर चला।  उख 60 बच्चों की मौत का जश्न , त्यौहार, कौथिग  मनाये जाय।  लाशों का मथि पंडों नाचे जाय। भौत सालों बाद सुख का दिन आयो रे भायो।  

छिपड़ु - उख करण क्या च ?

नागनाथ - अरे  जब सांपनाथ  विरोध मा छा तो इन कारुणिक मौत पर जन सांपनाथ  हमर सरकारौ विरोध मा लाशों मथि कुत्सित , घृणित अर निर्दयी खेल खिल्दा छा तनि हम बि खिलला।
छिपड़ु - हाँ पर क्या करण गोरखपुर जैक ?

पद्या स्याळ - उनि जनि  विरोध मा रैक शेर सिंग वळ करदा छा।  दुनिया भर का कबूतरों तै भट्येक प्रत्येक बच्चा की लाश का ऊपर खुट धरिक फोटो खैंचाण अर दुन्या तै दिखाण कि हम बच्चों की मौत से संतप्त छंवां , अति दुखी छंवां, , असह्य वेदना मा छंवां।   यद्यपि  असल मा भितर से बड़ा खुस हूणा रौला। 

कव्वा - औ फोटो टूर जन राहुल गाँधी अबि गुजरात मा बाढ़ पीड़ितों बान फोटो टूर करिक आयी। 

पद्या स्याळ - अर कबूतरों का समिण भोगी , शेर सिंग अर अमेरिकी राष्ट्रपति ट्रम्प का इस्तीफा की मांग  करला। 

नागनाथ - तो सांप लोग बि त इन मौतों पर फोटो टूर करिक मृत्यु नाच, डेथ डांस करदा छा, हम तै सांपनाथ बेनकाब करदा छा अर हम शर्मसार हूंद छा , हम मजबूरी मा गुवक घूँट पींदा छा।  अब हम बदला ल्योला। शेर सिंग वळ विरोध मा रैक इन दर्दनाक हादसा पर जन हमर कुहाल करदा छा, हम तै बेपर्दा करदा छा , फोकट का भगार लगांदा छा उनी अब हम शेर सिंग वळुुं तै डंसला। 

छिपड़ु - घुंड फुड़णो बदला मुंड फुड़ण से। 

कुरस्यळी -गायों की मौत  मातम का बदला बच्चों की मौत मातम से ! 

कव्वा -एक आँख फोड़ने का बदला दो आँख फोड़ने से ! 

नागनाथ - दूसरों के अंडे खाने का बदला अपने ही अंडे खाने से ! 

घिंडुड़ी - अरे स्वास्थ सेवा की बहस शुरू हूण चयेंद छे अर तुम ... 

सब - बंद कौर आत्मा की आवाज वळि बकबास ! गोरखपुर चलें और बच्चों की मौत का तमसगीर बन राजनीति का हलवा,  पूरी , कलाकंद खाया जाय !

 -

Copyright@ Bhishma Kukreti , Mumbai India ,13   /8 / 2017

*लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल हौंस , हौंसारथ , खिकताट , व्यंग्य रचने  हेतु उपयोग किये गए हैं।
-
 Best of Garhwali Humor Literature in Garhwali Language , Jokes  ; Best of Himalayan Satire in Garhwali Language Literature , Jokes  ; Best of  Uttarakhand Wit in Garhwali Language Literature , Jokes  ; Best of  North Indian Spoof in Garhwali Language Literature ; Best of  Regional Language Lampoon in Garhwali Language  Literature , Jokes  ; Best of  Ridicule in Garhwali Language Literature , Jokes  ; Best of  Mockery in Garhwali Language Literature  , Jokes    ; Best of  Send-up in Garhwali Language Literature  ; Best of  Disdain in Garhwali Language Literature  , Jokes  ; Best of  Hilarity in Garhwali Language Literature , Jokes  ; Best of  Cheerfulness in Garhwali Language  Literature   ;  Best of Garhwali Humor in Garhwali Language Literature  from Pauri Garhwal , Jokes  ; Best of Himalayan Satire Literature in Garhwali Language from Rudraprayag Garhwal  ; Best of Uttarakhand Wit in Garhwali Language from Chamoli Garhwal  ; Best of North Indian Spoof in Garhwali Language from Tehri Garhwal  ; Best of Regional Language Lampoon in Garhwali Language from Uttarkashi Garhwal  ; Best of Ridicule in Garhwali Language from Bhabhar Garhwal   ;  Best of Mockery  in Garhwali Language from Lansdowne Garhwal  ; Best of Hilarity in Garhwali Language from Kotdwara Garhwal   ; Best of Cheerfulness in Garhwali Language from Haridwar    ;गढ़वाली हास्य -व्यंग्य ,  जसपुर से गढ़वाली हास्य व्यंग्य ; जसपुर से गढ़वाली हास्य व्यंग्य ; ढांगू से गढ़वाली हास्य व्यंग्य ; पौड़ी गढ़वाल से गढ़वाली हास्य व्यंग्य ;
Garhwali Vyangya, Jokes  ; Garhwali Hasya , Jokes ;  Garhwali skits , Jokes  ; Garhwali short Skits, Jokes , Garhwali Comedy Skits , Jokes , Humorous Skits in Garhwali , Jokes, Wit Garhwali Skits , Jokes