आखिर धर्मनिरपेक्षिता या सेक्युलरिज्म छ क्या च ?

(Best  of  Garhwali  Humor , Wits Jokes , गढ़वाली हास्य , व्यंग्य )

-

  चबोड़ , चखन्यौ , ककड़ाट  :::   भीष्म कुकरेती    

 जब सन 50 मा भारतीय संविधान पारित ह्वे तो सेक्युलर कु इकु अर्थ छौ , धर्मनिरपेक्ष एकार्थी छौ , सेक्युलरिज्म बहसौ  मुद्दा इ नि छौ। 

 अब 2017 मा सेक्युलरिज्म बहुअर्थी ह्वे गे , बहुप्रयोगी ह्वे गे , सेक्युलरिज्म कु अर्थ स्थान, समय अर व्यक्तिक   हिसाबन पल पल बदल जांद । 

  सेक्युलरिज्म संविधान की आत्मा च , किन्तु जन राजकरणी  वळुंन गांधीवाद को छत्यानास कार , संविधान की धज्जी उड़ैन ऊनि ऊँन सेक्युलरिज्म थीँच , सेक्युलरिज्म का अंदड़ पिंदड़ निकाळिन , पोलिटिसियनुंन सेक्युलरिज्म का भतिया भंद  कार।

 सेक्युलर का पुजारी कुण मुस्लिम लीग गैर मजहबी पार्टी च , सेक्युलर का पुजारी कुण आल इंडिया क्रिश्चियन पार्टी सेक्युलर पार्टी च पर अकाली दल  साम्प्रदायी राजनैतिक दल च।  थैंक गॉड अबि अखिल भारतीय जैन राजनैतिक दल नि बौण तो  कै  कुण क्वी समस्या नी कि जैन लोक सेक्युलर छन कि नॉन सेक्युलर। 

इमाम बुखारी सेक्युलर च इख तक कि धर्मनिरपेक्ष साम्प्रदायी नेता अटल बिहारी वाजपयी जीन बि इमाम बुखारी तै सेक्युलर कु सर्टिफिकेट दियूं च।  फादर जॉन दयाल तो बाई बर्थ सेक्युलर च।  पर हरेक योग गुरु हमेशा ही जन्म से इ नॉन सेक्युलर हूंद।  और कै बि मुल्ला , फादर अर सेक्युलर निजड़ु तै पता इ नी बल योग ही इन दर्शन च जखमा  भगवान , खुदा अर पंथ की क्वी जगा नी च। 

भारतीय जनसंघ या भारतीय जनता पार्टीन  त नया शब्दकोश ही छपवै  दे अर ब्रह्माण्ड तैं एक नयो शब्द दे - स्यूडो सेक्युलरजिम ,छद्म धर्मनिरपेक्ष अर मसनोई ला दीनी।  गूणीन  बांदर पर लम्बो पूंछ को भगार , लांछन , अभियोग लगाई। 

    नितीश कुमार,  मायावती , पाशवानौ कुण सेक्युलरिज्म क्या च यु त ईश्वर का सर्वेश्वर बि नि बताइ सकुद कि युंकुंण धर्मनिरपेक्ष अर साम्प्रदायिता मा अंतर् क्या च।  सैत च नितीश , पाशवान , चंद्र बाबू नायडू कुण भाजपा एक धर्मनिरपेक्ष साम्प्रदायी पार्टी च।  जब भाजपा से कुर्सी  नि मीलो  तो भाजपा  मजहबी पार्टी अर जब भाजपाक दगड़ परसाद खाण हो तो भाजपा पवित्र धर्मनिरपेक्ष दल ह्वे जांद।  

      सेक्युलरिज्म का सबसे प्रचलित प्रतीक च इफ्तियार पार्टी मा सफेद टुपला पैरिक इमामों दगड़ गौळभिटाई ! रमजान का दिनों हरेक इफ्तियार पार्टी मा इमामूँ दगड़ फोटो खिंचैक सेक्युलर होणो सबूत दींद , सोनिया जी बि।    जैदिन जरूरत पोड़ली  तो नव हिन्दू हृदय सम्राट अमित शाह बि गोळ टुपला पैरिक टीपू सुलतान मस्जिद का इमाम मौलाना  बरकती दगड़ इफ्तियार पार्टी मा फोटो खैंचाल अर भारतीय जनता तै संदेश द्याला कि भाजपा कोरी धर्मनिरपेक्ष पार्टी च।   

  

     भाजपा से गठबंधन तुड़न हो तो सेक्युलरिज्म -  मुख से म्वासो हटाणो ओइनमेंट  च याने ब्लैक स्पॉट रिमूवर च।   

    सत्ता से जुड़णो वास्ता उत्तर -दखिन , पूरब -पच्छिम वळ सिद्धांत का राजनैतिकों कुण महगठबंधन गंठयाणो  वास्ता सेक्युलरिज्म एक गोंद च , चिपकाउ घोल च , सेक्युलरिज्म इना उनाक बेतरबीब , बेजोड़ , लटमुंड्याळ,  ढुंगुं तै जोड़िक भानुमति का कुनबा बणानो बान फेविकोल च। ममता अर कम्युनिस्ट पार्टी तो याहि सुचणा छन बल ।  

सबि राजनीतिज्ञ इ ना अजकालौ बेरोजगार युवराज लोग जन कि राहुल गांधी , अखिलेश या तेजश्वनी यादव बि बुल्दन कि हम सेक्युलर शब्द का बिना चुनाव की कल्पना इ नि कौर सकदां। 

     सेक्युलरिज्म मुसलमानूं  तै पुळयाण ना डराणो  गैस च , सेक्युलरिज्म मुसलमानी वोट बैंक पर डाका डाळणो बंदूक च , सेक्युलरिज्म वास्तव मा मुसलमानो तै मुख्यधारा से दूर रखणो एक कुचक्र च , एक जाळ च , एक  ब्रह्मास्त्र च। 

   अर अब सेक्युलरिज्म तै गाळी देकि बहुसंख्यकों तै बेवकूफ बणाये जालो , ऐंटीसेक्युलरिज्म की छ्वीं बि त एक विष ही च। 

   सेक्युलरिज्म भारतीय राजनीति का एक अवसरवादी , जनता तै धोका दीणो , प्रजातांत्रिक मूल्यों हत्या करणो बान एक मान्य , सिद्ध , सफल मुखौटा च , नकाब च , मास्क च।  
          बेगैरत राजनीतिन धर्मनिरपेक्ष तैं कच्च कच्च कच्याई।  राजनैतिक स्वार्थन सेक्युलरिज्म कु बुगचा बणाइ। बेरहम राजनीतिन सेक्युलरिज्म तै बेरहमी से गंड , गंड गिंडाई।   बेईमान राजनीतिन धर्मनिरपेक्ष तैं कखि जोग लैक नि राख।

    भारत मा यदि कै शब्द , कै इबारत , कै सिद्धांत की सबसे अधिक खुलेआम नांगी बेज्जती ह्वे तो वो शब्द च धर्मनिरपेक्ष , गैर मजहबी राजनीति याने सेक्युलरिज्म ! 

-

 -

Copyright@ Bhishma Kukreti , Mumbai India , 8 /8 / 2017 

*लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल हौंस , हौंसारथ , खिकताट , व्यंग्य रचने  हेतु उपयोग किये गए हैं।

-

 Best of Garhwali Humor Literature in Garhwali Language , Jokes  ; Best of Himalayan Satire in Garhwali Language Literature , Jokes  ; Best of  Uttarakhand Wit in Garhwali Language Literature , Jokes  ; Best of  North Indian Spoof in Garhwali Language Literature ; Best of  Regional Language Lampoon in Garhwali Language  Literature , Jokes  ; Best of  Ridicule in Garhwali Language Literature , Jokes  ; Best of  Mockery in Garhwali Language Literature  , Jokes    ; Best of  Send-up in Garhwali Language Literature  ; Best of  Disdain in Garhwali Language Literature  , Jokes  ; Best of  Hilarity in Garhwali Language Literature , Jokes  ; Best of  Cheerfulness in Garhwali Language  Literature   ;  Best of Garhwali Humor in Garhwali Language Literature  from Pauri Garhwal , Jokes  ; Best of Himalayan Satire Literature in Garhwali Language from Rudraprayag Garhwal  ; Best of Uttarakhand Wit in Garhwali Language from Chamoli Garhwal  ; Best of North Indian Spoof in Garhwali Language from Tehri Garhwal  ; Best of Regional Language Lampoon in Garhwali Language from Uttarkashi Garhwal  ; Best of Ridicule in Garhwali Language from Bhabhar Garhwal   ;  Best of Mockery  in Garhwali Language from Lansdowne Garhwal  ; Best of Hilarity in Garhwali Language from Kotdwara Garhwal   ; Best of Cheerfulness in Garhwali Language from Haridwar    ;गढ़वाली हास्य -व्यंग्य ,  जसपुर से गढ़वाली हास्य व्यंग्य ; जसपुर से गढ़वाली हास्य व्यंग्य ; ढांगू से गढ़वाली हास्य व्यंग्य ; पौड़ी गढ़वाल से गढ़वाली हास्य व्यंग्य ; 

Garhwali Vyangya, Jokes  ; Garhwali Hasya , Jokes ;  Garhwali skits , Jokes  ; Garhwali short Skits, Jokes , Garhwali Comedy Skits , Jokes , Humorous Skits in Garhwali , Jokes, Wit Garhwali Skits , Jokes