थोकदानी बौ अर वींक कजे अलग अलग हुक्का पर तमाकु किलै पींदन ?

( श्री सोहन लाल जखमोला द्वारा कही गयी एक सत्य घटना का नाट्य रूपांतर )

Best  of  Garhwali  Humor , Wits Jokes , गढ़वाली हास्य , व्यंग्य )
-
 चबोड़ , चखन्यौ , ककड़ाट  :::   भीष्म कुकरेती   

समय -1997 

स्थान -गुलरगाड (टिहरी जनपद ) क्षेत्र का एक गाँव, 

छज्जे पर पति  पत्नी अलग अलग हुक्का लिए किन्तु सजला एक ही है तो बारी बारी से तमाकू पी रहे हैं  

समय - सुबह नौ बजे 

-

(गोबिंद सिंग का आंगन में प्रवेश ) 

गोबिंद सिंग - औ ! थोकदानी बौ का बि दर्शन ह्वे गेन भै  ... 

थोकदानी बौ -ये कन  म्वाड़ म्वार  त्यार।  काकी कुण बौ छै रै बुलणु ?

गोबिंद सिंग - अरे सरा दुन्या त्वे कुण बौ बुल्द त मीन बि  ... 

थोकदानी बौ -तुम टिर्याळुं क्वी अंत पंत हूंद त हम उदेपुर्या तुमकुण   ... किलै बुल्दां। 

गोबिंद सिंग - देख वां तू टिरयाळ  अर गंगा पार उदेफर की बात नि कौर हाँ।  छे तू टिरयाळुं  घरवळी ना ? 

थोकदानी बौ - ऊं उ त मेरी मति मोरी जु मि  इना  .. निथर  .. 

गोबिंद सिंग - अच्छा ये थोकदानी बौ  तू अलग हुक्का लेकि बैठीं छे अर जोगी काका क हुक्का अलग पण सजला एकी।  किलै द्वी झण एकी हुक्का पर सोड़ नि मारदा ?

थोकदानी बौ - अरे खानदानी थोकदानी छौं मि।  आमसैण मतलब उदेपुर मा  बारा गौं का थोकदार हवलदार मुरली सिंगै  बेटी छौं मि।  मि त त्यार भिड़युं हुक्का पर बि गिच नि लगौं फिर यी बिचर त  सि  छन  ... 

गोबिंद सिंग - वाह !  ये बौ।  भीतर नि धेला  अर नाम गुमान सिंग रौतेला।  जोगी दा से त्यार द्वी लड़िक ह्वे गेन पण अबि बि  ? हुक्का बिलकुल अलग हैं ?

थोकदानी बौ -हाँ हुक्का तो छोड़ आज तक मीन यूंक क्या यूंक ब्वेक पकायूं  भात तक नि खायी।  जैदिन सासु भात पकांदी मि भात ना सिरफ रुटि खान्दु।  

गोबिंद सिंग - हाँ सुण्यु च तेरी सिक्यूं बारा मा बल तू अबि बि भौत सा बामण अर जजमानुं पकायुं भात क्या वूंक हुक्का पर तमाकु नि पींदी। 

थोकदानी बौ - त्यार बाबन कथगा दैं भात खलाणै कोशिस कार।   मजाल च या थोकदानी छुट जात्यूं बामण जजमानुं चलायुं भात खाओ।  

गोबिंद सिंग - यां इथगा इ अपण जातिक इथगा  इ गुमान छौ तो फिर किलै बैठि जोगी काका कुणी ? ये जोगी काका क्या मंतर कार तीन कि थोकदारण त्यार पैथर पैथर  ... ?

थोकदानी बौ - ऊ क्या ब्वालल मी बतै  लींदु।  अरे बुल्दन बल बुल्युं क्वी नि खांदन  लिख्युं सबि खांदन।  जोग जोग की बात च।  

गोबिंद सिंग - जोग !

थोकदानी बौ -हाँ जोगुं  बात च।  छै खारी सट्टी हूंद छा म्यार मैत।  ब्यौ बि इन ससुरास ह्वे जख  बीस खारी झंग्वर हूंद छा।  पर ब्यौ का द्वी सालम इ रांड ह्वे ग्यों।   

गोबिंद सिंग - ये मेरी ब्वे!

थोकदानी बौ -  फिर कुछ दिनुं बाद द्यूरा कुण बि बैठु।  पर ज्यूंरा तै म्यार सुख बर्दास्त नि  ह्वे।  वी बि टीबी बिमारीन जल्दी टुरक गे।  म्यार ससुर जी बि टीबीन इ  मोरी छा। 

गोबिंद सिंग - ओहो। 

थोकदानी बौ - हाँ 

गोबिंद सिंग - पर ये जोगी काका !  इथगा बड़ी गुमान वळी थोकदानी कनै आयी त्यार फंदा  मा ?

थोकदानी बौ - अरे यूंक ढोलकी का चक्कर मा ऐ ग्यों मि ?

गोबिंद सिंग - ये जोगी काका ? या काकी क्या बुलणी च।  तू त ढोल बजांदी अर काकी बुलणी बल तेरी ढुलकी चक्कर मा ऐ गे। 

जोगी दास - अरे गोबिंद ठाकुर ! एक दैं तल्ला ढांगू क बिजनी  क तूंगी बादी दगड़ आमसैण जिना उनी ग्यों त उख थोकदानी से आँख क्या मिलिन कि मि ऊना ढोलक बजाण लगि गे छौ। 

थोकदानी बौ - हां उ त पैथर पता चौल बल यी दास छन। 

गोबिंद सिंग - निथर क्या ह्वे जांद ?

थोकदानी बौ - कुछ क्या हूण छौ।  म्यार भाग मा यी छा बस।  

गोबिंद सिंग - हाँ  .. 

जोगी दास -ये गोबिंद ठाकुर ! इन त बताओ इना कना आण  ह्वे ? 

गोबिंद सिंग - हां काका उ थोकदानी बौ क चक्कर मा   .. 

थोकदानी बौ - ये काकी बोल हाँ .. 

गोबिंद सिंग - हां उ  भणजौ ब्यौ च पली मैना।  त सोळ गति कुण  ऐ जयां।  मुशकबज अर मंगळेर बि दगड़म लये।   ये काकी  त्वी जी ऐ जै मांगळ लगाणो। 

थोकदानी बौ - चुप बै।  थोकदानी छौं मि।  बड़ो आयी थोकदान्यूं से मांगळ लगवाण वळ।  

 24/12 / 2017, Copyright@ Bhishma Kukreti , Mumbai India , 

*लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल हौंस , हौंसारथ , खिकताट , व्यंग्य रचने  हेतु उपयोग किये गए हैं।

-

    ----- आप  छन  सम्पन गढ़वाली ----
-
 Best of Garhwali Humor Literature in Garhwali Language , Jokes  ; Best of Himalayan Satire in Garhwali Language Literature , Jokes  ; Best of  Uttarakhand Wit in Garhwali Language Literature , Jokes  ; Best of  North Indian Spoof in Garhwali Language Literature ; Best of  Regional Language Lampoon in Garhwali Language  Literature , Jokes  ; Best of  Ridicule in Garhwali Language Literature , Jokes  ; Best of  Mockery in Garhwali Language Literature  , Jokes    ; Best of  Send-up in Garhwali Language Literature  ; Best of  Disdain in Garhwali Language Literature  , Jokes  ; Best of  Hilarity in Garhwali Language Literature , Jokes  ; Best of  Cheerfulness in Garhwali Language  Literature   ;  Best of Garhwali Humor in Garhwali Language Literature  from Pauri Garhwal , Jokes  ; Best of Himalayan Satire Literature in Garhwali Language from Rudraprayag Garhwal  ; Best of Uttarakhand Wit in Garhwali Language from Chamoli Garhwal  ; Best of North Indian Spoof in Garhwali Language from Tehri Garhwal  ; Best of Regional Language Lampoon in Garhwali Language from Uttarkashi Garhwal  ; Best of Ridicule in Garhwali Language from Bhabhar Garhwal   ;  Best of Mockery  in Garhwali Language from Lansdowne Garhwal  ; Best of Hilarity in Garhwali Language from Kotdwara Garhwal   ; Best of Cheerfulness in Garhwali Language from Haridwar    ;गढ़वाली हास्य -व्यंग्य ,  जसपुर से गढ़वाली हास्य व्यंग्य ; जसपुर से गढ़वाली हास्य व्यंग्य ; ढांगू से गढ़वाली हास्य व्यंग्य ; पौड़ी गढ़वाल से गढ़वाली हास्य व्यंग्य ;
Garhwali Vyangya, Jokes  ; Garhwali Hasya , Jokes ;  Garhwali skits , Jokes  ; Garhwali short Skits, Jokes , Garhwali Comedy Skits , Jokes , Humorous Skits in Garhwali , Jokes, Wit Garhwali Skits , Jokes