गढ़वाली -कुमाउंनियो ! बंद करो हार को महामंडित करना

(Best  of  Garhwali  Humor , Wits Jokes , गढ़वाली हास्य , व्यंग्य )
-
 चबोड़ , चखन्यौ , ककड़ाट  :::   भीष्म कुकरेती    
-

  मि सेल्स अर मार्केटिंगौ आदिम छौं अर जब बि सेल्स मा क्वी हार की प्रशंसा करदु त वै तै अपरोक्ष रूप से पुराण चप्पलुं तैं पाणि मा भिगै भिगै से पिटे जांद।  जु सेल्स मैनेजर टारगेट पूर नि कारो अर ब्वालो  बल मीन टारगेट पूरो नि कार किंतु मि अपण डिफीट से संतुष्ट छौं त वै सेल्स मैनेजर तैं अपरोक्ष रूप से गू , मूत अर गंदो पाणी से नहलाये जांद।  टारगेट अचीव नि करण कु महिमामंडन कबि बि सेल्स या चुनाव मा नि हूंद। 

    किंतु गढ़वाली व कुमाउँनी मित्र जब प्रजातंत्र का फोड़ा, प्रजातंत्र का कलंक , परिवारवादी कॉंग्रेस   हिमाचल व गुजरातम  हार त जनम से सोनाक थाळी -चमच धारी राहुल गांधी की जै जै कार करणा छन।  बड़ो दुःख हूंद जब कुमाउँनी व गढ़वाली भाई बंद हार का  जश्न मनाणा छन।  मि तैं भविष्य कु डौर लगण मिसे गे कि यी म्यार मित्र एक भयावह मानसिकता गढ़वाली -कुमाऊंनियों मा लाणा छन। 

    सेल्स मा , विज्ञापन अर मार्केटिंग प्रोफेसन मा यदि क्वी हार तै महामंडित कारो तो वै तैं सीधा जुतये जांद, हार प्रशंसक का गौळुंद जुतुं माळा पैराये जांद , किलैकि हार की प्रशंसा माने तुम हार तैं अपणो दोस्त बणैक सदा हारणो की व्यवस्था करणा छा।  हार की परोक्ष या अपरोक्ष प्रशंसा याने हार की तैयारी , हार की प्रशंसा याने हार का अपण ड्यारम स्वागत , हार की प्रशंसा याने अपण समाज तै संघर्ष से दूर करण। 

   कॉंग्रेसन गुजरातम थोड़ा अच्छा क्या कार कि मीडिया अर गढ़वाली -कुमाउँनी कॉंग्रेस समर्थक बल्ले बल्ले करण लग गेन।  भाई लोगो ठीक च गुजरात मा अच्छो  कार  किन्तु हिमाचल की हार तो हार च कि ना ? जु योद्धा अफुम जु किला च वै किला तै नि बचै साको वै योद्धा की जै जैकार नि करे जांद।  अपण किला तै शत्रु तै जितण दीणो , सेल्स व युद्ध मा अर्थ हूंद नामर्द योद्धा !  कृपया नामर्द योद्धा की प्रशंसा कौरिक गढ़वाली व कुमाउँनी समाज मा 'हार प्रेम ' की मानसिकता नि फैलाओ।  कॉंग्रेस कु पैलो कर्तव्य छौ हिमचाल तै बचाण अर गुजरात जितण।  कॉंग्रेस द्वी कार्य सिद्ध नि कार साक अर हमर कुमाउँनी -गढ़वाली मित्र हार पर स्वाळ भूड़ा पकाणा छन ,जश्न मनाणा छन।  क्या आप अपण बच्चों  फेल हूण से संतुष्ट हूंदा ? क्या आप अपण बच्चों फेल हूण पर जश्न मनौंदा ? जी नहीं फेल हूण पर जश्न नि मनाये जयांद।

      आज मि अपण फेसबुक्या सेल्स का मित्र श्री मनमोहन जखमोला ( वाइस प्रजिडेंट मैकॉय ); श्री सुधीर बडोला (ऑल इण्डिया सेल्स मैनेजर फिलिप्स -एलेट्रोलक्स ); श्री बसंत जोशी (सेल्स मैनेजर ); श्री राजेंद्र रावल (सेल्स मैनेजर ); श्री प्रकाश पांथरी (सेल्स मैनेजर )  जौंन एक ना एक दैं म्यार दगड़ सेल्स मा काम कार , यूं से एक प्रश्न पुछण चाणो छौ।  क्या कभी जिंदगी में तुमने सेल्स में हारे हुए सेल्समैन  की इस तरह प्रशंसा की है जिस तरह गढ़वाली व कुमाउँनी हारे हुए नेता राहुल गांधी की प्रशंसा में फूल -पावड़े बिछा रहे हैं ? जी नहीं।  हार तै सेल्स समाज से दूर रखे जांद अर यांकुण  हार्युं सेल्समैन की प्रशंसा नि करे जांद। 

      हार एक छूत की बीमारी च ज्वा जीत की बीमारी से भौति अधिक जल्दी फैलदी।  हार की प्रशंसा याने आप अपण समाज तैं संदेश दीणा छा कि आवो असफलता तै पूजे जावो।  फेलियर की बड़ाई याने अपण

समाज मा असफलता लाणै प्रेरणा दीण।  राहुल गांधी की गुजरात हार की महामंडित करण याने अपण समाज तै पंगु बणानो मंत्र दीण।  बंद कारो असफलता की पुजायी। 

     युद्ध विज्ञान मा कखि बि शहीद शब्द नि हूंद।  युद्ध विज्ञान व सेना मा या सेल्स मा मृतक सैनिक से बुले जांद ," नो नो ! हमन त्वै तैं शत्रु पक्ष का सैनिक मारणो तैनात कौर छौ ना कि मरणो बान " जी हाँ सेना मा कभी भी शहीद की प्रशंसा नि हूंद।  शहीद शब्द तो समाज तै बरगलाणो शब्द च कि जांसे समाज अपण सदस्यों तै सेना मा भिजणा रावन ।  युद्ध विज्ञान मा अभिमन्यु , पौरव अर बहादुर शाह जफर की प्रशंसा नि करे जांद अपितु वूं सात जोधाओं की प्रशंसा हूंद जौन खतरनाक शत्रु अभिमन्यु तै मार , युद्ध विज्ञान मा पौरव की प्रशंसा नि करे जांद बल्कणम सिकंदर की बड़ाई हूंद अर युद्ध विज्ञान मा बहादुर शाह जफर से घृणा करे जांद।  

  क्या हम चीन द्वारा भारत की हार की प्रशंसा करदा ? जी नहीं मन ही मन हम शर्मिंदा हूंदा अपण हार से।  क्या आप पाकिस्तानी सेनापति जनरल नियाजी की प्रशंसा करदा जैन बंगलादेश की लड़ाई मा आत्मसमर्पण कार ? जी नहीं लेफ्टिनेंट जनरल नियाजी की प्रशंसा पकिस्तान मा बि नि करे जांद तो हम कॉंग्रेस का परिवारवादी सेनानायक राहुल गांधी की प्रशंसा किलै छां करणा ? क्या आप राहुल प्रशंसा से अपण परिवार तै असफलता की प्रेरणा दीण चाणा छा ? क्या आप चांदवां कि आपका बच्चा बि राहुल गांधी तरां बार बार असफल हो ? क्या आप कुमाउँनी व गढ़वाली समाज तै असफल समाज दिखण चांदा ? यदि नहीं तो फिर हार्युं  राहुल वंदना किलै  ? 

 हथ जुड़ै च बंद कारो हार का प्रतीक राहुल गाँधी की प्रशंसा।  हार से दूर रौण तो हार की प्रशंसा नि कारो प्लीज। जिंदगी मा जितणाइ  त जीत से प्रेम कारो अर हार से घृणा कारो। विनिंग से लव अर लूजिंग से घृणा  ही मंत्र च।  

 -

20/12 / 2017, Copyright@ Bhishma Kukreti , Mumbai India ,

*लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल हौंस , हौंसारथ , खिकताट , व्यंग्य रचने  हेतु उपयोग किये गए हैं।

-

    ----- आप  छन  सम्पन गढ़वाली ----
-
 Best of Garhwali Humor Literature in Garhwali Language , Jokes  ; Best of Himalayan Satire in Garhwali Language Literature , Jokes  ; Best of  Uttarakhand Wit in Garhwali Language Literature , Jokes  ; Best of  North Indian Spoof in Garhwali Language Literature ; Best of  Regional Language Lampoon in Garhwali Language  Literature , Jokes  ; Best of  Ridicule in Garhwali Language Literature , Jokes  ; Best of  Mockery in Garhwali Language Literature  , Jokes    ; Best of  Send-up in Garhwali Language Literature  ; Best of  Disdain in Garhwali Language Literature  , Jokes  ; Best of  Hilarity in Garhwali Language Literature , Jokes  ; Best of  Cheerfulness in Garhwali Language  Literature   ;  Best of Garhwali Humor in Garhwali Language Literature  from Pauri Garhwal , Jokes  ; Best of Himalayan Satire Literature in Garhwali Language from Rudraprayag Garhwal  ; Best of Uttarakhand Wit in Garhwali Language from Chamoli Garhwal  ; Best of North Indian Spoof in Garhwali Language from Tehri Garhwal  ; Best of Regional Language Lampoon in Garhwali Language from Uttarkashi Garhwal  ; Best of Ridicule in Garhwali Language from Bhabhar Garhwal   ;  Best of Mockery  in Garhwali Language from Lansdowne Garhwal  ; Best of Hilarity in Garhwali Language from Kotdwara Garhwal   ; Best of Cheerfulness in Garhwali Language from Haridwar    ;गढ़वाली हास्य -व्यंग्य ,  जसपुर से गढ़वाली हास्य व्यंग्य ; जसपुर से गढ़वाली हास्य व्यंग्य ; ढांगू से गढ़वाली हास्य व्यंग्य ; पौड़ी गढ़वाल से गढ़वाली हास्य व्यंग्य ;
Garhwali Vyangya, Jokes  ; Garhwali Hasya , Jokes ;  Garhwali skits , Jokes  ; Garhwali short Skits, Jokes , Garhwali Comedy Skits , Jokes , Humorous Skits in Garhwali , Jokes, Wit Garhwali Skits , Jokes