उत्तराखंडी ई-पत्रिका की गतिविधियाँ ई-मेल पर

Enter your email address:

Delivered by FeedBurner

उत्तराखंडी ई-पत्रिका

उत्तराखंडी ई-पत्रिका

Thursday, January 4, 2018

ग्रामीण स्वास्थ्य कुण क्रान्ति बीज

Best  of  Garhwali  Humor , Wits Jokes , गढ़वाली हास्य , व्यंग्य )

 पत्रकार , बुद्धिजीवी व साहित्यकार अवश्य पढ़ें (हाथ जोड़ प्रार्थना )
-
ग्रामीण  स्वास्थ्य कुण  क्रान्ति बीज 
-
 हौंस ही हौंस मा  बड़ी बात  :::   भीष्म कुकरेती   

स्थान -पौड़ी चीफ मेडिकल ओफिसर , CMO ऑफिस , CMO कैबिन से भैर , CMO क पीए कंडवाल अर दूर ग्रामीण अस्पतालौ  स्वीपर मध्य वीडिओ कॉनफेरेन्सिंग से बीस मिनट  से जोर जोर की वार्तालाप चलणी छे।  CMO अपण कैबिन से भैर आंद ,
-
CMO - क्या मिस्टर कंडवाल ! बीस मिनट से तुम वीडिओ कॉनफेरेन्स मा कैक दगड़ काईं काईं करणा छा ?
कंडवाल - सर गढ़पुर गांवक अस्पतालौ स्वीपर बुलणु च बल तुम से वीडिओ कॉनफेरेन्स करावो।  इन लगणु जन वेकी झाड़ा बंद हुईं च। 
CMO - ओके लेट मी टाक विद द स्वीपर।  स्वीपर जाति सूचक शब्द त नी च ना ?
कंडवाल - ना जी ना ।  स्वीपर जाति सूचक शब्द नी च। 
CMO  (कम्प्यूटर का समिण आंद ) - अच्छा मिस्टर ! मि CMO छौं. नाम बताओ। 
स्वीपर -जी झल्ला। वो क्या ह्वाइ जब मी पर झल्ल चौड़ जांद त मि अपण बुबा कि त क्या साब लोगुं बि नि सुणदु त बुबान स्कूलम बि झल्ला नाम रख दे। 
CMO -ओके  मिस्टर झल्ला ! क्या समस्या च ? 
झल्ला - साब जी मेरी बीस साल की मेडिकल प्रैक्टिस मा मीन इन केस नि देखि। 
CMO - व्हट ? सफाई कर्मचारी अर बीस साल की मेडिकल प्रैक्टिस ? 
झल्ला - साब जी खौंळेणौ स्वांग नि कारो।  गढ़वाल का ग्रामीण अस्पताल सिर्फ अर सिर्फ हम स्वीपरों भरवस पर चलणा छन।  ये अस्पताल की इमारत अर मि इ स्थिर छंवां बाकी सब अस्थिर।
CMO - हां पर तुमर अस्प्ताल मा त डाक्टर , कम्पाउंडर अर असिस्टिंग कम्पाउंडर भिजे  गे छा। 
झल्ला - जी डाक्टर साब प्रोबेशन पर छन , कम्पाउंडर साब परमोसन पर ऐ छा अर असिस्टिंग कम्पाउंडर ब्लात्कारौ पनिशमेंट पर इख भिजे गे छा।  तिनि अपण ट्रान्सफरो जुगाड़ मा ड्याराडूण पड्यां छन। 
CMO - ओके ओके।  तेरी समस्या क्या च।  क्या च मेडिकल केस ?
झल्ला - मि जरा कम्प्यूटरौ कैमरा मरीजौ तरफ करदो।  त आप बि समिज जैल्या कि मि किलै बुलणु छौं बल यु अजीब केस च। 
CMO - दिखाओ। 
झल्ला - ल्या  द्याखो। मरीजक पैरों छालक , हथकुळि का टेम्प्रेचर शरीर, कखर्वळि ,  गिच्चक टेम्प्रेचर से बि अधिक च.  
CMO - जरा हार्ट बीट तपास करदि 
झल्ला  (स्टेथोस्कोप से तपास करद )- जी नॉर्मल से थोड़ा हि अधिक।
CMO - जरा ब्लड प्रेसर चेक करदि 
झल्ला  (ब्लड प्रेसर चेक करद )- नॉर्मल हि  च थोड़ा सि अधिक पर कुछ अधिक नी च। 
CMO - जीब दिखादि 
झल्ला  (मरीज की जीब कैमरा समिण करद )- आश्चर्य या च बुखार मा जीव पीली हूण चयेणी छे त एकि जीब काळी पड़ी च।  तबि त मीन बोली कि मेरी मेडिकल प्रैक्टिस मा  ... 
CMO - एक मिनट चुप रौ।  मरीजक  आँख दिखा। 
झल्ला (कैमरा आँख पर करद  ) - आँखुं रंग नॉर्मल नि छन। 
CMO - एक मिनट भै।  रेटिना टेलेस्कोप लगा अर टेलेस्कोप तै कैमरा समिण ला 
झल्ला  (जन CMO बुल्द उनि  करद )- जी कौर याल।
CMO - ओहो।  ठीक च। ठीक च।  हाहाहा ! यूरेका यूरेका ! क्रांति क्रान्ति ! ग्रामीण स्वास्थ्य मा क्रान्ति बीज !
झल्ला - साब क्या ह्वाइ ? आप तो इन चिल्लाणा छा जन भूत लग गे हो । 
CMO - अरे झल्ला राम जी।  अब तो पहाड़ी गाँवों मा स्वास्थ्य क्रान्ति ऐ जाली।  झल्ला राम जी तुम को शत शत दंडवत प्रणाम। 
झल्ला -  स्वीपर तैं दंडवत प्रणाम ?
CMO - हाँ तीन ग्रामीण स्वास्थ्य मा सुधार का क्रान्ति बीज जि ब्वे देन। 
झल्ला -ग्रामीण स्वास्थ्य मा सुधार का क्रान्ति बीज ?
CMO - हाँ।  चूँकि डाक्टर गांवुं  माँ प्रैक्टिस नि करण चाणा छन।  पर यदि प्रत्येक ग्रामीण हॉस्पिटल वीडिओ कॉन्फेरेसिंग व वीडिओ फस्ट एड किट से सीधा जिला अस्पताल या एम्स  ऋषिकेश से जुड़े जावन तो आधा से अधिक मरीजों दवा तो वीडिओ कॉनफेरेन्स से ह्वैइ सकद कि ना ?
झल्ला - साब यु  वीडिओ फस्ट एड किट क्या हूंद ?
CMO - डिजिटल स्टेथोस्कोप जु मरीज का हाल वीडिओ  कॉन्फ्रेंस से बताइ सकद।   डिजिटल स्टेथोस्कोप मा  टेम्प्रेचर , हार्ट बीट , ब्लड प्रेसर चेक करणो डिवाइस ,आइ चेकिंग डिवाइस , त्वचा चेक करणो डिवाइस , जीव , नाक अदि चेक करणो डिवाइस , घाव चेक करणो डिवाइस , आदि आदि हूंदन ।  गांवक अस्पताल मा कम्प्यूटर  मरीज तैं चेक  करे जाल  अर दूर शहरम डॉक्टर तै मरीज का सब मेडिकल डाटा मिल जाल अर डाक्टर दवा बतै द्याल।   
झल्ला - अरे साब यो तो एक महान क्रान्ति ह्वे जाली। 
CMO - हां  मि अबि मुख्यमंत्री जी से मीटिंग फिक्स करद अर तब तक मीन चैन नि लीण जब तक उत्तराखंड मा  ग्रामीण अस्पताल तै ईएमएस ऋषिकेश या जिला अस्पताल  से वीडिओ कॉन्फ्रेंसिंग द्वारा नि जुड़े जावो। 
झल्ला - साब आप तैं यश मिले। 
CMO - अरे मि जान लड़ै द्योलु।  ओके थैंक यू  वेरी मच।  
झल्ला -साब ? मीन जांकुण  वीडिओ कॉन्फ्रेंस कार वो काम तो पूर  ह्वै इ नी च।
CMO - अरे  हाँ। तैन भलती सि  दारु पे दे। तै तैं लिम्बु मा लूण पिलाओ।  उलटी कराओ अदा घंटा मा ठीक ह्वे जालो। 
झल्ला -क्रांतिकारी CMO की जय हो , जय हो।  भगवान आप तैं लम्बी उमर  देन । 

5/1 / 2018, Copyright@ Bhishma Kukreti , Mumbai India ,

*लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल हौंस , हौंसारथ , खिकताट , व्यंग्य रचने  हेतु उपयोग किये गए हैं।
-
    ----- आप  छन  सम्पन गढ़वाली ----
-
 Best of Garhwali Humor Literature in Garhwali Language , Jokes  ; Best of Himalayan Satire in Garhwali Language Literature , Jokes  ; Best of  Uttarakhand Wit in Garhwali Language Literature , Jokes  ; Best of  North Indian Spoof in Garhwali Language Literature ; Best of  Regional Language Lampoon in Garhwali Language  Literature , Jokes  ; Best of  Ridicule in Garhwali Language Literature , Jokes  ; Best of  Mockery in Garhwali Language Literature  , Jokes    ; Best of  Send-up in Garhwali Language Literature  ; Best of  Disdain in Garhwali Language Literature  , Jokes  ; Best of  Hilarity in Garhwali Language Literature , Jokes  ; Best of  Cheerfulness in Garhwali Language  Literature   ;  Best of Garhwali Humor in Garhwali Language Literature  from Pauri Garhwal , Jokes  ; Best of Himalayan Satire Literature in Garhwali Language from Rudraprayag Garhwal  ; Best of Uttarakhand Wit in Garhwali Language from Chamoli Garhwal  ; Best of North Indian Spoof in Garhwali Language from Tehri Garhwal  ; Best of Regional Language Lampoon in Garhwali Language from Uttarkashi Garhwal  ; Best of Ridicule in Garhwali Language from Bhabhar Garhwal   ;  Best of Mockery  in Garhwali Language from Lansdowne Garhwal  ; Best of Hilarity in Garhwali Language from Kotdwara Garhwal   ; Best of Cheerfulness in Garhwali Language from Haridwar    ;गढ़वाली हास्य -व्यंग्य ,  जसपुर से गढ़वाली हास्य व्यंग्य ; जसपुर से गढ़वाली हास्य व्यंग्य ; ढांगू से गढ़वाली हास्य व्यंग्य ; पौड़ी गढ़वाल से गढ़वाली हास्य व्यंग्य ;
Garhwali Vyangya, Jokes  ; Garhwali Hasya , Jokes ;  Garhwali skits , Jokes  ; Garhwali short Skits, Jokes , Garhwali Comedy Skits , Jokes , Humorous Skits in Garhwali , Jokes, Wit Garhwali Skits , Jokes

No comments:

Post a Comment

आपका बहुत बहुत धन्यवाद
Thanks for your comments