Best of Garhwali Humor , Wits Jokes , गढ़वाली हास्य , व्यंग्य )
-
टिमुर, तूंग अर झोलगेट टूथपेस्ट मा तनातनी
-
चबोड़ , चखन्यौ , ककड़ाट ::: भीष्म कुकरेती
टिमुर - साला एक त हम पॉलीथिन से उनि तंग छां अर स्यु उन्नादेसी झोलगेट बि ऐ गे। मारो साला तै हरामी , हराम की औलाद पाजी तै। मारो , भगाओ
तूंग -हां हां तै बदजात , बदनीयत, एकाधिकारवादी कु कतल कारो। करमजला साला हरामी।
झोलगेट हर्बल टूथपेस्ट की खाली ट्यूब - माइंड योर लैंग्वेज। सांप, संपेरों और तांत्रिकों के देस के ! असभ्य जंगली , सड़ी गली कौम। ब्लडी पीछे देख के कार चलाने वाले !
तूंग - यै हम तै हमर इ देस मा गाळी दीणि छै ?
टिमुर - हां हरामी ! हमर देस से नफा कमांद अर हमी कुण 'नीच ' बुलणु च। नफ़ाख़ोर हरामखोर बहुदेसी कम्पनी। झोलझाल गेट !
तिमल - हां हां मी बि तुमर दगड़ छौं। कतल कारो तौं बहुदेसी ब्रैंडों कु , बिणास कारो सालों का , जड़नास कारो यूं विदेशी मल्टीनेशनल कंपन्यूँ का। पैल लोग मि तैं खांद छा अब विदेशी फल सेव , अनन्नास , पपीता , कीवी पर ढबि गेन।
झोलगेट - कमअक्ली कहींके , आलसी कहीं के , घर बैठे बिन घुंड हिलाये नफा की सोच वाले कहीं के! अफु कुछ नि करण अर दोष हैंक पर दीण। अफु सिंयूं रौण अर कूर बूर करण वळ , कार बार करण वळुं पर भगार लांछन लगाण कि येन मुनाफा किलै कमाई ।
तूंग - मारो साले को। मारो बहुदेशीय कम्पनी को , दूर भगावा यूं धुर्या विदेस्यूं तैं।
झोलगेट - बट व्हाइ आर यू अगेंस्ट मी ?
टिमुर - त्यार आण से म्यार कथगा अणभरवस ह्वै। जणदि बि छे ?
तूंग - पता च झोलगेट टूथ पॉउडर आण से पैल मेरी क्या पूछ छै ? बड़ो आयी पुछण वळ कि हम विदेशी चीजुं विरुद्ध किलै छां ?
दूर बिटेन ओगळ - हां हां विदेशी मुंगरी आण से लोकुन मि तैं बूण बंद कौर दे।
जळयूं गिंडा का क्वीला - कमीने साले पुछणु छे बल हम त्यार विरोध किलै छंवां ? अरे पैल लोग म्वास अर लूण मिलैक दांत साफ करदा छा अर कथगा इ दांत सफाई भारतीय ब्रैंड छा।
तूंग - पर त्यार मालिकोंन म्वास , लूण , दांतुन तै नुक्सान बताणो इथगा घ्याळ , इथगा जादा हल्ला कार बल इख गढ़वाळम बि गरीब लोग म्यार दांतुन करणम शरमाण बीसे गेन।
टिमुर - अर मे सरीखा लाभदायी दंतरक्षक , पेटरक्षक , जुकाम अवरोधक , बुख़ार अवरोधक कु छत्यानास ह्वे गे। उ त भलु ह्वेन भोटिया जातिका जौन मि तै बचैक राख।
तूंग - वोइ उन्नादेसी टूथपेस्ट ! ती तैं पता च ? सम्राट अशोक का समय पर टिमुर अर म्यार निर्यात पाटलिपुत्र तक हूंद छौ।
झोलगेट - हाहाहा ! हाहाहा ! भूतकाल की आनंद भोगी ! इतिहास में रमने वालो ! भविष्य के निर्मुखियो ! तुमर मौत झोलगेट सरीखा कंपनियोंन नि कार। तुमर मौत त अशोक काल मा इ ह्वे गे छै।
टिमुर- नहीं हमर मौत अशोक काल मा ना अपितु झोलगेट सरीखी प्रवृति से ह्वे। हमर स्वर्णिम इतिहास तुम विदेशी कंपन्युन नास कार।
झोलगेट -तुमर सरा हिन्दुस्तान इ गलतफहमी मा च। तुमर आयुर्विज्ञान , तुमर धातु विज्ञान , तुमर सब विज्ञान त अशोक काल मा इ भष्माभूत ह्वे गे छा। भारत कु विज्ञान मा अन्वेषण ही बंद ह्वे गेन तब बिटेन। अर अभियोग हम पर लगद।
तिमल - इन कन ? इन कन ? इन कनै बुलणु छै ?
झोलगेट - द्याखौ मूर्खों का च्यालो ! अशोक काल आयी तो सब संस्कृत विद्वान् याने आयुर्वेदाचार्य जन वैज्ञानिकों काम बंद ह्वे गे। यूं संस्कृत विद्वानूं तै इनि तिराये गे जन कॉंग्रेस शासन मा दक्षिण पंथी विद्वानों तौहीन ह्वे या अब भाजपा शासन मा वामपंथी विद्वानों तौहीन की कोशिस हूणी च।
तूंग - तो ?
झोलगेट - तो क्या सनातनी या श्रुति बल पर चलण वळ सब वैज्ञानिक अन्वेषण बंद हूण से सब कुछ थम गे। आज बि टिमुर का लाभ या टिमुर की औषधि निर्माण पद्धति जु आयुर्वेद मा छौ वी बताये जांद। द्वी ढाई हजार साल हूणो उपरान्त बि कुछ नया नि बताये गे मतलब तब बिटेन टिमुर अर टिमुर औषधि पर अन्वेषण ह्वाइ इ नी अर लांछन यूरोप या अमेरिकी कंपन्यूँ पर लगणु च। अरे अन्वेषण बंद कार तुमर आका भारतीयोंन अर अभियोग बहुदेशीय कंपन्यूँ पर ?
तिमल - हूं ! कुछ कुछ बात तो समाज मा आणि च आज बि म्यार बारा मा , म्यार मान तै लाभ साहित्य ज्वी बि साहित्य उपलब्ध च उ द्वी -ढाई हजार साल पैलाक साहित्य ही च। कुछ भी नया नि जुड़े गे।
झोलगेट - अर इखमा कुछ देर गुप्त काल मा कुछ ह्वे च। किन्तु अन्वेषण नि हूणो पैथर सरा दोष संस्कृत मानसिकता कु च ?
जळयूं गिंडा - संस्कृत मानसिकता ?
झोलगेट -हां ! संस्कृत मानसिकता। श्रुति विद्वानोंन संस्कृत तै विज्ञानं का माध्यम से भैर स्थानीय भाषा तै महत्व नि दे , विज्ञान ज्ञान संस्कृत तक ही सेमित रखे गे त विज्ञान ज्ञान कुछ परिवारों तक सीमित ह्वे गे। यदि आयुर्वेद या अन्य विज्ञान स्थानीय भाषा म उपलब्ध हूंद त राजनैतिक अस्थिरता , उथल पुथल का बाद भी विज्ञान व् तकनीक मा रोज अन्वेषण हूंदा अर आज भारत पता नी क्या से क्या हूंद।
जळयूं गिंडा - हां भै या बात तो बिलकुल सै च यदि विज्ञान स्थानीय भाषाओं मा उपलब्ध हूंद तो भारत मा विज्ञान , टेक्नोलॉजी अग्वाड़ी बढ़नि रैंदी। संस्कृत भाषा तै महत्व दिए गए विज्ञान प्रसारण तै ना ।
टिमुर - पर तुम विदेशी कम्पनी बि त अंग्रेजी ?
झोलगेट - बिलकुल नहीं। हमर मालिकों असली सोच च थिंक ग्लोबल ऐंड गो लोकल। याने स्थानीयता तै पूरो महत्व द्यावो।
तूंग - औ तबि अब झोलगेट नमक के साथ , आयुर्वेदिक झोलगेट जन टूथपेस्ट बि ऐ गेन ?
झोलगेट - हाँ अर भोळ नया प्रोडक्ट आलू - झोलगेट विद टिमुर एक्स्ट्रैक्ट , झोलगेट विद तूंग लीव्ज पेस्ट , झोलगेट विद फिग रेजिन , झोलगेट विद गेरु आदि आदि।
गेरु - बाबा रामदेव के जय ! बाबा रामदेव की जय ! बाबा रामदेवन यूं बहुराष्ट्रीय कंपन्यूँ तै विवश कौर दे कि अब विदेसी कंपन्यूँ तैं आयुर्वेद पर अन्वेषण करण इ पोड़ल।
सब -जै स्वदेसीकरण ! जै स्वदेसीकरण ! जै नव जागृति !
-
31/12 / 2017, Copyright@ Bhishma Kukreti , Mumbai India ,
*लेख की घटनाएँ , स्थान व नाम काल्पनिक हैं । लेख में कथाएँ , चरित्र , स्थान केवल हौंस , हौंसारथ , खिकताट , व्यंग्य रचने हेतु उपयोग किये गए हैं।
-
----- आप छन सम्पन गढ़वाली ----- Best of Garhwali Humor Literature in Garhwali Language , Jokes ; Best of Himalayan Satire in Garhwali Language Literature , Jokes ; Best of Uttarakhand Wit in Garhwali Language Literature , Jokes ; Best of North Indian Spoof in Garhwali Language Literature ; Best of Regional Language Lampoon in Garhwali Language Literature , Jokes ; Best of Ridicule in Garhwali Language Literature , Jokes ; Best of Mockery in Garhwali Language Literature , Jokes ; Best of Send-up in Garhwali Language Literature ; Best of Disdain in Garhwali Language Literature , Jokes ; Best of Hilarity in Garhwali Language Literature , Jokes ; Best of Cheerfulness in Garhwali Language Literature ; Best of Garhwali Humor in Garhwali Language Literature from Pauri Garhwal , Jokes ; Best of Himalayan Satire Literature in Garhwali Language from Rudraprayag Garhwal ; Best of Uttarakhand Wit in Garhwali Language from Chamoli Garhwal ; Best of North Indian Spoof in Garhwali Language from Tehri Garhwal ; Best of Regional Language Lampoon in Garhwali Language from Uttarkashi Garhwal ; Best of Ridicule in Garhwali Language from Bhabhar Garhwal ; Best of Mockery in Garhwali Language from Lansdowne Garhwal ; Best of Hilarity in Garhwali Language from Kotdwara Garhwal ; Best of Cheerfulness in Garhwali Language from Haridwar ;गढ़वाली हास्य -व्यंग्य , जसपुर से गढ़वाली हास्य व्यंग्य ; जसपुर से गढ़वाली हास्य व्यंग्य ; ढांगू से गढ़वाली हास्य व्यंग्य ; पौड़ी गढ़वाल से गढ़वाली हास्य व्यंग्य ;Garhwali Vyangya, Jokes ; Garhwali Hasya , Jokes ; Garhwali skits , Jokes ; Garhwali short Skits, Jokes , Garhwali Comedy Skits , Jokes , Humorous Skits in Garhwali , Jokes, Wit Garhwali Skits , Jokes
