पुलिस वाळुं जनसुरक्षा प्रेम

Skit Transliteration - भीष्म कुकरेती 

एक आदिम -दरोगा साब तुम मि तैं किलै कार से खैंचणा छंवां ? मीन क्या गुनाह कार ?

पुलिस कॉन्स्टेबल -हरेक गुनाहगार इनि बुलद। आदिम -अरे आप डंडा किलै मारणा छंवां ?कॉन्स्टेबल -तू म्वाट मनिख छे।  यु गुनाह नी च ?आदिम -हैं ? यु क्या बात च ?कॉन्स्टेबल -द बोल ! म्वाट आदिम से जान सुरक्षा तैं बड़ो खतरा नि हूंद? अर फिर तू कार बि ड्राइव करणु छै।

आदिम -अरे म्वाट हूणम क्यांक गुनाह ? कॉन्स्टेबल -सुरक्षा पर बहुत फरक पड़द। त्वे सरीखा म्वाट आदिम तैं ड्राइवर रखण चयेंद। आदिम -यु त शारीरिक क्षमता पर एक पक्षपात च , भेद च। कॉन्स्टेबल -सॉरी ! ये तैं व्यक्तिगत रूप मा नि ले पर मि तैं त नियमु पालन करण अर कराण पोड़द। आदिम -अरे नियमुं नाम पर भंयकर मजाक च यु।  क्या भद्दा हूण गुनाह च ? कॉन्स्टेबल -जी हाँ भद्द हूण गुनाह नी च किन्तु भद्दा लोगुं तैं सड़क पर खड़ो हूण या गाड़ी चलाण गुनाह ह्वे जांद।  आदिम -क्या मजाक च यु कि भद्दा  का वास्ता खतरा छन। कॉन्स्टेबल -जी हाँ भद्दा मनिख सुरक्षा बान खतरा ह्वे जांदन। 

आदिम -जी क्या ? अरे भाई क्या बकबास च यु ?कॉन्स्टेबल -बकबास नी च।  भद्दा लोग  ड्रायवरों ध्यान अनावश्यक रूप से बंटदन   अर यांसे एक्सीडेंट हूणों खतरा ह्वे जांद। आदिम -बकबास ! बदतमीजी , अरे भद्दा लोग खूबसूरती  ड्राइवरों ध्यान बंटदन ? कॉन्स्टेबल - जी हाँ हम तैं ट्रेनिंग मा ड्राइवरों ध्यान क्यां क्यां पर अटक जांद बारा मा पूरो चार दिन पढ़ाये गए छौ। आदिम -मतबल यदि मि खूबसूरत या आम मनिख हूंद तो मि सुरक्षा का वास्ता खतरा नि छौ ?कॉन्स्टेबल -नै नै ! इन बात नी च।  समय का हिसाब से हम दिख्दा कि हौर क्या क्या बात सुरक्षा  वास्ता खतरा ह्वे सकद।  जनकि तेरी  लाल टी शर्ट बि रोड सेफ्टी कआ वास्ता भयंकर खतरा च।  तेरी  टी  शर्ट बि एक्सीडेंट करै सकद च। आदिम - क्या ?कॉन्स्टेबल  -तेरी टी शर्ट माँ लिख्युं च Kiss Me ।  अर यांसे हौर कारक ड्राइवर कुछ बि सोच सक्दन।  तो त्यार द्वी गुनाह ह्वे गेन अब। आदिम  -अरे यु क्या मि कै रंगौ शर्ट पैरु अर वीं टी शर्ट मा लिख्युं च वो म्यार प्रजातंरीय अधिकार च।

कॉन्स्टेबल -हाँ अधिकार च पर इन फैशन रुकण हमर काम च जु सुरक्षा का वास्ता खतरा हो।  हौर ड्राइवर का ध्यान एक सेकंड का वास्ता बंट ना कि ऐक्सिडेंट ह्वे ना !
आदिम -पता नि यु नियम कैन बणाइ धौं !
कॉन्स्टेबल -चलो एक हजार की रशीद फाड़ो।

आदिम -ह्यां पर मि कोर्ट जाणो तयार छौं। कॉन्स्टेबल -तो ड्राविंग लाइसेंस ला अर गाडी सब पेपर दिखा। आदिम -मीम हजार रुपया नि छन।  मीम तो एक सौ इ छन। कॉन्स्टेबल - त ला।  पैली म्यार किसौंद डाळि दींद तो तीन किलै सुणन छौ कि तू म्वाट मनिख छे। 

आदिम -ले। कॉन्स्टेबल -जा।