नंदा जात जागर फड़कि (भाग)-16

नंदा जात जागर फड़कि (भाग)-16

गीत एकत्रीकरण -नन्द किशोर हटवाल

इंटरनेट प्रस्तुती: भीष्म कुकरेती

बरातौ वापस जाणो तयार हूण

 

रिषासौ ह्वेगे सौ पात पिठाई

पंचनाम द्यब्तों की पात पिठाई

रिषासौ ह्वेगे सी पान सुपारी

बरात वापसी

कविलाश पैटीग्ये इसुर बरात

आज मेरि माता क्या बैनू ब्वलानि

सूणा म्यारा पूतोऊ तू म्यरी बारता

नंदा कू सौर्यास जांदी बगत दुखी होण

कनकै छ्वड़ोलो मी रिसासौ को मैत

कनकै छ्वड़ोलो मी माता जी मैणा

कनकै छ्वड़ोलो मी पिताजी हेमंत

कनकै छ्वड़ोलो मी सातपांच बैण्यो

कनकै छ्वड़ोलो मी संग की सहेल्यो

कनकै छ्वड़ोलो मी नौख्म्बा डंडऴयाळी

नौखंबा डंडऴयाळी च चौखंबा च द्वारे

कनकै छ्वड़ोलो मी नौ नाला मंगरी

कनकै छ्वड़ोलो मी गोदी का भतीजा

कनकै छ्वड़ोलो मी रीठामाळी चौक

कनकै छ्वड़ोलो मी मैन्यु लीगो गोदी

कनकै छ्वड़ोलो मी घड़ेली दगड़ी

कनकै छ्वड़ोलो मी भौज्याणु संग

नंदा जात जागर का बाकी भाग -फड़कि (भाग)-17 में