कुतग्यळी

जौंकी खुटियुं मा बि लगदी कुतग्यळी
उंकी जिकुड़ी का अब क्या हाल छन.
जौंका घुन्डों मा बि आंदी अंसधरी
उंकी आंख्यों का क्या हाल छन.

उन्दारी का बाट जब सक्सक्याट चा
उकाळी मा अब ऊंका क्या हाल छन.
नौणि गुंद्की जनि बांद फरफराट मा
जूनी सि मुखड़ी का क्या हाल छन.

चटगदु घाम मा वा अळसिणी होलि.
जरा सि छैल मा जाणे स्वचणी होलि.
यख होलि वख होलि कख जि होलि
मि स्वच्दु रैग्युं सौंजड्या कख जि होलि.     

         डॉ नरेन्द्र गौनियाल..सर्वाधिकार सुरक्षित...narendragauniyal@gmail.com